Jeremías 2:7 - Qullan Arunaka DC

⁷ Nayaw jupanakarux aka suma uraqir irpanta, ukhamat suma achunakapat manq'apxañapataki. Ukampis jumanakax jutasinxa nayan uraqix takisipxtawa, aka uraqixatsti axtasiyapxarakistawa.

Aymar Bibliia 1986

⁷ Nayaw jumanacarojj aca suma orakeru irpanipjjsma, uqhamat achunacapa mank'apjjañamataqui, suma achunacapata mank'apjjañamataqui. Ucampis jumanacajj jutasinjja nayan orakejj-jja taquisipjjtawa, aca oraketsti ajjtasiyapjjaraquistawa, nayan orakejjata.

Qullan Arunaca

⁷ Nayaw jumanacarojj aca suma orakeru irpanipjjsma, uqhamat achunacapa mank'apjjañamataqui, suma achunacapata mank'apjjañamataqui. Ucampis jumanacajj jutasinjja nayan orakejj-jja taquisipjjtawa, aca oraketsti ajjtasiyapjjaraquistawa, nayan orakejjata.

Jeremías 2:7 Jak'a apnaqawi uñst'ayäwi

Nehemías 9:25

Israel markax suma uraqinak katuntasïna, pirqamp muyuntat markanaka, suma yänakan phuqt'at utanaka, phujunaka, uva yapunaka, olivo yapunaka, walja yaqha achunak churir quqanak katuntasirakïna; sist'asiñkamaw ukat manq'asipxäna, lik'intapxarakïnwa, juman jach'a munasiñamat kusisipxarakïna.

Nehemías 9:26

“Ukampis jupanakax jan ist'asirïpxänwa, jumatak sayt'asisin kamachimar jisk'achapxarakïna. Ukxarusti profetanakamarux jupanakar juchañchatapat jiwayapxäna, uka profetanakasti jupanakan jumar wasitat makhatxañapatakiw jupanakar parläna; jach'a juchanakpun jumatak sayt'asisin lurapxäna.

Isaías 19:25

Taqi ch'aman Tatitusti jupanakarux mä aski waxt'äwi churani akham sasa: “Nayaw aski waxt'äwinak Egipto markaxarux churta, Asiria markasti nayan uskutawa, Israelasti nayan ajllit markaxawa, jupanakarus nayaw uka kipka waxt'äwinak churarakta” sasa.

Jeremías 16:18

Nayraqatax mä ukkhampi jupanakarux mutuyä ñanqhanaka, juchanak lurapxatapata, uka axtaskañ diosanakapampisti nayan suma uraqix q'añuchapxatapata, kawkïr uraqtix jupanakar churkta uka uraqinsti nayax axtaskta ukanak lurapxarakïna.”

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Jeremías 3:2

“Q'ara qullunak uñtam, ¿kawkhansa janix juchxa lurktaxa? Wasarankir árabe jaqir uñtataw quntaxa, thakhi thiyanakan waynanakamarux suyäyätaxa. Yaqhanakampi sarnaqatamampisa, ñanqha luratanakamampis markxa q'añuchtawa.

Jeremías 3:9

Jan axsartasaw yaqha diosanakar yupaychi, ukham sarnaqatapampisti aka uraqirux ñanqhachiwa. Nayar apanukusinsti qalanakaru, quqanakaruw killisiraki.

Jeremías 32:23

Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Jeremías 32:30

Qalltatpach Israelankirinakampi Judá markankirinakampix kunatix nayatak jan walïki ukanak lurapxirïna; israelitanakasti jupanakan lurat diosanakampiw ñanqhachapxitäna. Naya, Tatituw uk arsta.

Ezequiel 20:24

kamachinakaxar jan ist'añ munapxatap layku, sábado urun nayar jan yupaychapxatap layku, jan ukasti nayra awkinakapan diosanakapar yupaychapxatap layku.

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Ezequiel 20:6

Uka urusti nayax Egipto uraqit jupanakar irpsxañatakiw arsurakta, jupanakatak thaqkäyät uka markar irpsxañataki, leches misk'is umjam jalaski uka markaru. ¡Taqi markanakat sipan juk'ampi suma markäki ukaru!

Ezequiel 23:35

Ukatpï naya, Tatitux sistxa: “Jichhax nayar apanukutam layku, qhip uñtatam layku, jan wali sarnaqatanakamat mutuyäwi katuqäta” sasa.

Ezequiel 36:17

“Israelitanakax pachpa uraqipan jakapkän ukapachasti, jan wali luräwinakapampiw uka uraqirux q'añuchjapxäna. Jupanakan jakäwinakapasti nayatakix axtaskañapunïnwa.

Oseas 9:3

Israelax Egipto markaruw kuttxani, Asiria markansti q'añu manq'anak manq'arakini. Janiw jichhax juk'ampi Tatitun markapan jakxapxaniti:

Miqueas 2:10

¡Jichhax sartapxam! ¡Akat sarapxam! Aka chiqax janiw samarañatakïkiti; ñanqha lurañampi phuqhantatawa, ukat q'al tukjatarakïni.

Números 13:27

Moisesarusti sapxänwa: —Khithapkista uka uraqiruw nanakax sarapxta. Chiqpachapuniw uka uraqin lechesa, misk'isa umjam jalsuski, uñjam, aka achunakaw uka uraqin achuraki.

Deuteronomio 21:23

uka jaqin janchipax janiw uka arumax uka quqan warkusiñapäkiti, jan ukasti ukürpachaw imt'xapxäta; quqar warkkatat jiwir jaqix Diosan ñanqhachatawa, Tatit Diosamax jumanakar churapkätam uka uraqxa, janiw jumanakax ñanqhachapxañamäkiti.

Deuteronomio 32:9

Diosan katuqäwipasti, jaqinakapawa, Jacobun markapawa.

Deuteronomio 6:18

Ukatsti Diosan nayraqatapan chiqäki, askïki ukanak lurapxam, kusisit jakapxañamataki, kawkïr uraqtix Diosax arupampi awkinakamar churañ arskäna uka uraqir mantapxañamataki.