Jeremías 3:16 - Qullan Arunaka DC

¹⁶ Jumanakax aka markan mirantxapxäta, wawanakamas waljanïxani ukapachasti, janiw khitis wasitat Tatitumpi mä amtäwir mantatäkis uka arcat parlkxaniti, janiw khitis ukat lup'kxaniti, janiw khitis amtaskxaniti; janirakiw juk'ampi uka arcax munaskxaniti, yaqhas wasitat luraskxarakiniti. Naya, Tatituw uk arsta.

Aymar Bibliia 1986

¹⁶ Cunapachatejj jumanacajj aca marcan mirantjjapjjäta, uqhamarac wawanacamas waljanëjjani ucapachasti, janiw qhitis wasitatjja Tatitumpi mä amtäwiru mantatäquis uca arcatjja parlcjjaniti, janiw qhitis uca arcatjja lup'cjjaniti, ni qhitis amtascjjaraquiniti; janiraquiw juc'ampi uca arcajj munascjjaniti, ni yakhasa wasitat lurascjjaraquiniti. Naya Tatituw ucjja arsta.

Qullan Arunaca

¹⁶ Cunapachatejj jumanacajj aca marcan mirantjjapjjäta, uqhamarac wawanacamas waljanëjjani ucapachasti, janiw qhitis wasitatjja Tatitumpi mä amtäwiru mantatäquis uca arcatjja parlcjjaniti, janiw qhitis uca arcatjja lup'cjjaniti, ni qhitis amtascjjaraquiniti; janiraquiw juc'ampi uca arcajj munascjjaniti, ni yakhasa wasitat lurascjjaraquiniti. Naya Tatituw ucjja arsta.

Jeremías 3:16 Jak'a apnaqawi uñst'ayäwi

Isaías 60:22

Aka mä juk'a jaqinakasti waranqanakaruw tukupxani, aka mä qawqha jaqinakasti mä jach'a markaw tukuni. Nayätwa Tatituxa, nayaw taqi ukanak pachapar phuqhasiyä.”

Isaías 61:4

Nayra pacha t'unjat utanaksti wasitat utachxapxani, kawkïri jach'a utanakatix t'unjatäkän ukanaksa wasitat sayt'ayxapxani, kawkïri markanakatix t'unjatäkän ukanaksa wasitat utacht'xapxarakini.

Isaías 65:17

“Uñtapxam, nayax mä machaq alaxpachampi, mä machaq uraqimpi lurä. Kunatix utjkän ukax armatäxaniwa, janiw khitis ukanakat amtaskxaniti.

Jeremías 3:17

Ukapachasti Jerusalén markax Tatitun qunuñapa satäniwa; taqi markanakaw ukan tantacht'asipxani, ukatsti nayaruw jach'añchapxitani, janirakiw chuymanakapan jan wali amtatanakapar arkxapxaniti.

Jeremías 30:19

Marka taypinsti, yuspagarañ q'uchunaka, kusisiñat arnaqasiñanakaw ist'asini. Jupanakax walja wawanakanïpxaniwa, walja jaqinakan markaw tukxani; mä askin uñjat markaw tukxarakini.

Jeremías 31:27

Tatitux siwa: “Mä uruw purinini, kunapachatix Judá uraqina, Israel uraqinsa, jaqinakasa, uywanakas walipun utjkani uka uru.

Jeremías 31:8

Nayaw Babilonia markat kuttayanxapxäma, aka uraqi tukusitpach jumanakarux tantachxapxäma. Jumanakampi chikasti juykhunaka, kayu wixchunakaw kuttanxapxani, usur warminakasa, wawachasxapxi ukanakasa, ¡waljanipuniw kuttanxapxani!

Jeremías 7:4

K'arinak parlirinakarux jan alkatapxamti, khitinakatix sapki: ¡Tatitun utapaw akanki, Tatitun utapaw akanki! sasa.

Ezequiel 15:5

Maypachäkän ukkhasti janiw kunatakis askïkänti, jichhasti niyaki nakhantatäxchixa, janiw kunatakis askïkaniti.

Ezequiel 37:26

Jupanakan jan kun axsaras jakasipxañapatakisti mä arust'äwi lurä. Ukasti wiñay arust'äwïniwa. Nayaw jupanakarux waljaniru tukuyxä, jupanak taypirusti wiñayatakiw nayan qullan utax ucharakï.

Amós 9:9

Israel markan jawq'sutäñapatakix nayaw arsü, susuñampi susurpayañataki, kamisatix mä susuñat sususax, mä trigosa uraqir jan jalaqtayaski ukhama.

Sofonías 3:11

Uka urunsti, nayan Jerusalén markaxa, naya tuqi sayt'asitamatxa, kunayman luratanakampi nayar qallkatatamat janiw p'inqaskxätati, nayaw uka jach'a jach'a tukuri jaqinakarux juma thiyat apaqxäma, ukatsti nayan qullan qulluxanxa, janiw mayampis jach'a jach'a tukxätati.

Mateo 1:11

Josiasax Joaquinampina, jilanakapampin awkipänwa, uka urunakan israelitanakax Babilonia markar katuntat apatäpxäna.

Mateo 3:9

janirak jumanakax ‘Abrahaman wawanakapäpxtwa’ sapxamti; nayasti sapxsmawa, Diosax aka qalanakatsa Abrahaman wawanakap sartayarakispawa.