Jeremías 7:23 - Qullan Arunaka DC

²³ Ukampis jupanakarux nayar ist'apxañapatakiw mayta; ukhamat nayax jupanakan Diosapïrista, jupanakasti nayan markaxarakïspa sasa. Ukatsti sarakïyätwa kunjämtix nayax siskta ukarjam sarnaqapxañapa, ukhamat taqi kunas sumak sarañapataki.

Aymar Bibliia 1986

²³ Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Qullan Arunaca

²³ Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Jeremías 7:23 Jak'a apnaqawi uñst'ayäwi

Job 36:11

Jupanakatix Diosar ist'apxani, jaysapxarakini, kusisita, askimp phuqt'ataw sapür sarnaqapxani.

Salmos 119:3

jan kuna ñanqha luririnakasa, Tatitun thakhipan sarnaqirinakas kusisiñaniwa.

Salmos 40:6

6 (7) Janiw jumax wilañchanakampix kusisktati, janirakiw luqtanakas kusisiyktamti; janiw jucha pampachañatakix wilañchanak mayktati. Ukatsipan nayarux jinchunakax jist'arista.

Salmos 81:13

13 (14) Markaxatix ist'itasapänxa, Israel markatix thakhixanjam sarnaqasapänxa,

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Éxodo 16:32

Uka qhipat Moisesax markar säna: —Tatitux akham siwa: “Pä kilo maná t'ant'a mä phukhur uchapxam, wawanakaman wawanakapataki, jumanakar Egiptot irpsunisin wasaran manq'ayapksma uka manq'a jupanakan uñt'apxañapataki” —sasa.

Isaías 3:10

Ukampis aski jaqinakax kusisiñanïniwa, jupatakisti taqi kunas walikïskaniwa. Aski luratanakapatsti kusisirakiniwa.

Jeremías 11:4

Uka arust'äwsti, nayra awkinakapampiw lurta, kunapachatix Egiptot irpsunkäyät ukapacha, uka markasti jupanakatakix hierro umatatayañ hornjamänwa. Sarakïyätwa: Nayar ist'apxita, kuntix nayax sapkäma taqi ukanak phuqhapxam, ukhamat jumanakax nayan markaxäpxäta, nayasti jumanakan Diosamarakïyäwa.

Jeremías 11:7

Kunapachatix nayax awkinakamar Egiptot irpsunkäyäta ukapachax, nayaruk jaysapxita sarakïyätwa, ukatpacha jichhakamas uk saskakipuntwa.

Jeremías 13:11

Kunjämatix mä wak'ampi wal jiyantas wak'antastanxa, ukhamarakiw Israel markasa, Judá markas nayan jak'axan mayakïpxañapa, ukhamat nayan markaxäñapataki, sutixsa yatiyapxañapataki, jach'a kankañaxsa, jach'ar aptapxañapataki. Ukampis janiw ist'apkituti. Naya, Tatituw uk arsta.

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 22:3

Aka chiqansti kunatix chiqapäki, askïkaraki uk lurapxam, t'aqhisiyatarusti t'aqhisiyiripat qhispiyapxam, yaqha markat jutirinakarusti jan jisk'achapxamti, wajchanakaru, ijma warminakarus janirak kuna jan walsa lurapxamti. Jan juchan jaqinakarusti jan jiwayapxamti.

Jeremías 24:7

Jupanakarusti nayan Tatitütax yatipxañapatakiw mä suma amuy churarakï; jupanakasti markaxäniwa, nayasti jupanakan Diosaparakïyäwa, nayar taqi chuymampi kuttanxapxatapata.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Jeremías 32:23

Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Jeremías 38:20

Jeremiasasti ukxarux sarakïnwa: —Juma, jach'a reyix janiw jupanakan amparaparux jalt'kätati. Jach'a rey, Tatitun arunakapar jaysam, kuntix jumaru yatiyksma uka arunakaru, ukapachasti taqi kunas walikïskakiniwa, janiw jiwayatäkarakïtasa.

Jeremías 42:6

Jupan arunakapax walïnisa, jan walïkanisa, Tatitu Diosarupuniw nanakax jaysapxä, khitin ukarutix jiskt'añatak khithapksma uka Tatituru, ukhamat taqi kunas nanakatak walt'añapataki —sasa.

Sofonías 3:2

Tatitun aruparux janiw ist'känti, chiqachäwi arunaksa janiw ist'añ munkänti, Diosaparus janiw katuyaskänti, juparus jak'achasiñ janiw munkarakïnti.

Zacarías 6:15

Jumanakatix arunakaxar sum ist'apxäta ukapachaxa, jayanakatpach Tatitun utap wasitat sayt'ayañ yanapt'irix jutapxani; ukkhaw jumanakax taqi ch'amani Tatitun nayaru khithanitapxa yatipxäta.

