Jeremías 7:17 - Qullan Arunaka DC

¹⁷ ¿Janit jumax uñjkta kuntix Judá markanakansa, Jerusalén markansa lurapki ukxa?

Aymar Bibliia 1986

¹⁷ ¿Janit jumajj uñjcta cuntejj Judá marcanacansa uqhamaraqui Jerusalén callenacansa lurapqui ucjja?

Qullan Arunaca

¹⁷ ¿Janit jumajj uñjcta cuntejj Judá marcanacansa uqhamaraqui Jerusalén callenacansa lurapqui ucjja?

Jeremías 7:17 Jak'a apnaqawi uñst'ayäwi

Jeremías 1:16

Ukham mutuyañatakiw nayax arsta, khitinakatix nayar apanukusina, jupanakpachan lurasita yaqha diosanakar inciensonaka luqtasipxi, killisipxaraki uka jucharar markatakixa.

Jeremías 32:29

Babilonio soldadonakax Jerusalén markaruw nuwantapxani, ukatsti kawkïr utanakantix Baal diosar incienso luqtasipxirïkäna, vinonaksa yaqha jan uñt'at diosanakar luqtapxirïkän taqi uka utanak phichhantapxani; ukham yaqha diosanakar yupaychapxatapampisti nayaruw q'apisiyapxitäna.

Jeremías 32:32

kuntix Israel uraqin markanakapaxa, Judá uraqin markanakapasa, reyinakapasa, jilïrinakapasa, sacerdotenakapasa, profetanakapasa, ukhamarak Judá uraqina, Jerusalén markana jakirinakas lurapkitu ukanakat jupanakarux q'al chhaqtayä.

Jeremías 44:17

Jan ukasti, nanakax lurañ amtasipkta ukham lurasipkakïwa, kunjämtix nayra awkinakaxasa, reyinakaxasa, Judá uraqin jilïrinakasa lurapxirïna ukhama. Alaxpach Mama sata diosarus inciensompi, vinompi luqtasax yupaychasipkakïwa. Nayrasti nanakatakix, manq'añax janiw pist'irïkänti, taqi kunas utjakipunirïnwa, janirakiw kuna jan walt'añas jutirïkänti;

Jeremías 44:4

Nayasti mayamp mayampi nayar luqtir profetanak khithanipxäyäsma, jumanakar uka axtañ luräwinak jan lurapxañamatak yatiyiri, nayasti uka luräwinakampix axtastwa.

Jeremías 44:6

Ukatpï q'apisiñaxanxa Jerusalén markarusa, Judá uraqinkir markanakarusa q'al tukjaraktxa. Jichürkamas uka markanakax ch'usa wasarar tukutaw uñjasi.

Jeremías 6:27

Tatitusti sarakituwa: “Nayax aka markaxaru yant'añamatakiw jaytsma. Kunjämas sarnaqäwipax uk sum uñjam” sasa.

Jeremías 7:16

“Jichhasti Jeremías, sum ist'ita: aka markatakix jan nayar achikt'istati. Jan ist'asis achikt'askakitäta ukkhasti, janiw nayax ist'kämati.

Jeremías 7:18

Wawanakax lawa apthapipxi, awkinakasti nina naktayapxi, warminakasti muxsa t'ant'anak lurañatakix t'ant'a masa wakichapxi, ukatsti uka t'ant'anakxa, Alaxpacha Mama sapki uka diosaruw luqtapxaraki. Yaqha diosanakar waxt'äwinak luqtasitanakapampix ñanqhachapxituwa.

Ezequiel 14:23

Jupanakan sarnaqäwipa, luratanakap yatisasti chuymachasxapxätawa. Ukapachaw jumanakax amuyapxäta, kuna mutuyäwinaktix Jerusalén markxar apayankta ukanakan wakisirïtapa. Naya, Tatituw ukanak arsta.”