Jeremías 7:24 - Qullan Arunaka DC

²⁴ Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Aymar Bibliia 1986

²⁴ Ucampisa janiw nayarojj ist'apquituti ni jaysapcaraquitusa, jan ucasti kala chuymanacapar jaysasaquiwa ñankha lurañanacaru catuyasjjapjjejja. Nayaru uñtañcamayasti, nayatjja maysaruw uñtapjjänjja.

Qullan Arunaca

²⁴ Ucampisa janiw nayarojj ist'apquituti ni jaysapcaraquitusa, jan ucasti kala chuymanacapar jaysasaquiwa ñankha lurañanacaru catuyasjjapjjejja. Nayaru uñtañcamayasti, nayatjja maysaruw uñtapjjänjja.

Jeremías 7:24 Jak'a apnaqawi uñst'ayäwi

Nehemías 9:29

Jumax kamachinakam wasitat phuqhapxañapatakiw jupanakar iwxt'äyätaxa; ukampis jupanakax walikjamak amuyasipxäna, ukat kamachinakamarux jan jaysapkänti; kamachinakarjam sarnaqirinakar jakañ churir arsutanakamaruw ñanqhachapxäna; jupanakax jumatakiw sayt'asipxäna, chuymanakap qalarayasisax janiw ist'apkänti.

Salmos 81:13

13 (14) Markaxatix ist'itasapänxa, Israel markatix thakhixanjam sarnaqasapänxa,

Jeremías 13:10

Aka ñanqha markax nayan arunakaxarux janiw ist'añ munkiti, ukatsti jan kuna amuyasisaw chuymapan kuna jan wali amtatanakapatix utjki ukanakaru arki. Yaqha diosanakan qhipap sarxi, yupaychañataki, luqtañataki. Ukatpï uka markax jan kunatak ñusantat wak'jamäxixa.

Jeremías 13:11

Kunjämatix mä wak'ampi wal jiyantas wak'antastanxa, ukhamarakiw Israel markasa, Judá markas nayan jak'axan mayakïpxañapa, ukhamat nayan markaxäñapataki, sutixsa yatiyapxañapataki, jach'a kankañaxsa, jach'ar aptapxañapataki. Ukampis janiw ist'apkituti. Naya, Tatituw uk arsta.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 16:12

Jumanakasti uka nayra awkinakamat sipansa juk'ampi jan walïpxtawa, sapa maynis chuymapan jan wali amtatanakaparukiw arki, janirakiw nayarux ist'kituti.

Jeremías 17:23

Ukampis jupanakax janiw nayarux ist'apkitänti, janirakiw jaysapkitänsa, jan ukasti jupanakax qala chuymanïpxänwa, janiw nayar ist'añ munapkitänti, janirakiw yatiqañsa munapkänti.

Jeremías 17:9

“Jaqin chuymapjam ñanqha, sallqjirix janiw utjkiti. ¿Khitis ukan ukhamätap amuyt'aspa?

Jeremías 18:10

Ukampis uka markatix ñanqhanakak luraskaspa, nayan arunakaxarus janirak ist'kaspa ukapachaxa, janiw nayax kuna askinakatix jupanakatak wakichatäki ukanak apayankiristti.

Jeremías 18:12

Jupanakasti sapxarakïtamwa: ‘¡Jan inamay parlkamti! Nanakax kunjämarutix munapkta ukhamaruw sarnaqasipkä, chuymanakaxan jan wali amtatanakaparuw arkasipkarakï’ ” sasa.

Jeremías 2:27

Jumanakasti mä quqarukiwa: ‘Awkixätawa’ sapxtaxa. Mä qalarukiw: ‘Taykaxätawa’ sapxaraktaxa, nayatakisti maysa uñtapxtaxa, janiw qhan uñkatapkistati; jan walt'añan jikxatasxapxta ukkhakiw ‘¡jutam qhispiyapxita!’ sapxistaxa.

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 23:17

Arunakaxar jisk'achirinakarusti sapxarakiwa: ‘Taqi kunas walikïskaniwa’ sasa. Chuymanakapan jan wali amtatanakaparuk arkapki ukanakarusti sapxarakiwa: ‘Janiw kuna jan walis jutkätamti’ ” sasa.

Jeremías 3:13

Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”

Jeremías 3:17

Ukapachasti Jerusalén markax Tatitun qunuñapa satäniwa; taqi markanakaw ukan tantacht'asipxani, ukatsti nayaruw jach'añchapxitani, janirakiw chuymanakapan jan wali amtatanakapar arkxapxaniti.

