Jeremías 27:8 - Qullan Arunaka DC

⁸ Kawkïr markanakatixa, jan ukax reyinakas Nabucodonosor reyimpi jan apnaqayasiñ munkani ukanakarux, nayaw nuwasiñanakampi, mach'anakampi, kunayman usunakampi mutuyarakï, taqinis jupan apnaqatäñapkama. Naya, Tatituw uk arsta”.

Aymar Bibliia 1986

⁸ Yakhepa marcanacatejj jan ucajj reyinacasa jan Nabucodonosor reyimpi apnakatäñ muncani ucanacarojja nayaw guerrampi, mach'anacampi cunayman casta usunacampi, mutuyaraquëjja takenisa jupana apnakatäñapcama. Naya Tatituw ucjja arsta.

Qullan Arunaca

⁸ Yakhepa marcanacatejj jan ucajj reyinacasa jan Nabucodonosor reyimpi apnakatäñ muncani ucanacarojja nayaw guerrampi, mach'anacampi cunayman casta usunacampi, mutuyaraquëjja takenisa jupana apnakatäñapcama. Naya Tatituw ucjja arsta.

Jeremías 27:8 Jak'a apnaqawi uñst'ayäwi

Jeremías 24:10

Jupanakxarusti nuwasiñanakampi, mach'anakampi, kunayman usunakampi apayanï, ukhamat kawkïr uraqtix jupanakaru nayra awkinakaparusa churkta uka uraqit q'al chhaqtayarakï.”

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 27:11

Ukampis kawkïr markatix Nabucodonosor, Babilonia markan reyipar jaysani ukanakarusti, nayax uraqipan qhiparayaskä, ukan jakasiñapataki, ukan yapuchasiñapataki. Naya, Tatituw uk arsta.”

Jeremías 27:13

¿Kunatarak jumasa, markamasa uka nuwasïwinakana, mach'anakana, kunayman usunakampi jiwarapxätasti? Tatitusti qhanak sawayi: kawkïr markanakatix Babilonia markan reyiparu jan jaysapkani ukanakarux taqi uka t'aqhisiñanakaw jutani.

Jeremías 28:14

Naya, Israelan Diosapa taqi ch'amani Tatituw arsta: Taqi aka markanakan kunkanakapxarusti nayaw hierrot lurat mä yuku uchta, ukhamat jupanakan Babiloniankir Nabucodonosor reyir t'aqhisit luqtapxañapataki. Ch'uminkir animalanaksa jupan amparaparuw katuyta’ ” sasa.

Jeremías 28:4

Uka kipkarakiwa, Joacín jaqin yuqapa, Judá uraqin Joaquín reyiparus aka pachparu kuttayanxarakï, Judá uraqita Babilonia uraqir apatäpkän taqi uka jaqinakasa kuttanxapxarakiniwa. Jïsa, nayaw Babilonia uraqinkir reyipan munañap tukjä. Naya, Tatituw uk arsta.’ ”

Jeremías 29:17

‘Naya taqi ch'aman Tatitusti sistwa: Jumanakarux nuwasiñanakampi, mach'ampi, kunayman usunakampi apayanipxäma. Jumanakax ñusantat higor uñtatäpxätawa, ukham ñusantatätapatxa jan manq'kañjamaraki tukuyapxäma.

Jeremías 29:18

Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.

Jeremías 40:9

Guedaliasasti jupanakarux juramentompiw arsurakïna: “Jan axsarapxamti babilonio jaqinakar katuyasxañxa. Uka markan jakañatak qhiparapxam, Babiloniankir reyirusti jaysapxarakim, ukapachakiw jumanakatakix taqi kunas walikïni.

Ezequiel 14:21

“Naya, Tatitux saraktwa: Kunakïkani nayax Jerusalén markxar pusi jach'a axsarkañ mutuyäwi apayankä ukkhaxa: nuwasiñanaka, mach'anaka, axsarkañ laq'unaka, kunayman usunaka, jaqinakarusa, uywanakarus q'al jiwaraykä ukapachaxa.