Jeremías 12:2 - Qullan Arunaka DC

² Jumaw jupanakarux ayrunttaxa, jupanakasti saphintapxiwa, jilatatasinsti, achunak churapxi. Jupanakax lakampikiw juma jak'ankasipki, chuymanakapanxa jumat wali jayankapxiwa.

Aymar Bibliia 1986

² Jumaw jupanacarojj ayrunttajja, jupanacasti saphintapjjaraquiwa, jiltapjjaraqui, achupjjaraqui. Lacampiquiw jupanacajj juma jac'ancasipqui, chuymanacapanjja jumatjja wali jayancapjjewa.

Qullan Arunaca

² Jumaw jupanacarojj ayrunttajja, jupanacasti saphintapjjaraquiwa, jiltapjjaraqui, achupjjaraqui. Lacampiquiw jupanacajj juma jac'ancasipqui, chuymanacapanjja jumatjja wali jayancapjjewa.

Jeremías 12:2 Jak'a apnaqawi uñst'ayäwi

Job 24:12

Chhuxriñchjata, niyas jiwirpacha, markat jayanakan Tatitun yanapap mayisis wararisipki, ¡ukampis Diosax janiw jupanakan mayisitap ist'kiti!

Job 5:3

Pisi amuyt'an jaqin qamiriptatap uñjta, ukampis utapax jank'akiw t'unjtawayxi.

Salmos 37:35

Ñanqha jaqiruw jach'achasir uñjta, mä jach'a quqjam jilantaskir uñjta;

Isaías 29:13

Tatitusti sarakituwa: “Aka markax pata chuymakiw arkitu, lakanakapampikiw nayarux jach'añchitu, ukampisa chuymapax nayat jayankaskiwa, nayar yupaychapkitu ukaxa, jaqin amtataparjamakiwa.

Jeremías 11:17

“Naya taqi ch'aman Tatituw Israel markaru, Judá markarus aka uraqirux mä quqarjam ayruntta. Ukampis ñanqhanak lurapxatapata, Baal diosar yupaychapxatapat uka jan walt'añanak jupanakatak sartayta, ukham luratanakapampisti walpin phiñasiyapxitu.”

Jeremías 3:10

Taqi ukanakïpansa, ukham jan wal lurir Judá markax janiw nayan ukarux taqi chuymapampi kuttankiti, jan ukasti nayarux sallqjituwa. Naya, Tatituw uk arsta.”

Jeremías 45:4

Jichhasti Tatitux jumxat akham siwa, ukatsti jumar yatiyiriw khithanitu: ‘Nayax kuntix sayt'aykta ukxa t'unjtwa, kuntix ayruntkta uksa jik'inukuraktwa. Jichhax taqi akapachampix ukhamarak lurä.

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Oseas 7:14

Ikiñanakapansa usuchjataw jachasipki, janchinakapsa mä amtañampiw chhuxrinuqasipxi, ukampis janiw taqi chuyma nayar mayisipkituti; suma achunak katuqañatakikiw ukham lurasipxi, ¡ukampis nayar saykatasipkakituwa!

Habacuc 1:13

Juman sinti q'umätamatsti, janiw jan wali lurañxa uñjkasmati, janirakiw ñanqha luräwinakarus, walikiw siskasmati; ¿kunjämarak jiwayirinakarus amuk uñch'uktasti? ¿Kunatarak amukïtasti jan wali jaqinakax jupanakat juk'ampi askïpki ukanakar tukjapki ukkhasti?

Mateo 15:8

‘Aka jaqinakax lakapampikiw jach'añchitu, chuymapasti nayat jayankiwa.

Marcos 7:6

Jesusasti jupanakarux sänwa: —Isaías profetax chiq arsüna jumanakan pä amtañan jaqïpxatamat qhanañchasaxa: ‘Aka jaqinakax lakampikiw yupaychapxitu, ukampis chuymanakapax nayat jayankaskiwa.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.