Jeremías 13:16 - Qullan Arunaka DC

¹⁶ Tatitu Diosamar jach'añchapxam, jupax ch'amaka janïra puriyankipana, ch'amak qullunakan jumanakan janïr liwirtkipana; kawkïr qhantix jumanakax suyapkäyäta uk jupax ch'amakar janïr tukuykipana.

Aymar Bibliia 1986

¹⁶ Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Qullan Arunaca

¹⁶ Tatitu Diosamarusti jach'achapjjaraquim, janïra jupajj ch'amaca puriyanquipana, ucat jumanacajj ch'amaca kollunacan liwirtapjjaraquisma; janïra jupajj ch'amacaru tucuyquipana, jach'a jathi ch'amacaru tucuyquipana, cawquïri khantejj jumanacajj suyapcäyäta uca.

Jeremías 13:16 Jak'a apnaqawi uñst'ayäwi

Job 3:5

¡Khä arumax ch'iyär qinay ch'amakan chhaqtakisapäna, jan ukax, mä ch'iyar ch'amakax chhaqtayakisapäna, jan ukax, intin ch'amakt'atapas axsarañ phuqhantayasapäna!

Salmos 107:10

Jupanakax axsarkay ch'amakan jakapxäna, cadenanakampi, llakisiñampi ñach'antataw jakapxäna,

Salmos 107:14

ch'amak laxa taypit irpsüna, cadenanakampi chinuntatat jaranuküna.

Salmos 29:2

Tatitun qhapaq sutip jach'ar aptapxam, qullan utapan Tatitur yupaychapxam.

Salmos 44:19

19 (20) Ukampis jan walt'añ chiqanakan aynacht'ayapxista, ¡Axsarkañ ch'amakampiw muyuntayapxista!

Éxodo 10:21

Tatitusti Moisesarux sänwa: —Amparam alaxpach tuqir luqtam, ukatsti Egipto uraqpachan laxa ch'amakax niyas llamkt'añpach utjani —sasa.

Proverbios 4:19

Ñanqha lurir jaqinakan sarnaqäwipasti ch'amakakiwa; ¡janiw kunar lanqtasipxatapsa yatisipkiti!

Eclesiastés 11:8

ukampis maynix walja maranak jakkasax taqi kunampisay kusisiskpan, janiw armasiñapäkiti utjkani uka jan walt'añ walja urunakata, ukatsti taqi kunatix jutañampïski ukax inamayakiwa.

Isaías 5:30

Kunapachatix chimpt'at urux purinkan uka uruxa, uka markax jach'a qutar uñtataw Israel markatakix qhuthutini, aka uraqisti q'ala ch'amakt'ayatäniwa, ch'iyara ch'amak qinayanakamp chhaqtayatäniwa.

Isaías 59:10

Mä juykhur uñtatakiw pirqar katt'asis sarnaqtanxa, janis nayranïksna ukhama; chika urunsti arumäkaspas ukham lanktasaw sarnaqtanxa; k'umaräkasinsa, jiwatäksnas ukhamätanwa.

Isaías 59:9

Uka laykuw qhispiyasiñax jiwasat jayarst'awayxi, qhispitäñasti janiw jiwas jak'ankxiti; qhanan jakañ suyt'ayätanxa, ukampis ch'amakanak jikxatastanxa.

Isaías 60:2

Aka uraqirusti ch'amakaw muyunti, markanakarus aruma ch'amakaw muyunti, ukampis Tatituw jumxan qhanani, jumxanarak Tatitun qhanapax uñstani.

Isaías 8:22

ukampis aynacht'añampi, t'aqhisiñampik uñjapxani. Laxa ch'amak taypin jakapxani.

Jeremías 14:19

Tatay, ¿Judá markarux q'alpunti apanukxta? ¿Jerusalén markampisa qaritäxaraktati? ¿Kunatarak ukham jan qullkañ chhuxriñchjapxistasti? Nanakax sum sarnaqañ suyt'asipkäyäta, ukampis jan walt'añakiw purinirapipxitu. K'umar sarnaqasiñ suyt'apxäyäta, ukampis jichhax axsarañakiw utjxi.

Jeremías 2:6

Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Jeremías 23:12

Ukatpï jichhax sarnaqäwinakapax ch'amakar tukutänixa: Nayaw jupanakarux nukt'asin tinkuyäxa. Jupanakar luratanakapat wayt'kä ukkhasti, jach'a t'aqhisiñanak jupanakxarux apayanï. Naya, Tatituw uk arsta.

