Jeremías 8:9 - Qullan Arunaka DC

⁹ Ukampis uka yatiñan jaqinakax p'inqachjatäpxaniwa, jan mayan tukjatäpxarakiniwa. Jupanakax janipuniw kuna yatiñanïpkisa, nayan arunakaxsa janiw ist'añ munapkiti.

Aymar Bibliia 1986

⁹ Ucampisa uca yatiñaninacajj jisc'achjataw uñjasipjjani, sipitaru jalt'ir animalanacjamaraquiw qhathatipjjani, ¿Cawquincaraqui yatiñapasti niyaqui arunacapajj apanucupjjchi ucapachasti?

Qullan Arunaca

⁹ Ucampisa uca yatiñaninacajj jisc'achjataw uñjasipjjani, sipitaru jalt'ir animalanacjamaraquiw qhathatipjjani, ¿Cawquincaraqui yatiñapasti niyaqui arunacapajj apanucupjjchi ucapachasti?

Jeremías 8:9 Jak'a apnaqawi uñst'ayäwi

2 Reyes 17:15

kamachinakaparusa, nayra awkinakapamp lurkatayna uka arust'äwirus jisk'achapxänwa. Ukhamarus jan yäqkañ yaqha diosanakan qhipap arkapxäna, ukham lurasaw jupanakax mä jan yäqkañ markar tukupxäna, jupanak jak'ankir markanakan luräwinakap yatiqasipxäna, kuntix Tatitux ukanak jan lurapxañapatak siskchïna ukasa.

Job 5:12

jupaw ñanqha jaqinakan amtatanakap t'unatati, jupanakarus aynacht'ayaraki.

Job 5:13

Jupaw ñanqha chuyman jaqirux, pachpa ñanqha amtatanakapar jalantayi, uka ñanqha amtatanakapsa aynacht'ayaraki.

Salmos 19:7

7 (8) Tatitun kamachinakapax chiqapawa, jaqin chuymap machaqaptayiriwa. Tatitun arunakapax askiwa, llamp'u chuyman jaqir yatiñan tukuyiriwa.

Isaías 19:11

¡Soan markan jilïrinakapa, jumanakax kunja luqhïpxtasa, Egipton suma amuyt'ayirinakapa, jumanakax luqhi amuyt'irinakäpxtawa! ¿Kunjämrak faraonarusti sapxtasti: “Nanakax wali yatiñan jaqinakan wawanakapäpxtwa, nayra reyinakan wawanakapäpxtwa” sasasti?

Isaías 29:14

Ukatpï jichhax muspharkañanaka aka markarux uñacht'ayäxa, ukatsti, aka markax muspharataw uñjasini. Yatiñani jaqinakapan yatiñanakapsa, ch'ikhi jaqinakapan amuyt'añanakapsa, q'al chhaqtayäxa.”

Isaías 43:27

Nayra awkimax juch luräna, yatichirinakamasti nayatakiw sayt'asipxarakïna,

Isaías 8:20

ukhamat mä kuna yatiyäwsa katuqañatakisti?” sasa. Ukhampun arsupxanixa, uka arsutanakapax mä luqhi jaqin arsutanakapjamawa.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 49:7

Edom markataki taqi ch'amani Tatitun arunakapa: “¡Yatiñan jaqinakax janiw Temán markan utjkxiti! Janiw maynis utjkxiti. Yatiñ kankañax tukusiwayxiwa, janirakiw khiti iwxt'iris utjkxiti.

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Jeremías 6:19

Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Ezequiel 7:26

Jan walt'añanakax mayat mayat jutani; jan wali yatiyäwinakasti may mayaw purinini. Inamayaw mä profetarus thaqhasipkani kuntix Tatitux siski uk qhanañchañapataki; janiw jupanakar yatichir sacerdotex utjkxaniti, janirakiw jupanakar iwxt'iri jilïr jaqis utjkxaniti.

Amós 2:4

Tatitux akham siwa: “Judá markankir jaqinakax walja ñanqhanak lurapxi, ukat jupanakarux mutuyarakï; Tatitun yatichäwinakap janiw katuqapkiti, janirakiw kamachinakaparus phuqhapkiti, jan ukasti kawkïr yaqha diosanakarutix awkinakapax yupaychapkän ukanakaruw yupaychapxi.

Zacarías 13:4

“Khä urunsti, profetanakax k'ari unañchäwinak parlapxatapat p'inqasipxani. Janiw khitis profetanakan lip'ichit lurat isinakampi uchasisax sallqjkaniti,

Deuteronomio 4:6

Uka kamachi arunak phuqhasaraki sarnaqapxam, ukhamat taqi markanakas yatini, jumanakan yatiñ kankañanïpxatama, suma amuyt'anïpxatama; kunapachatix uka kamachinakxat yatipkani ukkhasti, jupanakax sapxaniwa: ‘Kunja suma amuyt'an markas aka markaxa’ sasa.

2 Timoteo 3:15

Ukhamarus jumax wawatpach Tatitun arunakap yattaxa, uka arunakaw yatichätam, Cristo Jesusar iyawsatam laykuw qhispiyasiñar irparakïtam.