Jeremías 16:7 - Qullan Arunaka DC

⁷ Janiw khitis uka jiwaratanakan wila masinakapar chuymachañatakix, manq'äwinak wakichkaniti, uka jiwatax pachpa awkipa jan ukax taykapäskpasa.

Aymar Bibliia 1986

⁷ Uca jiwaratanacan familianacaparu chuymachañataquisti janiraquiw qhitisa mank'äwinaca waquichcaniti, jiwatajja pachpa awquipa jan ucajj taycapäscpasa.

Qullan Arunaca

⁷ Uca jiwaratanacan familianacaparu chuymachañataquisti janiraquiw qhitisa mank'äwinaca waquichcaniti, jiwatajja pachpa awquipa jan ucajj taycapäscpasa.

Jeremías 16:7 Jak'a apnaqawi uñst'ayäwi

Job 42:11

Ukatsti taqi jilanakapa, kullakanakapaw jupar tumpt'ir sarapxäna, ukhamaraki nayra pacha uñt'at jaqinakasa; ukatsti utapan mä jach'a manq'äwi lurapxarakïna. Taqi jan walt'añanakapat Job chachar chuymachapxäna, kuna t'aqhisiñanaktix Tatitux jupxar apayankatayna taqi ukanakata; jupanakat sapa maynirakiw mä qawqha qullqimpi, mä quri anillompi jupar churapxäna.

Eclesiastés 4:1

Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Jeremías 22:10

Josías reyitxa jan jachapxamti, jiwatapatsa janirak jachapxamti; jan ukasti Salum yuqapat jachapxam, jupax jan kuttaniñatakiw sarxi; janirakiw mayampsa yurïwip uraqi uñjkxaniti. Tatitux Judá uraqin reyipa Josiasan Salum yuqapat siwa, khititix awkipa qhipat reyïkän ukata, akawjat mistuwaykän ukata: “Janiw jupax kuttankxaniti,

Lamentaciones 1:9

Isipasti q'ala q'añuchjatapuniwa; ukhamar puriñ janiw amuykänti. Aynacht'atapasti jan amuyt'kayapuniwa; janiw jichhax khiti chuymachiris utjkiti. ¡Tatay, nayan t'aqhisitax uñtanitaya, uñisirinakaxan jach'a jach'a tukutapsa uñtanimaya!

Ezequiel 24:17

Amukiw t'aqhisïta, janirakiw llaki isimpis isthapisïtati kunjämatix jiwirinakat isthapisipki ukhama. Jan q'ara p'iqis sarnaqamti, janirak q'ara kayus saramti; ajanumsa jan imt'asimti mä kunatsa t'aqhiskasma ukhama, janiraki uka pachanakan manq'añ t'ant'a manq'amti.”

Oseas 9:4

Janiw Tatitur jach'añchas juk'ampi vino umkxapxaniti, janirakiw ukan wilañchanak jupar luqtapkaniti. T'ant'a manq'atanakapas llaki t'ant'jamäniwa, khitinakatix manq'apkani ukanakax q'añur tukutäniwa. Uka t'ant'anakax jupanakatakikïniwa, ukampis janiw Tatitun utapar apapkaniti.

Deuteronomio 26:14

Janiw uka yaqhachat achunakat manq'kti, llakisita, ukhamarak q'añuchat jikxataskäyät ukkhasa, janirakiw jiwatanakarus luqtkti. Tatit Diosaxay, taqi arunakamaruw jaysta, ukhamarjamaw phuqharakta.