Zacarías 7:7

Kuntix jichhax sapksma ukxa, khä urunakaw profetanak tuqi sapxayäsma, kunapachatix Jerusalén markaxa, ukhamaraki uka thiya markanakasa, jaqin phuqt'atäskäna ukapacha, kunapachatix Néguev sat chiqana, ukhamaraki pampanakan suman jakasiñax utjkarakïna ukapacha.

Romanos 16:26

ukampis jichhax profetanakan qillqatanakap tuqiw uñachayasi, wiñay jakir Diosan arunakaparjama. Diosan imantat aka amtäwipax taqi markanakaruw yatiyasi, ukhamat iyawsapxañapataki, jaysapxañapatakiraki.

2 Corintios 10:5

ukhamarak Diosan arunakapax jan uñt'atäñapatak jark'ir jach'achasiñ arunakarusa. Jaqin janchi amtatanakapsa Cristoruw katuyapxta, ukhamat jupar jaysapxañapataki,

Deuteronomio 11:27

Jumanakatix jichhürun churapksma uka Tatit Diosaman kamachi arunakap phuqhapxätaxa, aski waxt'äwinak katuqapxäta;

Deuteronomio 13:4

4 (5) Tatit Diosam saparukiw arkapxäta, jach'añchapxarakïta, kamachi arunakap phuqhapxam, arunakap ist'apxam, juparu yupaychapxam; jupamp chikt'atapun jakapxarakim.

Deuteronomio 13:5

5 (6) Uka unañchäwinak uñjir profetasti jiwayataw uñjasini, jumanakar Tatit Diosamatak sayt'asiñ amtayatapata, thakhipat jithiqtayañ munatapata. Ukhamat jumanak taypit taqi jan wali luräwinakxa saphitpach jik'inukupxäta. Tatitusaw jumanakar Egipto markan t'aqhisiyat sarnaqañat qhispiyanipxtam, ukhamasti juparukiw jaysapxäta.

Deuteronomio 30:2

Jumanakampi wawanakamampitix amthapisisina, Tatitur wasitat jaysañatak makhatxapxäta, taqi chuymamampi, taqi jakañamampi, ukatsti iwxapksma uka kamachinakar phuqhapxarakïta ukapachasti,

Deuteronomio 30:20

Tatit Diosamar munasipxam, jupar ist'apxam, suma iyawsañamp arkapxarakim, ukankiw jumanakan jakañamaxa, Tatitux Abrahamaru, Isaacaru, Jacob nayra awkinakamar churañ amtkatayna uka uraqin walja maranak jakañamasa.”

Deuteronomio 30:8

Jumanakasti Tatituruw kuttanxapxäta, juparuw ist'apxarakïta, ukhamarus kuntix jichhürun iwxapksma uka kamachi arunakarjamarakiw sarnaqapxäta.

Deuteronomio 4:10

“Kunürutix Horeb qullun jumanakax Diosan nayraqatapan jikxatasipkäyäta ukkhaxa, Tatitux nayaruw sitäna: ‘Taqpach markar tantachthapim, arunakax ist'añapataki, jakañanakapan nayar waqaychañ yatiqañapataki, ukatsti wawanakapar kipkarak yatichapxañapataki’ sasa.

Deuteronomio 4:40

Jichhürun churapksma uka kamachi arunakap phuqhapxam, ukatsti jumanakasa, wawanakamasa, sumakiw sarnaqapxäta, walja maranakarakiw jakapxäta Tatit Diosamax wiñayatak churapkätam uka uraqina.”

Deuteronomio 5:16

“ ‘Awkimaru, taykamaru waqaycham, Tatit Diosamax iwxawayktam ukhamarjama, Tatit Diosamax churkätam uka uraqina walja maranak jakañamataki.

Deuteronomio 5:29

¡Walïspaw jupanakan ukham amuyunïpxaspa ukaxa, ukatsti jach'añchapxitaspa, kamachi arunakaxsa taqi urunakan phuqhapxarakispa ukaxa, ukhamat wawanakapasa, jupanakas wiñay sum sarnaqapxaspa!

Deuteronomio 5:33

Tatit Diosamax uñacht'ayapktam uka thakhinjam sarapxam, katuqapkäta uka uraqin walja maranak jakapxañamataki.

Deuteronomio 6:3

Ukhamasti israelit jaqinaka, ukhamarjam sarnaqapxam, uka arunak phuqhañatak ch'amañchasipxam. Ukhamat kusisita sarnaqapxäta, ukatsti mä jach'a markaw uka uraqin tukupxarakïta, kawkhantix lechesa, misk'is umjam jalaski uka uraqina, kunjämatix nayra awkinakaman Tatit Diosapax arupampi arsuwaykän ukhama.

Hebreos 5:9

ukham t'aqhisisasti jupar iyawsirinakatakix wiñay qhispiyasiñ chuririw tukuwayi,

1 Samuel 15:22

Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.