Jeremías 4:4 - Qullan Arunaka DC

⁴ Judá markankirinaka, Jerusalén markan utjir jaqinaka, jumanakax q'umachasxapxam, nayarusti Tatitut uñt'asxapxita, jumanakampi lurata arust'äwi phuqhapxam, ukampis chiqpachapin phuqhapxam; ukhamat ñanqha luratanakam laykux phiñasiñaxax ninjam jan aqtaskañapataki, uksti janiw khitis jiwaraykaspati.

Aymar Bibliia 1986

⁴ Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Qullan Arunaca

⁴ Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Jeremías 4:4 Jak'a apnaqawi uñst'ayäwi

2 Crónicas 34:25

Nayat armasipxituwa, yaqha diosanakaruw inciensonak nakt'ayapxi, uka luratanakapampi nayar q'apisiyasa; ukat q'apisiñaxax aka chiqatak nakti, ukasti janiw jiwt'kaniti.

Isaías 10:17

Qullan mä sapa Tatitux jiwasan qhanasawa, jupasti mä aqkiri ninaruw tukuni; mä sapa urunak Asirian ejercitoparux nakhantani, kuna ch'aphi ch'uminakäkaspas ukhama.

Isaías 30:33

Asiria markataki, reyipatakisa, t'aqhisiyañ chiqax nayratpach wakichatawa, uka chiqan ansapasti wali jach'awa, manqharakiwa, ninasti walja lawanak taypin wal nakharaki. Tatitun phust'atapaw aqtayarakini, jach'a azufre jallükaspas ukhama.

Isaías 51:17

Jerusalén marka, sartasim, Jerusalén marka, sayt'asim, jumaw Tatitun phiñasitapat t'aqhistaxa, walpin t'aqhistaxa, jan sayt'kiriw uñjasiraktaxa.

Jeremías 15:14

Juman jan uñt'at uraqinxa, uñisirinakaman t'aqhisiyatap tukuyarakïma, phiñasiñaxasti ninjamaw jumar nakhantañatakix aqtani.”

Jeremías 21:5

Ukampis naya kipkaw jumanakar nuwantapxäma, wali jach'a ch'amampi, jach'a aqkir phiñasiñaxampi.

Jeremías 23:19

Tatitun phiñasiñapax mä jach'a jawir umar uñtatawa, jach'a tutuka thayar uñtatawa, ñanqha jaqinakaruw mutuyarakini.

Jeremías 36:7

Inampis ukhamat Tatitur mayisipxchispa, uka ñanqha luräwinakapsa apanukupxarakchispa, Tatitun aka markatak arski uka phiñasiñapax axsarkañawa” sasa.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 9:25

25 (24) Tatitux siwa: “Kawkïr markanakatix janchin circuncisión katuqapki uka markanakar mutuyañ urux niyaw purinxi:

Jeremías 9:26

26 (25) Egipto, Judá, Edom, Amón, Moab, uka markanakaru, taqi wasara tuqin utjirinakaru, khitinakatix paranakapa khithurasipki ukanakarusa. Taqi uka markanakaxa, taqpach Israel markasa, janiw chuymanakapanxa Tatitur uñt'apkiti.”

Lamentaciones 4:11

Tatitun phiñasiñapax sinti jach'apunïnwa, aqkir phiñasiñapax jan t'akuykayänwa; Jerusalén markarusti ninampiw phichkatäna, uraqitpach q'al t'unjarakïna.

Ezequiel 16:38

Chachanakampi wachuqa jucha lurañanakan sarnaqatanakamata, jaqi jiwayatanakamat juchañchäma, wali jach'a q'apisiñampiw jumarux jiwañaru katuyäma.

Ezequiel 18:31

Naya nayraqatan lurapkta uka ñanqhanaksti mäpit apanukupxam, mä machaq chuymani, mä machaq ajayun tukupxarakim. Israel marka, janiw kunatsa jiwapxañamäkiti,

Ezequiel 20:33

Naya, Tatituw jakañax layku juramentompi arsta, jach'a ch'amaxampi, jach'a phiñasiñaxampiw jichhax jumanakar apnaqapxäma.

