Jeremías 12:3 - Qullan Arunaka DC

³ Ukampis Tatay, jumax nayar uñt'istawa; jumax uñjistawa, jumatak amtatanakaxäki uksa yatirakistawa. ¡Uka jaqinakarux khariñ ovejanakarjam apasxam, khariñ urutak chimpt'awayarakim!

Aymar Bibliia 1986

³ Ucampisa Tata, jumajj nayarojj uñt'istawa; jumajj uñjistawa, yatiraquistawa, cawquïrinacatejj jumataqui amtatanacajjäqui ucjja. ¡Uca jakenacarojj qhariñ ovejanacarjam apasjjam, qhariñ urutaqui chimpt'awayaraquim!

Qullan Arunaca

³ Ucampisa Tata, jumajj nayarojj uñt'istawa; jumajj uñjistawa, yatiraquistawa, cawquïrinacatejj jumataqui amtatanacajjäqui ucjja. ¡Uca jakenacarojj qhariñ ovejanacarjam apasjjam, qhariñ urutaqui chimpt'awayaraquim!

Jeremías 12:3 Jak'a apnaqawi uñst'ayäwi

2 Reyes 20:3

“Tatay, achikt'assmawa, nayat amtasikitaya, nayax chiqa chuymampi, kunatix jumar kusisiyktam ukhamarjamaw luqtawaysma” sasa. Ukatsti jupax walpun jachäna.

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Job 23:10

Jupaw sarnaqäwixa yati; yant'atasti suma qurir uñtat q'umaw mistü.

Salmos 11:5

Tatitux juchanirus jan juchanirus taqiniruw uñch'ukiski, ñanqha lurañ munirinakarusti walpun uñisi.

Salmos 139:23

Diosay, uñakipitaya, chuymaxar uñantam; nayarux yant'itaya, lup'itanakax uñt'arakim;

Salmos 17:3

Jumaw taqpach amuyunakax yattaxa; arumanakaw chuymax uñaqir jutista; ninampjamaw yant'ista, janirakiw kuna ñanqhsa jikxatkistati. Lakaxax janiw k'ari arunak arskiti,

Salmos 26:1

Tatay, chiqaparuy uñjita, jakañaxax jan kamskayawa. Tatay, jumaruw taqpach katuyassma;

Salmos 7:9

9 (10) Chiqapar uñjir Tatay, jumaw amtäwinak uñakiptaxa, chuyma manqha amtäwinaka, ¡juchararanakan ñanqha lurañanakap tukusiyam, aski jaqirusti thuruñchat sayt'ayam!

Jeremías 15:15

Tatay, jumax taqi kun yattaxa, juma laykuw jisk'achatas uñjasta. ¡Nayat amtasisax nayar yanapt'iriy jutam! ¡Janikiy ukhamak qhiparamti, khitinakatix nayar arknaqapkitu, ukanakar mutuyam janïr nayar jiwaykipana!

Jeremías 17:16

Tatay, ukampis janiw nayax aka markamar mutuyañam mayksmati; jan ukasti, nayax oveja awatirjamaw aka markarux imarakta.

Jeremías 17:18

Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

Jeremías 20:12

Taqi ch'aman Tatitu, jumax taqi kunsa chiqaparuw uñjtaxa, jumax jaqin chuymapsa sum uñt'taxa, kunjämtix uka jaqinakar mutuykäta uk jichhax uñjayita, nayasti juman amparamaruw taqi kun katuysma.

Jeremías 48:15

Moab markar t'unjirix niyaw purinxi, yaqha markanakapar t'unjiris niyaw purinxi. Suma soldadonakapas nuwasïwin jiwarapxani. Israelan taqi ch'amani Tatitupaw ukham arsu.

Jeremías 50:27

Mutuyäwi katuqañ urupax purinxiwa! ¡Taqpach soldadonakapar jiwarayapxam! ¡Taqpach jaqinakapar tukusiyapxam!

Jeremías 51:4

Babilonia marka thakhinakansti jiwatanakax liwirtat jikxatasipxpan.

Juan 21:17

Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Santiago 5:5

Jumanakasti aka uraqin taqi kunan phuqt'ataw jakapxtaxa, khariñ uywar uñtataw puquntapxtaxa, ¡jichhasti jumanakar jiwarayañ urux purinxiwa!

2 Pedro 2:12

Uka jaqinakax jan amuyt'asirïpxiwa, taqi kunsa munañaparukiw lurapxi, jan amuyt'asisaw kuns parlapxi; jupanakasti animalanakjam katurayasisin jiwarayatäñatakiw yuripxi.