Jeremías 27:9 - Qullan Arunaka DC

⁹ “Ukhamax jumanakax jan ist'apxamti uka profetanakaru, yatirinakaru, samkanak qhanañchirinakaru, layqanakaru, janiraki akat qhiparu kunanakatix luraskani ukanak yatiyañ munirinakarus ist'apxamti, jupanakasti Nabucodonosor reyir jan jaysapxañamatakiw ukham amtayasipktam.

Aymar Bibliia 1986

⁹ “Uca laycu jumanacajj jan ist'apjjamti uca profetanacarojja, yatirinacarusa, samcanaca khanañchirinacarusa, laykanacarusa, qhitinacatejj acat kheparu cunanacatejj lurascani ucanaca yatiyañ munirinacarusa, jupanacasti Nabucodonosor reyiru jan jaysapjjañapataquiw ch'amachasipqui, amtayasipcaraqui.

Qullan Arunaca

⁹ “Uca laycu jumanacajj jan ist'apjjamti uca profetanacarojja, yatirinacarusa, samcanaca khanañchirinacarusa, laykanacarusa, qhitinacatejj acat kheparu cunanacatejj lurascani ucanaca yatiyañ munirinacarusa, jupanacasti Nabucodonosor reyiru jan jaysapjjañapataquiw ch'amachasipqui, amtayasipcaraqui.

Jeremías 27:9 Jak'a apnaqawi uñst'ayäwi

Éxodo 22:18

18 (17) “Layqasiñanakan sarnaqirinakax, jiwañapatak juchañchatäniwa.

Éxodo 7:11

Uk uñjasinsti faraonax yatiñan jaqinakaparu, layqanakaparuw jawsayanïna, jupanakasti yatiñanakapampix kipkarak lurapxäna;

Proverbios 19:27

Munat wawaxay, chiqachäwi arunakarutix jan ist'kätaxa, yatiñ kankañan suma iwxa arunakapat saraqtasma.

Isaías 8:19

Jaqinakasti sapxarakïtamwa: “Jiwatanakan ajayunakapar jiskt'asipxam, jisk'at chhiphisisipkir layqa jaqinakar jiskt'asipxam. ¿Janit mä markasti diosanakapar jiskt'askisti, janirakit jiwatanakarusa, jakirinakxat suma amuyt'äwi arunak mayiskisti,

Jeremías 14:14

Ukatsti Tatitux sarakituwa: “Uktix profetanakax nayan sutixar sasipkchixa, ukham parlatanakapampix k'arisipxiwa. Janiw nayax jupanakarux khithankti, janiw ukham sapxañapatakis maykarakkti, janirakiw jupanakarux kunsa siskaraktti. Ukanakax k'ari yatiyäwinakawa, k'ari uñjäwinakak parlapxaraki, jupanakan amtatanakapar parlapxatapakiwa. Ukanakpï uka profetanakax yatiyapxtamxa.

Jeremías 23:16

Taqi ch'aman Tatitusti siwa: “Israelitanaka, profetanakax parlapki uka arunakarux jan ist'apxamti. Arsutanakapax k'arikamakiwa. Jupanakan amtat arunakak parlapxi, janiw nayax jupanakar kuna arunaksa churkti.

Jeremías 23:25

“Uka k'ari profetanakan parlatanakap nayax ist'twa, jupanakax nayan sutixaruw parlañ munapxi, samkanak tuqsa nayampis parlapkaspa ukham parlapxi.

Jeremías 23:32

Nayax kawkïr profetanakatix uka k'ari samkanakap parlasax markaxar maysar saranukuyapxi ukanakatakiw sayt'ta. Janiw nayax jupanakar khithankti, janirakiw kuna arunaksa churkaraktti, ukhamasti jupanakax janiw markaxarux yanapt'apkaspati. Naya, Tatituw uk arsta.

Jeremías 29:8

Naya, Israelana Diosapa, taqi ch'amani Tatituw iwxt'apxsma: Jumanak taypin jakir profetanakampi, yatirinakampis jan sallqjayasipxamti; kuna samkanakapat parlapki ukanaksa jan ist'apxamti.

Ezequiel 21:29

29 (34) Unañchäwi uñjatanakamasa, qhipa urunakan luraskani ukanakxat parlatanakamas k'arikamakiwa. Espadasti ñanqha luriri jaqi jiwayir jaqinakxaruw purini, p'iqinakap khuchhuqani. Mutuyäwi katuqañ pachapasti niya jak'ankxiwa.’

Daniel (hebreo) 4:7

7 (4) Ukatsti, Babilonia markan utjiri yatir jaqinaka, yatirinaka, yatiñaninaka, warawaranak uñch'ukis yatirinakaw jutapxäna, ukat nayax jupanakar samkax yatiyasta, ukampis jupanakax janiw uk qhanañchirjamäpkänti.

Miqueas 3:7

Uñjäwinak uñjirinakasa, yatirinakasa wali p'inqachjataw uñjasipxani. Jupanakasti Tatitun jan ist'atäxasinxa, amukiw qhiparxapxani.

Zacarías 10:2

Yaqha diosanakan arupax k'ariwa, yatirinakax k'ari uñjäwinak katuqapxi. Arsutanakapax inamay samkanakakiwa, chuymachasiñ arunakapasti ina ch'usakiwa. Ukat markax uywa tamar uñtat inak aywinaqxi, awatirin jan utjatapat t'aqhisiskaraki.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Hechos 8:11

Jaqinakax juparuw jaysapxäna, layqasiñapampiw jupanakarux walja maranak sallqjatayna.

Efesios 5:6

Jan khitis jumanakarux k'ari arunakapampi sallqantkpati, chiqpachansa ukham tuqiw Diosan axsarkay mutuyäwipax juti, khitinakatix Diosar jan jaysapki ukanakataki.

Deuteronomio 13:2

2 (3) ukatsti ukanakan phuqhasitapat jumanakar sapxiristam: ‘Sarapxañäni, jan uñt'apkta uka yaqha diosanakar arkapxañäni, yupaychapxarakiñäni’ sasa,

Deuteronomio 18:14

Kawkïr uraqinaktix katuntapkäta ukan jakir jaqinakaxa, jutir urunakxat yatir jaqinakampiru, layqanakampiruw ist'apxi, ukampis jumanakan Tatit Diosamax janiw ukanak lurapxañam munkiti.

Josué 13:22

Ukhamarus israelitanakax Beor jaqin Balaam layqa yuqaparuw jiwayapxäna, ukhamarak yaqhanakampiru.

Apocalipsis 18:23

Janipuniw juman mä micha qhanas qhankxaniti, jaqichasïwinakan kusisiñ uxutanakapas janirakiw ist'askxaniti. Alakipa lurir jaqinakamax aka uraqpachan wali munañan jaqinakäpxänwa, jumasti layqasitanakamampiw taqpach markanakar sallqanttaxa.”

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.

Apocalipsis 9:21

Uka jaqinakax janiw jaqi jiwayatanakapat kutikipstapkänti, layqasitanakapatsa, wachuqa juchan sarnaqatanakapatsa, lunthatasipxatapatsa janirakiw kutikipstapkänti.