Ezequiel 21:17

17 (22) Uka espadax jiwarayaskakpan, q'apisiñaxan samarañapkama. Naya, Tatituw uk arsta”.

Ezequiel 24:13

“ ‘Jerusalén marka, nayax uka ñanqha juchanak luratamat q'umachañ munäyäsma, ukampis janiw q'umachatäktati. Nayax mutuykäm ukkhakiw q'umachat uñjasïta.

Ezequiel 24:8

Nayasti uka wilxa pachpa q'ara qarqxaruw wañt'ayä, ukhamat jan chhaqtañapataki, uka wila uñjasin phiñasiñaxan ninjam aqtañapataki, taqi kunas chiqapar uñjatäñapataki.

Ezequiel 44:7

Jumanakax utaxar yaqha markanakankir jucharar jaqinak irpantasaw nayan utax takisipxtaxa; amuyunakapansa, janchinakapansa jan nayampi arust'äwi chimpuxa apapki uka jaqinakaru; wilañcha luqtat uywanakan lik'inakapa, wilanakap nayaru luqtasaw nayan utax takisipxtaxa, nayampi lurata arust'äwsti axtaskañ luräwinak lurasaw takisipxaraktaxa.

Ezequiel 6:12

Jayankirinakax usunakampiw jiwarapxani, jak'ankirinakasti nuwasïwin jiwarapxani, kawkïrinakatix ukanakatsa jakañan qhiparapkani ukanakasti, manq'atjamaw jiwarapxarakini. Ukham nayax Israel markxarux phiñasiñaxa samarasï.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Levítico 26:28

nayax jumanakar jan walt'ayañatakiw sartä, ukatsti jucha luratanakamatxa paqallqu ukkhamp mutuyapxäma.

Levítico 26:41

nayasti jumanakar jan walt'ayañatakiw uñisirinakaman markapar apayapxäma; ukan Diosar jan uñt'ir amuyumax jisk'achat uñjasini, juchanakamatsa mutuyatäpxarakïtawa.

Amós 5:6

Tatitur thaqhapxam, ukatsti jakasipkätawa; jan ukham lurapkäta ukasti, jupax Israel markarux nina apayanini, janirakiw uk jiwayirix khitis Betel markan utjkaniti.

Sofonías 2:2

t'unar uñtat thayampi janïr khuysutäkasina, Tatitun jach'a q'apisiñapax ninjam jumanakxaru janïr purinkipana, Tatitun taripäwi urupax jumanakxar janïr purinkipana.

Romanos 2:25

Chiqpachansa, Moisesan kamachipar phuqhiritakix circuncisión katuqañax askiwa; jan phuqhiritakisti janis circuncisión katuqkaspa ukhamawa.

Deuteronomio 10:16

“Suma arust'äwin chimpup chuymanakamar uchapxam, jan juk'amp chuymanakam qalarayasipxamti.

Deuteronomio 30:6

Tatituw jumanakan chuymanakamampiru, saraqirinakaman chuymapampir uka suma arust'äwin chimpup uchapxätam, juparu taqi chuymamampi, taqi jakañamampi munasiñamataki, ukhamat walja maranak jakapxañamataki.

Deuteronomio 32:22

Nayan q'apisiñaxax mä ninjamaw aqtani, wali manqhapachkamaw aqantani; uraqsa, achunakapsa q'al tukjani, qullunakan qalltanakapsa q'al naksuni.

Colosenses 2:11

Cristonkxapxatam laykuw jumanakax circuncisión katuqxapxtaxa, janiw jaqin circuncisión luratapampiti, jan ukasti Diosax Cristompi mayachapktam uka layku, ukatsti jucha lurañanakat qhispiyapxaraktam.