Jeremías 3:15 - Qullan Arunaka DC

¹⁵ Kawkïr marka apnaqirinakatix nayatakjamäkani ukanak churarakï, ukanakasti ch'ikhi kankañampiw apnaqapxätam, suma amuyt'a chuymampiraki.

Aymar Bibliia 1986

¹⁵ Cawquïri marca apnakerinacatejj nayatacjamäcani ucanacwa churaraquï, ucanacasti jumanacarojj ch'iqhi cancañampiw apnakapjjätam uqhamaraqui suma amuyt'a chuymampi.

Qullan Arunaca

¹⁵ Cawquïri marca apnakerinacatejj nayatacjamäcani ucanacwa churaraquï, ucanacasti jumanacarojj ch'iqhi cancañampiw apnakapjjätam uqhamaraqui suma amuyt'a chuymampi.

Jeremías 3:15 Jak'a apnaqawi uñst'ayäwi

Proverbios 10:21

Aski jaqin arunakapax waljaninakaruw yatichi, jan yatiñan jaqisti jan amuyt'asirïtap laykuw jiwi.

Jeremías 23:4

Awatirinak jupanakar awatiñapatak uskurapï, jan kunsa axsarapxañapataki, janirak maynis chhaqhañapataki. Naya, Tatituw uk arsta.”

Jeremías 31:10

“Markanaka, Tatitun arunakap ist'apxam, jach'a quta jaya thiyanakan yatiyapxam: ‘Tatitux Israel markarux ananukünwa, ukampis jichhax tantachthapxaniwa, ukatsti sumarak uñjani, awatirir uñtataw ovejanakap sum uñjasxani” sasa.

Ezequiel 34:2

“Jumasti Ezequiel, Israel markan jan wali awatirinakapatak nayan sutixampi aka arunak parlam, jupanakarusti sarakim: ‘¡Ay kunakïkani Israel markar awatirinakatakixa, jupanakpachakiw sum uñjasipxi! Uka awatirinakax oveja tamanak awatipxañapawa.

Ezequiel 34:23

David luqtirixaruw kuttayanxä, jupa saparukiw ovejanakaxa awatiñapatakix uskt'ä, jupaw uñjani. Jupaw awatiripäni.

Ezequiel 37:24

David luqtirixaw jupanakatakix reyïni, jupa sapakiw jupanakan awatiriparakïni, nayar ist'asaw sarnaqapxani, kamachinakaxsa phuqhapxarakiniwa.

Lucas 12:42

Tatitusti sänwa: “¿Khitirak suma phuqhiri amuyt'an uta yänak apnaqiristi, khitirutix utanipax utapankirinakar wakisitapar manq'añ churañapatak jaytki ukasti?

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

1 Corintios 2:6

Iyawsañapan thurt'atäpki ukanak taypinxa, yatiñ kankañ arunakampiw parlapxta. Ukampis janiw akapach yatiñat parlapkti, janirakiw marka apnaqirinakatsa parlapkti, jupanakan munañanïñapax niyaw tukusiski.

1 Pedro 2:2

Kamisatix asu wawax taykapan lechep thaqtasixa, ukhamarak jumanakax kunatix ajayumatak askïki uk thaqhapxam, ukhaman jiltapxañamataki qhispiyatäpxañamatakiraki,

1 Samuel 13:14

Ukampis jichhax juman apnaqäwimax janiw jayatakïkaniti. Tatitux jupan chuymapar purt'kir yaqha chacha thaqhani, ukatsti markapan jilïripat utt'ayarakini, arunakapar juman jan jaysatam layku —sasa.