Jeremías 2:21 - Qullan Arunaka DC

²¹ Mä suma uva alïkasmas ukham nayax ayrusïyäsma, wali suma uva jathat jutirïkasmas ukhama. ¡Ukampis jichhax q'ala jan wali tukutätawa, jan uñt'añjamarakïxtawa.

Aymar Bibliia 1986

²¹ Mä suma uva alïcasmas uqhamwa nayajj ayrusïyäsma, wali suma uva jathat jutirïcasmas uqhama. Ucampisa jichhajj k'ala jan wali tucutätawa, jan uñt'añjamäjjtawa.

Qullan Arunaca

²¹ Mä suma uva alïcasmas uqhamwa nayajj ayrusïyäsma, wali suma uva jathat jutirïcasmas uqhama. Ucampisa jichhajj k'ala jan wali tucutätawa, jan uñt'añjamäjjtawa.

Jeremías 2:21 Jak'a apnaqawi uñst'ayäwi

Génesis 18:19

Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa.

Génesis 32:28

28 (29) Ukat uka jaqix säna: —Janiw jichhax Jacob satäxätati. Sutimax Israel satäxaniwa, Diosampi, jaqinakampi nuwasitamata, jumaw atipjaraktaxa —sasa.

Salmos 105:6

Abraham uywatapan saraqirinakapa, jupan ajllit Jacobun wawanakapa.

Salmos 44:2

2 (3) Diosar jan uñt'irinakarux amparamampiw jaqunuktaxa, markanakaruw mutuytaxa, ukarurakiw nayra awkinakaxar utt'aytaxa.

Salmos 80:8

8 (9) Jumaw Egiptot uva alir uñtat apsuntaxa, Diosar jan uñt'ir jaqinak jaqunukusin ayrunttaxa.

Salmos 80:9

9 (10) Jumaw uraq sum q'umachtaxa, uva alisti, saphintänwa, uraqpacharuw phuqhantarakïna.

Éxodo 15:17

Tatay, qullan qullumar jakir irpapxita, jakañatak jumax ajlliskta uka chiqaru, amparamamp sayt'ayat utamaru.

Isaías 1:21

¡Chiqa lurir Jerusalén marka, kunjämatarak yaqha chachanakampi sarnaqir warmjam tuktasti! Nayrax taqi jaqinakamax aski lurirkamakïnwa, chiqapan sarnaqirkamakïnwa, jichhasti taqinis jaqi jiwayirkamakiwa.

Isaías 27:2

Uka urunsti Tatitux sarakiniwa: “Israel markatak q'uchupxam.

Isaías 41:8

“Israel, Jacobun markapa, nayan munata Abrahaman wawanakapat saraqir marka, sum ist'ita:

Isaías 5:4

¿Kunampich uva yapuxar lurañax wakisïnxa? ¿Kuncha jan lurkpachätxa? Nayax suma muxsa uvanakan achuñap suyaskäyätxa, ¿kunatarak ukhamasti k'allk'u uvanakak achusti?

Isaías 60:21

“Markamankir taqi jaqinakasti aski jaqinakäniwa, wiñayatakiw uka markax jupanakankxani; kawkïr alirutix nayax ayruntkäyätxa ukat sartirïpxtawa, amparaxampi uskutäpxtawa, ukhamat nayan jach'a kankañax uñacht'ayañataki.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 11:16

Naya, Tatitux juparux säyätwa: “Suma ch'uxña olivo quqa, suma achunakan phuqhantata” sasa. Ukampis jichhax ninampiw laphinakap phichhantä, ¡mä jach'a arnaqasïwi taypinjam alinakapsa q'al nakhantayä!

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 5:10

¡Jichhax uñisirinakapax mantanpan, ukatsti uva yapunakap tukjpan, janis taqpach tukjapkchini ukasa! ¡Layminakap qhaqharapxpan, janiw jichhax uva yapuxäkxiti!

Lamentaciones 4:1

¡Qurix ch'iyärkiptawayxiwa! ¡Ukkha suma qurix janiw k'ajkxiti! Tatitun qullan utapankir qalanakas uka pirqa q'iwt'anakan willirtaski.

Ezequiel 15:2

“¿Kunansa uva alin lawapax askixa yaqha lawanakat sipanxa?

Mateo 21:33

“Ist'apxam aka yaqha amuyt'äwi: Mä jaqiw utjäna, uraqiparusti uva alinak ayruntäna, ukatsti uyuchrantayarakïnwa; uva ch'irwañ wakichäna, ukanak uñjañatakisti mä torre luräna. Jupasti yapuchir jaqinakaruw waki yapuchapxañapatak churawayäna, ukatsti jaya markaruw sarxäna.

Marcos 12:1

Jesusax uñtasïwinak tuqiw parlañ qalltäna: “Mä jaqiw utjäna, uraqiparusti uva alinak ayruntäna, ukatsti uyuchrantayänwa; uva ch'irwañ wakichäna, uva yapu uñjañatakisti mä uta lurarakïna. Jupasti yapuchir jaqinakaruw waki yapuchapxañapatak churawayäna, ukatsti jaya markaruw sarxäna.

Lucas 20:9

Ukatsti Jesusax jaqinakar parlañ qalltäna, mä uñtasïwi tuqit amuyt'ayäna: “Mä jaqiw utjäna, jupasti yapuparux uva yapuchrantäna, ukatsti yaqha yapuchirinakaruw chikat lurañapatak churäna, ukat jaya maranakatakiw yaqha markar sarxäna.

Juan 15:1

“Nayax chiqpach uva alïtwa, Awkixasti yapuchiriwa.

Deuteronomio 32:32

Jupanakax Sodoma, Gomorra markanakankir jaqinakjamawa. Jan wali uva yapunakar uñtatäpxiwa, k'allk'u uvak achuyapxi;

Deuteronomio 4:37

Jupaw nayra awkinakamarux munäna, ukatsti wawanakaparuw ajllirakïna, Egipto markat jach'a ch'amapamp qhispiyanisa.

Josué 24:31

Israelitanakax Josué chachan jakañapkama, ukhamarak jiwxäna una qhipatsa, Israelan Tatitu Diosaparupuniw jaysapxäna, kunanaktix Tatitux israelitanak layku lurkatayna ukanak yatir jilïr jaqinakan jakañapkama.