Jeremías 3:6 - Qullan Arunaka DC

⁶ Josías reyin urunakapansti, Tatitux sarakituwa: “¿Kuntix nayataki sayt'asir Israelax lurki uk uñjtati? Nayar apanukusin qullu patanakana, jach'a quqanak k'uchun yaqha diosanakaruw yupaychi.

Aymar Bibliia 1986

⁶ Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.

Qullan Arunaca

⁶ Josías reyin urunacapansti, Tatitojj saraquituwa: “¿Uñjtati cuntejj nayataqui sayt'asiri Israelajj lurqui ucjja? Nayar apanucusinjja kollu patanacaruw sari, ucansti jach'a kokanac c'uchunwa yakhanacampi jucha luraraqui.

Jeremías 3:6 Jak'a apnaqawi uñst'ayäwi

1 Reyes 14:23

Jupanakasti, yaqha diosanakatakiw yupaychañ utanak lurasipxäna, ukatsti qullu patanakan qalanakata, lawanakat diosanak sayt'ayapxäna, ukhamaraki walja laphinakani quqanakan kayunakaparusa.

2 Crónicas 34:1

Josías reyix kimsaqallqu maranïkän ukkhaw Judá marka apnaqañ qalltäna, jupasti Jerusalenan kimsa tunka mayan maraw marka apnaqäna.

Salmos 106:39

luräwinakapampiw q'añuchasipxäna, ñanqha luratanakapampiw wachuqapxäna.

Isaías 57:3

Layqa warmin wawanakapa, yaqha warmimpi, yaqha chachampi sarnaqir warmin wawanakapa, jak'achasinipxam:

Isaías 57:7

Ikiñamsa mä alay qulluruw wakichastaxa, uka qullunakaruw wilañchanak luqtasirix makhattaxa.

Jeremías 1:2

Kunapachatix Amón jaqin yuqapa, Josías sat reyix tunka kimsan mara Judá uraqi apnaqkäna, ukapachaw Tatitu Diosax aka yatiyäwi churitu.

Jeremías 11:10

Kuna juchanaktix nayra awkinakapax lurkäna uka pachpa jucha lurañanakaruw kuttapxi, uka awkinakapasti janiw nayarux ist'añ munapkitänti, ukatsti yaqha diosanakaruw arkxapxäna yupaychapxarakïna. Israel markasa, Judá markasa kuna arust'äwtix nayax nayra awkinakapampi lurkäyät ukanak t'unjapxi.

Jeremías 17:2

Wawanakamasti uka altaranakata, uka qullan lawanakat amtasipxi, kawkïrinakatix jach'a quqanak k'uchunakana, qullunak patanakana,

Jeremías 3:8

nayan Israel markar nayatak sayt'asitapat apanukutaxsa uñjiwa, yaqha diosanakar yupaychatapat apanukutaxsa uñjarakiwa. Ukampis Judá markax janiw kunsa axsarkiti, jan ukasti jupax yaqha diosanakar yupaychirix sararakikiwa.

Jeremías 31:22

¿Kunapachkamarak uksa aksa sarnaqäta, saranukut wawar uñtatasti? Naya, Tatitux, aka uraqin machaqat lurtxa: warmix chacharuw munapayani.”

Jeremías 5:11

¡Israelampi, Judämpix nayar sallqjapxituwa! Naya, Tatituw uk arsta” sasa.

Jeremías 7:24

Ukampis janiw nayarux ist'apkituti, janiw jaysapkarakitusa, jan ukasti qala chuymanakapar jaysasakiw ñanqha lurañanakar katuyasipxi. Nayan ukar kuttaniñat sipansa, maysaruw uñtapxi.

Ezequiel 16:31

Jumax taqi thakhi tukuyanakaru, suma qhanawjanakaruw diosanakar yupaychañ altaranak lurastaxa, uka chiqanakan q'añu lurañanakarux katuyasiraktaxa. Ukampis jumax janiw uka yaqha chachanakampi sarnaqir warminakjama, jan wali sarnaqäwimat kuna qullqsa maykaraktati.

Ezequiel 16:35

“ ‘Wachuqa jucha lurañanakan sarnaqir warmi, jichhax nayan arunakax ist'am:

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Ezequiel 23:11

“Oholibá kullakapasti taqi akanak sum uñjarakïna, ukampis jupax kullakapat sipansa juk'ampiw uka q'añu lurañanakar katuyasirakïna.

Ezequiel 23:4

Jilïristi Oholá satänwa, (ukax Samaria markaruw uñtasi), kullakapasti Oholibá satarakïnwa (ukasti Jerusalén markaruw uñtasiraki). Jupanakarusti nayan warminakaxat uñt'asxta, nayatakisti yuqalla, imill wawanak utjayarapipxitu.

Oseas 11:7

Ukhampachas markaxax nayat jayankañ munaskakiwa; diosanakarus art'asisipkakiwa, ukampis janiw khitis jupanakar yanapt'irix utjkiti.

Oseas 4:13

Uka alay qullunakan incienso q'aphinakampi luqtäwinak churasi; roble, álamo, encina sat quqanakan ch'iwinakapan luqtasiraki. Phuchhanakamax wachuqa jucha lurapxi, yuxch'anakamas yaqha chachanakampiw sarnaqapxi.

Jueces 2:17

Ukampis israelitanakax janiw uka jilïrinakarux yäqapkänti, jan ukasti Tatit nayraqatan janiw sum sarnaqapkänti, yaqha diosanakaruw yupaychapxäna. Jupanakan nayra awkinakapax Tatitun kamachi arunakaparu ist'asaw jakapxatayna, ukampis jupanakax janiw uka uñacht'äwirjam sarnaqapkänti.