Jeremías 3:3 - Qullan Arunaka DC

³ Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Aymar Bibliia 1986

³ Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Qullan Arunaca

³ Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Jeremías 3:3 Jak'a apnaqawi uñst'ayäwi

Génesis 19:34

Qhipürusti, jilïr phuchhax sullkaparux sarakïnwa: —Wasayp'ux nayax awkisampiw ikintta, jichhärmax machjayarakikiñäni, ukatsti jupampiw jumax ikintarakïta; ukhamat panpachaniw jupatak wawanïñäni —sasa.

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Proverbios 21:29

Ñanqha lurir jaqix janis axsarayaskaspa ukhamaw tuku, aski jaqisti jakäwip chiqachasi.

Isaías 5:6

jan khiti tumpirin apanukurakïxa. Janiw khuchhurt'apkanisa, janirakiw qursupkanisa, quranakampi, ch'aphinakampiw chhaqtayani. Qinayanakarusti “jan uka yapunakxar jallumti” sarakïwa.

Jeremías 14:1

Mä jach'a waña maranak utjatapatsti, Tatitux Jeremiasaruw parläna, akham sasa:

Jeremías 14:22

¿Uka k'ari diosanak taypin utjiti mayni jallu puriyirixa? ¿Alaxpachasti jupapachakiti jallu puriyanixa? ¡Janiwa, nanakan Dios Tatituxay! Jumaw jallxa apayanta, jumaw taqi ukanak lurta; ¡ukat jumaruki suyt'apxsma!

Jeremías 14:3

Qamirinakax uywatanakaparuw um aptir khithapxi; uywatanakasti uma phujunakaruw sarapxi, ukampis janiw um jikxatapkiti, ch'usa wakullanak apt'atakiw kutt'anxapxi; mayjt'ata, p'inqachjataw p'iqinakapsa imxatasipxi.

Jeremías 14:4

Pampa tuqin utjirinakax mayjt'ataw uñjasipxi, jallun jan puritapata, uraqin q'ala wañsutätapatxa, p'iqinakapak imxatasipxi.

Jeremías 36:2

“Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.

Jeremías 5:24

Janiw amuythapisipktati, janirakiw sapktasa: ‘Tatitu Diosasarux axsartañäni, jupaw qhipa, nayra jallsa wakisitapar apayanistu, pachaparuw achunak apthapiyarakistu’ sasa.

Jeremías 5:25

Ukampis jucha luratanakamaw taqi ukanak mayjt'ayxi, jichhasti janiw juk'ampi uka askinak katuqkxapxätati.

Jeremías 5:3

Tatay, jumax chiqa chuyman jaqinak thaqtaxa. Mutuytawa, ukampis janiw usuyasipkiti; aynacht'aytawa, ukampis janiw yatiqañ munapkiti. Chuymanakapsa qalat sipan juk'ampi qalarayasipxi, janirakiw chiqa thakhir kuttaniñsa munapkiti.

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Jeremías 9:12

12 (11) ¿Khitis wali yatiñani taqi akanak amuyt'añatakixa? ¿Khitirus Tatitux taqi akanak yatiyi mayninakar yatiyañapataki? ¿Kunatsa aka markax q'ala t'unjat uñjasi, mä wasarar uñtata waña, kawkhantix jan khitis sarnaqki ukhama?

Ezequiel 3:7

Ukampisa, Israel markax janiw jumar ist'añ munkätamti, nayar jan ist'añ munatap layku. Taqi Israel markax k'ullu, jan amuyt'asirïpxiwa.

Levítico 26:19

Jumanakarux q'al jisk'achjapxäma, jallsa janirakiw jumanakxarux apayankxäti, alaxpachax hierror uñtataw tukuni, aka uraqisti cobrer uñtataw tukurakini.

Amós 4:7

“Yapu apthapitak kimsa phaxsïkipan jallxa jan apayanipksmati. Mä markan nayax jallu puriyta, yaqha markansti janiw puriykti; mä chiqan jallux puriwa, mä chiqansti umatjamax uraqix wañsuwa.

Amós 4:8

Jaqinakax markat marka uma thaqhasax sarapxäna, umat pharjayasitanakapax janipuniw apaqtkänti; ¡ukampis jumanakax janiw nayan ukarux kuttanipktati!” Tatitux ukham siwa.

Sofonías 2:1

Jan p'inqan jaqinaka, mayaruk tantacht'asipxam,

Sofonías 3:5

Ukampis Tatituw uka markankaski; luräwinakapax taqinitakis askipuniwa. Sapa qhantatiw jan armt'asis chiqa arunakap arsuraki. Ukampis juchan phuqhantat jaqixa, luratanakapat janiw p'inqasipkarakisa.

Hageo 1:11

Nayaw jallu jan puriykti, pampanakxarusa, qullunakxarusa, trigo yapunakxarusa, uva yapunakxarusa, olivo quqanakxarusa, pampa yapunakxarusa, jaqinakxarusa, uywanakxarusa, ukhamarak taqi luratanakapxarusa” sasa.

Deuteronomio 28:23

Alaxpachatsti janiw jallux purinkaniti, aka uraqisti janirakiw kunsa achuyarapkätamti.

Hebreos 12:25

Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.