Jeremías 32:23

Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Jeremías 32:33

Nayatakix maysa uñtapxäna, janiw uñkatañsa munapkitänti. Nayasti jupanakarux yatichaskapunirakïyätwa, ukampis janiw nayan yatichäwinakaxsa ist'añ munapkänti.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Jeremías 6:16

Tatitux markaparux siwa: “Thakhi jak'anakar sayt'asipxam ukatsti uñatatasipxarakim, nayra thakhinakat jiskt'asipxam; kawkïris suma thakhix ukata; ukatsti uka thakhinjam sarapxam, ukapachaw samarañ jikxatapxäta.” Ukampis jupanakax sapxiwa: “Janiwa, janiw uka thakhinjam sarapkiristti” sasa.

Jeremías 7:26

Ukampis jumanakax janiw nayarux jaysapkistati, janiw ist'apkarakistasa, jan ukasti, nayra awkinakamat sipansa juk'ampi qhuru chuymaniw tukupxtaxa.

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Jeremías 9:14

14 (13) Chuymanakapan jan wali amtatanakaparuw arkapxäna, ukatsti k'ari diosanakaruw yupaychapxarakïna, kunjämtix awkinakapax yatichkatayna ukhama.

Ezequiel 20:13

Ukampis jupanakax wasar tuqin nayatakiw sayt'asxapxi, jupanakar churata kamachinakarus janiw jaysapkiti; janirakiw sábado urunsa nayarux yupaychapkituti, jupanakasti uka kamachinakar phuqhasax jakañ katuqapxasapäna. Ukat nayax jupanakxaru q'apisiñaxa samarasiñ amtäyäta, pachpa wasaran tukjañataki,

Ezequiel 20:16

Jupanakasti kamachinakaxar ist'añ lantxa, apanukupxiwa; sábado urun nayar yupaychañ lantsti, yaqha diosanakaruw yupaychapxi.

Ezequiel 20:21

“ ‘Ukampis jupanakan wawanakapax nayatakix sayt'asipxarakikïnwa. Janiw kamachinakaxsa arsutanakaxsa jaysapkänti; jakañ churiri arunakaxarjamas sarnaqapkänti, sábado urunakaxsa takisipxarakïnwa. Nayasti wali phiñasitapunïyätwa, uka phiñasiñax apaqtayasiñatakix pachpa wasaran tukjañ amtäyäta,

Ezequiel 20:8

“ ‘Ukampis jupanakax kutkatasipxituwa, janiw arunakaxsa ist'añ munapkänti; uka axtaskañ diosanakapatsa janiw jithiqtapkänti, janirakiw Egiptonkir k'ari diosanakapsa apanukuñ munapkänti. Nayasti wali phiñasitapunïyätwa, uka phiñasiñax apaqtayasiñatakix pachpa Egipto uraqin mutuyañ amtäyäta.

Daniel (hebreo) 9:6

Jumar arkir profetanakamar jan ist'asaw sarnaqapxta, jupanakax juman sutimxaruw nanakan reyinakaxaru, jilïrinakaxaru, nayra awkinakaxaru, taqi Israel markarus parlapxarakïna.

Oseas 10:6

Uka pachpa vaca qallux Asiria markar jach'a reyir churañatak apatarakïniwa. Israelasti ukham p'inqachjataw uñjasini; uka yaqha diosapat p'inqasirakiniwa.

Oseas 4:16

Israelitanakax uri vaca qallur uñtataw nayat jayarst'itu; ukhamasti, ¿Tatitux suma chhuxllanakaru, oveja qallunakäpkaspas ukham awatiskakispati?

Miqueas 6:16

Jumax Omrí reyina, Ahab reyin wila masinakapan arsutanakapa, luräwinakap lurtaxa, kunjämtix jupanakax sarnaqkäna ukhamarak sarnaqtaxa. Ukat jichhax jumatsa, jaqinakamatsa, axsarayaskaña, laruskañ tukuyapxäma, markaxan p'inqapasti jumxarurakiw purini.”

Zacarías 7:11

Ukampis markax janiw kun ist'añsa munkiti. Taqiniw kutiqtawayxapxi, uqaraw tukupxaraki.

Deuteronomio 29:19

19 (18) “Ukhamasti aka juramento arunak ist'asintix jumanakat khitis jupa pachpa suma jaqïtap amuyasis akham sani: ‘Taqi kunaw nayatakix walt'askani, munañaxar lurkä ukkhasa’ sasa, uka jaqiw juchanïni Diosan taqi Israel markpachar mutuyañapatakixa.