Jeremías 16:6 - Qullan Arunaka DC

⁶ Aka markanxa jisk'as jach'as taqiniw jiwarapxani; janiw khitis jupanakarux imt'kaniti, janiw jachapkanisa, janirakiw janchinakapsa chhuxriñchasipkaniti, ñik'utanakapsa mururasipkaniti jupanakan jiwarapxatapatxa.

Aymar Bibliia 1986

⁶ Jisc'as jach'as takeniw jiwarapjjani aca marcanjja, janiraquiw qhitis jupanacarojj imcaniti ni jachapcaraquinisa, ni janchinacapsa chhojjriñchasipcaniti, ñic'utanacapsa mururasipcaraquiniti jupanacan jiwarapjjatap laycojja.

Qullan Arunaca

⁶ Jisc'as jach'as takeniw jiwarapjjani aca marcanjja, janiraquiw qhitis jupanacarojj imcaniti ni jachapcaraquinisa, ni janchinacapsa chhojjriñchasipcaniti, ñic'utanacapsa mururasipcaraquiniti jupanacan jiwarapjjatap laycojja.

Jeremías 16:6 Jak'a apnaqawi uñst'ayäwi

2 Crónicas 36:17

Ukatsti Tatitux caldeonakan reyiparuw jupanak tuqir jutantayäna, waynanakarusti Tatitun utap pachpan cuchillompkam jiwarayäna, janiw uka reyix waynanakatsa, tawaqunakatsa, awkinakatsa, kayu usutanakatsa khuyapt'ayaskänti. Tatitux taqiniruw jupan amparapar katuyäna.

Isaías 22:12

Uka urusti taqi ch'aman Tatitux jachapxañamataki, wararipxañamatakiw jawsapxtam, p'iqinakamsa q'ararasipxañamataki, ayquñ uñacht'ayañatakisti chhankha isinakamp isthapisipxañamataki.

Isaías 24:2

Taqiniruw uka kipka lurani: Sacerdoterusa, markachirinakarusa, uywirinakarusa, uywatanakarusa, alasirinakarusa, aljirinakarusa, mayt'irinakarusa, mayt'asirinakarusa, qamirirusa, jan kunanirusa.

Jeremías 13:13

Jumasti ukxarux sarakïtawa: ‘Tatitux siwa: Taqi aka markan utjirinakaru, Davidan reyi qunuñapan qunt'asiri reyinakaru, sacerdotenakaru, profetanakaru, Jerusalén markan jakirinakaruw vinompi machjayä.

Jeremías 16:4

Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 41:5

ukapachasti Siquem, Siló, Samaria tuqinakat kimsaqallqu tunka jaqinakaw purintanipxäna, sunkhanakapas mururata, isinakapas ch'iyanuqata, janchinakapas jupanakpachan q'ala chhuxriñchjasita. Ukhamarus granonaka, inciensonaka apanipxäna Tatitun utapan Tatitur luqtañataki.

Jeremías 47:5

Gaza markankirinakax ñik'utap q'al mururasipxi, Ascalón markankirinakasti amutuw qhiparapxi. Nayra pacha jach'a tansa jaqinakat jilt'iri, usuyasitam uñacht'ayañatakix ¿kunapachkamas janchim kharinuqasïta?

Jeremías 48:37

P'iqi ñik'utanakapas mururatkamakiwa, sunkhanakapas khithuratkamakiwa; taqiniw amparanakap chhuxriñchjasipxi, chhankha isinakampiw isthapisipxaraki.

Jeremías 7:29

¡Jerusalén markankirinaka, llakisiñ isinakampi isthapisipxam! ¡Wasar qullu patanakan llakiskañ q'uchunak q'uchupxam! Jumanakasti nayarux phiñasiyapxistawa, ukat apanukupxsma, jaytanukupxaraksma.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Levítico 19:27

“Jan ñik'utanakam muypach mururasipxamti, janirak sunkhanakamsa taqpach mururasipxamti.

Levítico 19:28

“Mä jaqin jiwatapatxa, jan janchinakam q'allunuqasipxamti. Janipun kunayman qillqanaksa janchinakamar qillqantasipxamti. Nayätwa Tatituxa.

Amós 6:11

Tatitun mutuyäwipax jach'a utanakxarusa, jisk'a utanakxarus purininiwa, ukanakasti q'ala tukjatarakïniwa.

Mateo 9:23

Kunapachatix Jesusax jilïrin utapar purkän ukkhaxa, phusirinakan uka wawar imanxañatak wakicht'atäskiri, ukhamarak jaqinakan wal jachasipkir uñjäna,

Deuteronomio 14:1

“Jumanakax Tatit Diosaman wawanakapäpxtawa. Maynitix jiwani ukkhaxa, jan jumanakax janchinakam kharintasipxamti, janirak ñik'utanakamsa mururasipxamti.

Apocalipsis 20:12

Ukatsti taqpach jiwirinakaruw uñjta, jisk'arusa, jach'arusa qhapaq qunuñan nayraqatapan sayt'atäskiri. Ukatsti qillqatanakaw jist'arasïna, ukhamarak yaqha qillqatasa, uka qillqatasti wiñay jakañ qillqata, satawa. Jiwirinakasti qillqatanakan qillqatäki uka lurataparjam taripataw uñjasipxäna.

Apocalipsis 6:15

Akapach reyinakasa, munañan jaqinakasa, qamirinakasa, jilïr militaranakas qarqa p'iyanakaruw imantasxapxäna, uywat jaqinakampi, antutat sarnaqasir jaqinakamp chika.