Jeremías 7:16 - Qullan Arunaka DC

¹⁶ “Jichhasti Jeremías, sum ist'ita: aka markatakix jan nayar achikt'istati. Jan ist'asis achikt'askakitäta ukkhasti, janiw nayax ist'kämati.

Aymar Bibliia 1986

¹⁶ “Jumasti Jeremías, jan aca marcataqui Tatitut mayimti, jan nayarojj achict'asquistati jupanacataquejja. Jan juc'ampi parljjestati, janiw nayajj ist'cämati.

Qullan Arunaca

¹⁶ “Jumasti Jeremías, jan aca marcataqui Tatitut mayimti, jan nayarojj achict'asquistati jupanacataquejja. Jan juc'ampi parljjestati, janiw nayajj ist'cämati.

Jeremías 7:16 Jak'a apnaqawi uñst'ayäwi

2 Samuel 8:18

Joiadá jaqin Benaías yuqapasti cereteo jaqinakaru, peleteo jaqinakar sarayirïnwa. David reyin yuqanakapasti sacerdotenakänwa.

Éxodo 32:10

¡Jichhax janis kunsa arxaykita, sinti q'apisitapunïtwa, jupanakarux taq t'unjä! Ukampis wawanakamat mä jach'a marka sayt'ayä —sasa.

Isaías 1:15

Jumanakax wal mayisipxtaxa, amparanakam luqtasaw mayisipxtaxa, ukampis nayax janiw uñjapksmasa, ist'apkaraksmasa. ¡Jaqinak jiwayapxatamatxa, luqtapkta uka amparanakamaxa, wilampi q'añuchjatawa!

Jeremías 11:14

Ukhamasti jumax Jeremías, jan nayarux aka markataki mayistati; jupanakarusti janiw ist'käti kunapachatix jan walt'añanak taypinkkasin yanap mayipkitani ukapachaxa.

Jeremías 15:1

Tatitux sarakituwa: “Moisesampi, Samuelumpis nayan nayraqataxar uñstanisipkpan, ukkhas janipuniw nayax aka jaqinakat khuyapayaskiristti. Nayan nayraqataxat mistupxpan, jayar sarapxpan.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 18:20

¿Mä aski luräwix ñanqhampit kuttayataxa? ¡Jupanakax sepultura nayatakix allsupxi! Amtasim nayan jumampi parlir jutataxa, jupanakatak jumar mayitaxsa, phiñasiñam jupanakat apaqxañamatak mayisitaxsa.

Jeremías 4:28

Aka uraqix llakisiñampi phuqhantatäniwa, alaxpachas ch'amakampi phuqhantatarakïniwa. Nayaw arsta, ukhamapuniw lurasini, taqi kunas amtatäxiwa, janipuniw qhipar kuttkäti.

Jeremías 7:17

¿Janit jumax uñjkta kuntix Judá markanakansa, Jerusalén markansa lurapki ukxa?

Miqueas 3:4

Tatitur arnaqasipkäta uka urusti, jupax janiw ist'apkätamti. Ñanqhanak lurapxatanakam laykuxa, jumanakatxa imantasxaniwa.

Deuteronomio 9:14

Jumax sartam, nayaw aka marka t'unjä, aka uraqit chhaqtayarakï, jan mayamp amtasiñataki, ukampis jumarux jupanakat sipan ch'amani mä jach'a marka tukuyäma’ sasa.

1 Juan 5:16

Maynitix jilapar jiwañar jan puriyir jucha lurir uñjkchi ukaxa, Diosar mayiñapawa, Diosasti uka jilarux jakañ churani, janitix uka juchax jiwañar apkchi ukapacha. Jiwañar puriyir juchaw utji, janiw uka juchatak mayipxañamäkiti.