Joel 1:10 - Qullan Arunaka DC

¹⁰ Yapunakax llakkañ tukjatawa, uraqix lutt'atäkaspas ukhamawa. Trigos pist'awayxiwa, uva yapunakas q'al pharsuwayxi, olivo quqanakasti q'ala wañsutawa.

Aymar Bibliia 1986

¹⁰ Yapunacajj llaccaña tucjatawa, orakejj lutt'ataraquiwa. Trigos janiraquiw utjcjjeti, uva yapunacas k'ala wañsutaraquiwa, olivo kokanacasti k'ala ancuntataraquiwa.

Qullan Arunaca

¹⁰ Yapunacajj llaccaña tucjatawa, orakejj lutt'ataraquiwa. Trigos janiraquiw utjcjjeti, uva yapunacas k'ala wañsutaraquiwa, olivo kokanacasti k'ala ancuntataraquiwa.

Joel 1:10 Jak'a apnaqawi uñst'ayäwi

Génesis 4:12

Wal yapuchkäta ukasa, janiw achunakax achurapkätamti. Aka uraqi muyusarakiw jan samart'añ jikxatas sarnaqäta.

Isaías 15:6

Nimrim uka chiqan utjir uma phuch'unakas wañt'xiwa, ch'uxña quranakas ankuntawayxiwa, taqi chhuxllanakas jiwsuwayxiwa, janirakiw mä ch'uxña laphis utjkxiti.

Isaías 24:11

Jaqinakasti marka thakhinakan vinon pist'atapat jachapxi; taqi kusisiñas tukusiwayxiwa, aka uraqitsti apanukutäxarakiwa.

Isaías 24:7

Uva yapunakax q'ala wañsutawa, ukat vinox jan utjkxiti. Khitinakatix kusisiñat q'uchupxirïn ukanakax, jichhax llakisiñatsa jiwirpachäpxiwa.

Jeremías 12:11

Llakiskañ wasararuw tukuyawayapxi; jupan jachatapsa nayax uñjaraktwa. Taqi aka uraqpachaw ch'usa wasarar tukuta, ukampis janiw khitis llakt'askiti.

Jeremías 12:4

¿Kunapachkamas uraqix wañantatäskakini, pampanakan quranakas wañsuskarakini? Aka markan jakir jaqinakan ñanqha luratanakapatxa uywanakasa, jamach'inakas jiwarasipkiwa, jupanakax janis jumax luratanakap uñjkasma ukham amuyapxi.

Jeremías 48:33

Moab suma achur pampanakanxa, janirakiw k'uchik arnaqasiñanakas ist'askxiti. Vinos pist'xarakiwa vino uchañ utanakanxa, janiw khitis uva takirix utjkxiti, janirakiw kusisiñat q'uchuñanakas utjkxiti.

Oseas 4:3

Ukat aka markax jacht'asis sarnaqaski; aka markan jakirinakasti jan ch'amanikïxapxiwa; pampankir animalanakasa, jamach'inakasa, jach'a qutankir chawllanakas jiwarxapxarakiwa.

Oseas 9:2

Israel markax janiw trigsa, vinsa uñjkaniti; machaq vinopasti janiw kunatakïkanisa.

Joel 1:12

Uva yapunakas wañsuwayxiwa higo yapunakas tukusiwayxiwa. Granado quqanakasa, palmeranakasa, manzanonakasa, taqpach quqanakas q'alaw wañsuwayxi. ¡Jaqinakan kusisiñapas chhaqtawayxarakiwa!

Joel 1:5

¡Umatanaka sartapxam! ¡Vino umirinaka, jachapxam, jichhax janiw jumanakatak vinox utjkxaniti!

Joel 2:19

sarakiwa: “Jichhax trigo, vino, aceite apayanipxäma, ukanakampi sist'asipxañamkama, Diosar jan uñt'ir jaqinakan jumanakat larusipxañap janiw munkäti.

Levítico 26:20

Inamayakiw ch'amsa tukusipkäta, uraqisti jumanakatakix janiw kuns achuykxaniti, janirakiw quqanakas achunakap churapkätamti.

Habacuc 3:17

Janisay higo quqanakax panqarkpan, janisay uva alinakasa, olivonakas achunak churkpan; janisay yapunakax achunak churkpan; oveja tamanakas q'alasay tukusiskpan, janisay uywanakax uyunakan utjkpan, ukampis kusisiñampiw jumarux yupaychäma, jumaw nayan qhispiyirixäta.

Hageo 1:11

Nayaw jallu jan puriykti, pampanakxarusa, qullunakxarusa, trigo yapunakxarusa, uva yapunakxarusa, olivo quqanakxarusa, pampa yapunakxarusa, jaqinakxarusa, uywanakxarusa, ukhamarak taqi luratanakapxarusa” sasa.

Malaquías 2:3

“Taqi ch'amanïñamsa nayax apaqapxämawa, ukatsti kawkïr uywanaktix luqtañatak apanipkäta uka uywanakan wanupampiw ajanut qhallkatapxäma, uka wanump chikarakiw pichanukut uñjasipxäta.