Joel 3:16 - Qullan Arunaka DC

¹⁶ 16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Aymar Bibliia 1986

¹⁶ Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Qullan Arunaca

¹⁶ Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Joel 3:16 Jak'a apnaqawi uñst'ayäwi

Salmos 18:2

2 (3) Jumaw arxatirixätaxa, imantasiñaxätasa, jumaw qhispiyirixätaxa, Diosaxätasa, nayar imantir qarqaxätasa, imir jark'aqasiñaxätasa, qhispiyir ch'amaxätasa, wali amstankir imantasiñaxätasa.

Salmos 29:11

Tatituw markaparux ch'am churi; jupaw markaparux sumankañ churi.

Salmos 61:3

3 (4) jumaw nayan imantasiñaxätaxa. ¡Jumaw timasirixat jark'aqir ch'aman pukarätaxa!

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Isaías 33:16

ukakiw chiqpachansa taqi kunat imat jakani, qarqat lurat mä suma utan samart'ani, manq'añapas jan tukuskirïniwa, umas janirakiw jupatak pist'kaniti.

Isaías 33:21

Tatitux ukan jach'a ch'amap uñacht'ayani. Jerusalén markax jach'a jawiranakanïniwa, ukampis uñisirinakan barconakapax janiw uka jawiranakanjam mantanipkaniti.

Isaías 42:13

Tatitusti mä atipirjamaw mistunini, taqi ch'amampiw nuwasir jaqjam nuwasini; nuwantañatakiw art'ani, uñisirinakaparusti atipjaniwa.

Isaías 51:16

nayaw alaxpach uskta, aka uraqsa sum sayt'ayta. Nayarakiw lakamarus arunakax uchtxa, ch'amaxampiw imsma. Nayaw Jerusalén markarux ‘Jumax markaxätawa’ ” sarakta.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 17:17

Janiy nayatakix axsarkañ tukumti, jan walt'añanakaxansti nayan arxatirixätawa.

Ezequiel 38:19

Uka aqkir phiñasiñaxan arsta, uka urunakan mä jach'a uraqi khathatiw Israel uraqin utjani.

Oseas 11:10

Jupanakasti Tatituruw arkapxani, jupasti mä leonjamaw wararini. Wararitapatsti, jupankirinakax khathatt'asisaw inti jalanta tuqit jutxapxani.

Amós 1:2

Amós profetax sänwa: Tatitux Jerusalén markana, Sión qullutpacha wali jach'a arumpi art'ki ukapachaxa, uywa manq'añ chhuxllanakas q'alaw pharsxi, Carmelo sat qullus wañsxarakiwa.

Amós 3:8

¿Khitirak jan sustjaskaspa leonan wararitap ist'asasti? Tatitutix parlam saspaxa, ¿khitirak jutir urunakat jan yatiykaspasti?

Nahúm 1:7

Tatitux wali suma Diosawa, llakisiñanakan arxatasiriwa; jupar alkatirinakarux arxatarakiwa.

Hageo 2:6

Akat mä juk'arusti nayax alaxpachampi, akapachampi khathatiyä, jach'a qutsa, waña uraqsa khathatiyäwa.

Hageo 2:7

Taqi markanak khathatiyarakï, ukatsti qamir yänakap apanipxani, nayan utaxasti k'ajkirirakïniwa.” Taqi ch'aman Tatituw arsu:

Zacarías 10:12

Nayaw markaxarux ch'am churä, jan axsarasaw sutixar sarantapxarakini. Naya, Tatituw uk arsta.”

Zacarías 10:6

Tatitux siwa: “Nayätwa Israelan Tatitupaxa, markaxan mayisitanakap ist'araktwa. Nayaw Judá wila masit saraqirinakarux ch'am churä, José wila masit saraqirinakarusti nayaw qhispiyarakï. Wasitat uraqiparux irpxä, jupanakat khuyapayasitax layku. Janis jupanakar apanukkiriskäyäta ukham jichhax amuyasxapxani, jupanakar khuyapayasiñax uñacht'ayä.

Zacarías 9:12

ukatsti suyt'äwi chuyman phuqt'ataw kutt'anxapxani, suma uyuchrantat markanakaru. Sapxsmawa, nayasti taqi t'aqhisitanakamatxa aski waxt'äwinakampi phuqt'apxäma, kusisiñanakxa pä ukkhampi katuqapxarakïta.

Hebreos 12:26

Khä urunakan Diosax parlxaykän ukkhax, arupax aka uraqirux khathatiyänwa. Jiwasatix Diosan alaxpachat arsutapar jan ist'kañäni ukkhax, mutuyataw uñjasiñäni. Jichhax jupax siwa: “Mä kutimpiw khathatiyä, janiw uraqikti, jan ukasti alaxpachamppach khathatiyä” sasa.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Apocalipsis 11:19

Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Apocalipsis 16:18

Ukatsti lliju llijunakampi, qhixu qhixunakampi, uxuñanakampi, jach'a uraqi khathatinakampiw utjäna, ukar uñtatax janipuniw kunapachas jaqinakan utjatapatpach uñjaskänti.

1 Samuel 15:29

Israelan jach'a Tatitu Diosapäki ukaxa, janiw k'ariskaspati, janirakiw amtkaspasa, jupasti amtañatakix janiw aliqa jaqikïkiti —sasa.