Jeremías 22:2 - Qullan Arunaka DC

² Judá uraqinkir reyin nayraqatapana, Davidan qunuñapan qunt'atäki uka nayraqatana, reyin yanapirinakapan nayraqatapana, markankir jaqinak nayraqatana: ‘Tatitun arunakap ist'apxam.

Aymar Bibliia 1986

² Judá orakenquir reyin nayrakatapana, cawquïritejj Davidan tronopan kont'atäqui uca nayrakatana, uqhamaraqui reyin yanapirinacapan nayrakatapansa, marcanquiri jakenac nayrakatansa: ‘Tatitun arunacapa ist'apjjam.

Qullan Arunaca

² Judá orakenquir reyin nayrakatapana, cawquïritejj Davidan tronopan kont'atäqui uca nayrakatana, uqhamaraqui reyin yanapirinacapan nayrakatapansa, marcanquiri jakenac nayrakatansa: ‘Tatitun arunacapa ist'apjjam.

Jeremías 22:2 Jak'a apnaqawi uñst'ayäwi

1 Reyes 22:19

Micaiasasti saskakïnwa: —Ukham satamat Tatitun arunakap ist'am: Tatiturux reyi qunuñapan qunt'atäskir uñjta, alaxpachankir angelanakasti taqpachaniw jupa chika sayt'atäskäna, mayninakax kupïxapana, mayninakasti ch'iqäxapana.

Isaías 1:10

Sodoma markan jilïrinakapa, Tatitun arunakap ist'apxam. Gomorra markachirinaka, Tatituxan yatichäwinakap ist'apxam.

Isaías 28:14

Jerusalén marka apnaqirinaka, ñanqha lurir jaqinaka: Tatitun arunakap ist'apxam.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 13:18

“Reyirusa, reyin taykaparus sarakim: ‘Uka reyin qunuñapat saraqanipxam, uraqir qunt'asipxam, jumanakan p'iqimat suma k'achachir pillusti jalaqtxiwa.’

Jeremías 19:3

Jupanakarusti sarakim: ‘Judá uraqinkir reyinaka, Jerusalén markan utjirinaka, Israelan taqi ch'amani Dios Tatitupan arunakap ist'apxam, jupasti siwa: Aka markarux mä jach'a t'aqhisiñ apayanï, taqi uka yatiyäwi ist'irinakasti wali mulljataw qhiparapxani.

Jeremías 22:1

Tatitux sarakituwa: “Reyin utapar saram, ukatsti aka arunak yatiyarakim,

Jeremías 22:4

Jumanakatix aka arunakaxar ist'asin phuqhapxätaxa, Davidan qunuñapan qunt'asir reyinakax utjaskapuniniwa, jupanakasti carronakxata, caballonakxata reyi utan punkup chiqa mantapxani, jilïrinakana, taqi markpachan jaqinakampi chikt'ata.

Jeremías 29:20

Jichhax arunakax ist'apxam, khitinakarutix Jerusalén markat Babilonia uraqir apanukupksma taqi ukanaka.’

Jeremías 34:2

“Naya Tatitu, Israelan Diosapaw maysma, Judá uraqin Sedequías reyipar saniñamataki akham sasa: ‘Nayaw Jerusalén markxa Babiloniankir reyir katuyä, ninampi phichhantañapataki.

Jeremías 36:30

Jichhax walikiwa, naya, Tatituw jumar sisma, Judá uraqinkir Joacín rey, janiw kawkïr wawamas Judá markan reyipat utt'askaniti. Jiwat janchimasti, urux lupir jaqunukutäniwa, arumasti juyphir jaqunukutarakïniwa.

Jeremías 7:2

“Tatitun utap punkur sayt'asim ukatsti aka arunak yatiyarakim: Judá uraqinkir taqi jaqinaka, khitinakatix aka punkunak tuqi Tatitur yupaychir mantapkta ukanaka, aka arunak ist'apxam.

Ezequiel 34:7

“ ‘Ukhamasti awatirinaka, arunakax sum ist'apxam:

Amós 7:16

Ukhamasti jichhax Tatitun arup ist'am. Jumax akham sistawa: ‘Jan kunsa Tatitun sutipxar Israel markatak parlamti, janirak Isaacat saraqir wawanakapatakis parlamti’ sasa.

Lucas 1:32

Jupax wali aytat jaqïniwa, “Alaxpach Diosan Wawapa” satarakïniwa, ukatsti Dios Tatituw juparux nayra Davidarjam reyit utt'ayani,