Jeremías 6:12 - Qullan Arunaka DC

¹² Utanakapasa, uraqinakapasa, warminakapasa yaqhankxaniwa. Nayaw amparax aytä, aka markan utjirinakar mutuyañataki. Naya, Tatituw uk arsta.

Aymar Bibliia 1986

¹² Utanacapasa, orakenacapasa, warminacapasa yakhancjjaniwa. Nayasti amparajj aytaraquï, aca marcan utjirinacaru mutuyañataqui. Naya Tatituw, ucjja arsta.

Qullan Arunaca

¹² Utanacapasa, orakenacapasa, warminacapasa yakhancjjaniwa. Nayasti amparajj aytaraquï, aca marcan utjirinacaru mutuyañataqui. Naya Tatituw, ucjja arsta.

Jeremías 6:12 Jak'a apnaqawi uñst'ayäwi

1 Crónicas 21:16

Davidasti uñtasax Tatitun angelaparuw uñji, alaxpachampi aka uraqimpi taypin sayt'atäskänwa, amparapankkän uka espadampisti Jerusalén marka tuqiruw aytäna. Ukhamasti Davidampi jilïr awkinakampix chhankha isimpi isthapitax ajanunakapsa uraqir puriyañkamaw alt'apxäna,

Isaías 10:4

Jumanakax jisk'achjatäpxätawa, katuntat apatäpxätawa, jiwayatäpxarakïtawa. Tatitun phiñasiñapasti janiw apaqtkaniti, jichhas jupax mayamp ukham lurañ amtaskakiwa.

Isaías 5:25

Ukat Tatitux markapatak wal q'apisïna, amparapsa mutuyañatakiw aytarakïna. Qullunakax khathatipxänwa, jaqi jiwatanakasti saräwinakan t'unar uñtat jaqtatäpxänwa. Ukampis Tatitux phiñasitakïskiwa, amparapas mutuyañatakix wakicht'atakïskiwa.

Isaías 9:12

12 (11) Inti jalsu tuqitxa, sirio jaqinakaw nuwantapxi, inti jalanta tuqitsti filisteo jaqinakarakiw nuwantapxi. Israel markarux maypach uquntapxi. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Isaías 9:17

17 (16) Ukat Tatitux waynanakat jan khuyapt'ayaskiti, wajchanakatsa, ijma warminakatsa janirakiw khuyapt'ayaskiti. Taqi markpachasti jach'a juchanak lurir ñanqhakamakiwa, taqinis ñanqha arunakak parlasipki. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Isaías 9:21

21 (20) Manasesampi, Efrainampix, jupanakkamaw q'al tukjasipxi, panpachanisti Judá markaruw nuwantapxi. Ukampis Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 21:5

Ukampis naya kipkaw jumanakar nuwantapxäma, wali jach'a ch'amampi, jach'a aqkir phiñasiñaxampi.

Jeremías 38:22

Judá markankir reyipan utapatsti qawqha warminakatix ukan qhiparapki ukanakax apsutäniwa, ukatsti Babiloniankir reyin jilïrinakapar katuyatäniwa, ukatsti uka pachpa warminakaw reyir akham sapxani: ‘Alkataskta uka suma masinakamasti sallqjasinxa atipjapxtamwa; kayumas mä ñiq'ir jalantatjamawa, ukasti janiw yanapt'apktamti’ sasa.

Jeremías 38:23

Jeremiasasti reyirux saskakïnwa: —Taqi warminakamasa, wawanakamasa babilonionakar katuyatäniwa, juma jach'a reyisti janiw jupanakan amparapat jaltkätati, jan ukasti Babiloniankir reyir katuyataw uñjasïta, aka markarusti ninampiw phichhantapxarakini —sasa.

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.

Lamentaciones 2:8

Tatitusti ukkha suma Jerusalén markan jark'aqasiñ pirqanakap t'unjañ amti. Jupaw t'unjañatak wakichäna, jan samart'asaw uka wakichäwip phuqharaki. Uka jach'a pirqanaksa, jupax llakimpiw phuqhanti, uka pirqanakasti pampaw tukuraki.

Lamentaciones 3:3

nayar mutuyañatakix sapa kutiw mayamp mayampi amparap ayti.

Lamentaciones 5:11

Jerusalén markansa, Judá markanakansa, warminakasarux warmisiwäpxiwa.

Lamentaciones 5:2

Uraqinakaxasa, markaxasa jichhax yaqha jaqinakan amparapankxiwa.

Lamentaciones 5:3

Jan awkini wajchaw qhiparapxta; taykanakaxasti ijma warminakaw qhiparxapxi.

Ezequiel 35:3

“ ‘Tatitux akham siwa: ¡Nayax jumanakan uñisirimaw sayt'ta, Edom uraqin jakir jaqinaka! ¡Luratanakamarjamaw mutuyapxäma! ¡Uraqinakamsti ch'usa wasararuw tukuyarakï!

Ezequiel 7:24

Nayaw wali qhuru jaqinak khithanï, jupanakaw utanak katuntasipxani. Munañaninakan jach'a jach'a tukutapasti tukusiniwa; diosanakapar yupaychañ chiqanaksti takisiyarakïwa.

Miqueas 2:4

Khaya urunakansti jumanakat larusisaxa, jachañ q'uchunak q'uchupxani. Sapxarakïtamwa: ‘Q'ala tukjatapunïtanwa; jiwasax Tatitun markapätanwa, jichhax yaqhan amparapankxtanwa, janirakiw khiti jark'aqt'iris utjkiti; uraqinakasasti atipjirinakasar lakinuqatawa’ ” sasa.

Sofonías 1:13

Ukham jan wali amuyatanakapat taqi yänakapas aparatäpxani, utanakapas t'unjatarakïni. Utanaksa lurasipxaniwa, ukampis janiw uka utanakan jakapkaniti; uva alinaksa ayrusisipkaniwa, ukampis janiw uka uvat vino umapkaniti” sasa.

Sofonías 1:4

“Judá markaruw mutuyä, Jerusalén markankirinakarux mutuyarakïwa. Nayaw, akawjan utjir jaqin lurata Baal diosat jilt'irinak q'al chhaqtayä, sacerdotenakapan sutinakapsa taqpach chhaqtayarakï.