Jeremías 26:2 - Qullan Arunaka DC

² akham sasa: “Templon anqäxapar sayt'asim, ukatsti kuntix Judá markanakat sisksma ukanak khitinakatix templor yupaychir jutapki ukanakar yatiyam. Janipun mä arsa imaqamti.

Aymar Bibliia 1986

² aqham sasa: “Templon patioparu sayt'asim, ucatsti cuntejj siscsma uca arsum, take qhitinacatejj Judá marcanacata temploru yupaychañataqui jutapqui, ucanacaru uca arunaca parlaraquim. Jan cunsa amuct'amti.

Qullan Arunaca

² aqham sasa: “Templon patioparu sayt'asim, ucatsti cuntejj siscsma uca arsum, take qhitinacatejj Judá marcanacata temploru yupaychañataqui jutapqui, ucanacaru uca arunaca parlaraquim. Jan cunsa amuct'amti.

Jeremías 26:2 Jak'a apnaqawi uñst'ayäwi

Jeremías 1:17

Jichhasti jumax ch'amañcht'asim; saram, ukatsti kuntix nayax sisksma taqi ukanak yatiyanim. Jan jupanakarux axsaramti, axsaräta ukapachasti, nayax jupanak nayräxan khathatiyäma.

Jeremías 1:7

Ukampis Tatitux saskakituwa: “Jan jumax ‘Wawäsktwa’ samti. Kawkirutix nayax khitkäma ukaruw jumax saräta. Kuntix nayax siskäma uk parlarakïta.

Jeremías 19:14

Ukanak qhipatsti, Jeremiasax Tófet chiqat kuttanxänwa, kawkharutix Tatitux jupan sutipxar parlañatak khitkatayna uka chiqaru, ukatsti Tatitun utap anqäxapar sayt'asisin taqi jaqinakaruw parlarakïna:

Jeremías 23:28

¡Mä profetatix mä samka samkaschi ukaxa, qhanak sispan mä samkakïtapa, ukampis arunakaxtix katuqchi ukasti, kunjämtix katuqki ukhampach yatiypan! Trigo jipimpi trigo achumpix janiw mayakïkaspati. Arunakaxax ninjamawa, qarqanak jisk'a jisk'a tukjir martilljamawa. Naya, Tatituw uk arsta.

Jeremías 25:2

Jeremías profetasti kuntix Tatitux yatiykatayna uka arunak taqi Judá markpacharu, Jerusalén markankirinakar yatiyäna, akham sasa:

Jeremías 28:5

Jeremías profetasti Hananías profetarux Tatitun utapan sacerdotenak nayraqatana, taqi jaqinak nayraqatan akham säna:

Jeremías 36:10

Baruc chachasti Tatitun utapan jach'a anqäxaparuw saräna, Machaq Punku satäki uka mantañaru, jupasti Safán jaqin yuqapa Gemarías qillqirin utapatpach kuna arunaktix Jeremiasax qillqaykatayna uka arunak taqi jaqinakatak ullart'äna.

Jeremías 42:4

Jeremías profetasti jupanakarux sarakïnwa: —Walikiwa. Nayaw jumanakatak Tatitut mayirapipxäma, kunjämtix sapkista ukhamarjama, ukatsti jan kunsa imt'asaw kuntix Tatitux siskitani taqi ukanak yatiyxapxarakïma —sasa.

Jeremías 7:2

“Tatitun utap punkur sayt'asim ukatsti aka arunak yatiyarakim: Judá uraqinkir taqi jaqinaka, khitinakatix aka punkunak tuqi Tatitur yupaychir mantapkta ukanaka, aka arunak ist'apxam.

Jeremías 7:27

“Jumasti Jeremías, taqi akanak jupanakar sarakim, janisay ist'asipkpan; jach'at art'askakim, janis jaysapkchïtam ukasa.

Ezequiel 3:10

Ukatsti sarakituwa: “Taqi arunakaxar wali sum ist'am, ukatsti chuymamarurak sum katuqam.

Ezequiel 33:7

“Jichhasti Ezequiel, nayax jumaruw Israel markan uñch'ukiripat uchsma. Jumasti nayan arunakax katuqäta, ukatsti nayan iwxanakax jupanakar churarakïta.

Ezequiel 40:4

Uka jaqisti sarakituwa: “Jichhax wal wali uñtam, sum ist'arakim; kunanaktix uñacht'aykäm ukanaksti sum amuyam, Tatituw jumarux akar irpantam nayan jumar taqi akanak uñacht'ayañaxataki. Ukanak uñjasinsti jank'ak Israel markar yatiyam” sasa.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Lucas 19:47

Jesusax sapüruw Tatitun utapan yatichäna, ukatsti sacerdotenakan jilïrinakapampi, kamachi yatichirinakampi, markan jilïrinakapampix, kunjämatsa Jesusar jiwayañ thaqhasipkäna.

Juan 18:20

Jesusasti juparux sänwa: —Nayax taqinin uñjkataw parläyäta, sinagoganakana, Tatitun utapan yatichasa; janiw nayax kuns jamasat yatichkti.

Juan 8:2

Qhipür willjtasti, Jesusax Tatitun utaparuw kutt'anïna. Jaqinakax juparuw jak'achasipxäna, Jesusasti qunt'asisin yatichañ qalltäna.

Hechos 20:20

Ukampis jumanakar Tatitun arunakapat parlañ janiw inakt'kti, jumanakatak askïtap layku, taqi jaqin uñjkataw jumanakar yatichapxsma, utanakaman yatichapxaraksma.

Hechos 20:27

nayax jumanakar jan kuns imt'asaw Diosan taqpach amtäwinakap yatiyapxsma.

Hechos 5:25

Ukapachaw mayni chachax purinisin jupanakar säna: —Carcelar jist'antayapkta uka chachanakax, Tatitun utapan markachirinakarux yatichasipki —sasa.

Hechos 5:42

Jupanakasti sapüruw Tatitun utapansa, utanakansa, Cristo Tatitut yatichapxäna, yatiyapxarakïna.

Deuteronomio 12:32

“Ukhamasti, taqi aka kamachinak phuqhapxam, ukhamarjam sarnaqapxarakim, jan kunsa k'ichxatasa, janirak kuns k'ichiqasa.

Deuteronomio 12:5

Ayllunakam taypit Diosax mä chiqawja ajllisini sutipan ukankañapataki, jumanakasti uka chiqaruw jupar yupaychir sarapxäta.

Deuteronomio 4:2

Churapksma uka kamachi arunakarux janipun jilxatayapxamti, janirak apaqapxamsa; jan ukasti, Tatit Diosaman kamachi arunakap phuqhapxam.

Josué 8:35

Josué chachax Israel marka nayraqatan kawkïr arunaktix Moisesax jaytawaykatayna uka arunak taqpach ullart'äna, jupanak taypinsti warminaka, wawanaka, jayat jutir jaqinakaw ukankapxäna.

Apocalipsis 22:19

Khititix akan qillqatäki uka profecía arunakata kunsa apaqanixa, janiw Diosax jakañ churir quqan achupat jupar jalt'asiykaniti, janirakiw akan qillqatäki uka qullan markar mantaykaniti.