Jeremías 4:23

Uraqi uñatatta, ukasti jan amuykaña ch'usa wasarar tukutänwa; alaxpacha uñtarakta, ukansti janiw kuna qhanas utjkänti.

Jeremías 50:6

“Markaxasti chhaqhat ovejanakar uñtatänwa, jan wali awatirinakan irpata, uka awatirinakapasti qullu tuqinakan ananukupxäna. Ukat mä qullut mä qulluru sarapxäna, pachpa uyunakapatsa armasxapxarakïnwa.

Jeremías 6:21

Ukatpï Tatitux sixa: “Aka markarux ch'anqtasiyasaw liwisiyä. Awkinakasa, wawanakasa, uta jak'anakasa, jilat masinakasa, taqiniw mayak jiwarapxani” sasa.

Jeremías 8:15

Taqi kunansa jiltañ munäyätan, ukampis jan walt'añanakakiw purinistu. K'umar sarnaqasiñ munäyätan, ukampis axsarañakiw utji.

Lamentaciones 4:17

Nayranakasas uñch'ukkäwix qarirxiwa, inamayakiw yanap suyasktanxa. Mä jan qhispiyir markan puriniñap suyasktan.

Ezequiel 21:15

15 (20) Taqi utanakaparuw uka jiwarayir espada uskurakta; lliju llijunak sarayañataki, suma llijkir tukuyat espadawa, jiwarayañatak ariptayat espadawa.

Ezequiel 34:12

Kunjämtix mä suma awatirix chhaqhat ovejanakap thaqhir sarkixa, ukhamarakiw nayax chhaqhat markaxar thaqhir sarä, mä ch'amak urun jupanakax maysar saranukupkatayna uka chiqanakat kuttayanxarakï.

Ezequiel 36:15

Janipuniw mayampsa uka yaqha markanakampix jisk'achaykxämati, uka markanakat janipuniw mayampsa jisk'achäwinak katuqkxapxätati. Naya, Tatituw uk arsta.’ ”

Joel 2:2

ch'amaka laxa uruwa, qinaya ch'iwi ururakiwa. Wali ch'amani walja soldadonakan ejercitow qullunakan aywtani, willjta qhanar uñtataw uraqxar purintani. Janipuniw kunapachas ukax uñjasirïkänti, kunatix jichhax uñstki ukaxa, jutir urunakansa janirakiw uñjaskaniti.

Amós 4:13

Khititix qullunaksa sayt'ayki, thaysa lurki, jaqirus amtäwinakap yatiyki, qhansa ch'amakt'ayki, jach'a qullunak patanakansa sarnaqkaraki, ukan sutipax Taqi ch'aman Tatituwa.

Amós 5:18

¡Ay kunakïkan Tatitun urup puriniñap munirinakatakixa! ¿Kunjämäkanitix jumanakatak uka urux uk yatipxtati? Uka urux ch'amakäniwa, janiw qhanäkaniti.

Malaquías 2:2

Jumanakasti nayarux jaysañanakamawa, sutixsa taqi chuymampiw jach'añchapxañama. Janitix ukham lurapkäta ukaxa nayax ñanqhachapxämawa. Taqi chuymampi jan jach'añchapxatamatxa, jumanakatak aski waxt'äwinakaxsa, ñanqhachañaruw tukuyä, sacerdote kankañ katuqapkta ukanaksa apaqapxämawa” siwa, taqi ch'aman Tatituxa.

Juan 12:35

Jesusasti jupanakarux sänwa: —Mä juk'a urunakakiw qhanax jumanak taypinkani. Qhana utjkipan sarnaqapxam, ch'amakamp jan katjayasiñataki; ch'amakan sarnaqiristi janiw kawksar saratapsa yatkiti.

Josué 7:19

Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

1 Pedro 2:8

Qillqatan saskakiwa: “Aka qalax waljaniruw liwisiyani; waljaniw aka qarqar lanktasipxani,” sasa. Jupanakasti Tatitun arunakapar jan iyawsapxatapat liwisipxi, ukatak uchatarakïnwa.

1 Samuel 6:5

Uka layku, jichhax qurit uka ch'uphunak lurapxam, ukhamarak markas t'unjkis uka achakunakar uñtasitanaka, ukatsti Israelan Diosapar jach'añchapxarakim, inampis jumanakarusa, diosanakamarusa, uraqinakamarus jan mutuykxapxiristamti.