Jeremías 12:12 - Qullan Arunaka DC

¹² Taqi wasar qullu patanakatsti, qhuru jaqinakaw jutantapxäna, ukampis naya, Tatitux mä espada ayt'atätwa, aka marksti uka espadax maysat maysa t'unjani, janirakiw khititakis suman sarnaqasiñax utjkaniti.

Aymar Bibliia 1986

¹² Take wasara kollu patanacatsti, khoru jakenacaw jutantapjjäna, ucampisa naya Tatitojj mä espada ayt'atätwa, aca marcsti maysat mayswa t'unjanï, janiraquiw qhititaquis suman sarnakasiñajj utjcaniti.

Qullan Arunaca

¹² Take wasara kollu patanacatsti, khoru jakenacaw jutantapjjäna, ucampisa naya Tatitojj mä espada ayt'atätwa, aca marcsti maysat mayswa t'unjanï, janiraquiw qhititaquis suman sarnakasiñajj utjcaniti.

Jeremías 12:12 Jak'a apnaqawi uñst'ayäwi

Isaías 34:6

Edom markan Bosrá sat markan qamapanxa, mä jach'a jiwarayäwiw utjani, wilas umjamaw jalarakini. Tatitun espadapasti wilampi, lik'impi jawikipatäniwa, kunjämatix ovejanakasa, cabritonakas waxt'äwitak kharsutax ukhama.

Isaías 57:21

Ukham ñanqha lurir jaqinakatakix janiw sumankañax utjkiti.” Tatituw ukham arsu.

Jeremías 15:2

Ukattix jiskt'apxätam: ‘¿Kawkirus sarapxä?’ sasa, ukatsti nayan sutixar akham sarakim: “ ‘Usumpi jiwarañatak wakichatanakaxa, usumpi jiwarapxpan; nuwasïwin jiwarañatak wakichatanakasti, nuwasïwin jiwarapxpan; manq'atjam jiwarañatak wakichatanakaxa, manq'atjam jiwarapxpan; jayar apatäñatak wakichatanakasti, jayar apatäpxarakpan’ sasa.

Jeremías 16:5

Tatitux sarakituwa: “Maynin jiwatap layku lutt'atäsipki uka utarux jan mantamti; uka jiwatat jan jachamti, janirak llakisiñamsa jupan jiwatapat uñacht'ayamti. Aka markatsti suman sarnaqasiñaxa, munasiñaxa, khuyapayasiñaxa q'al apaqxta. Naya, Tatituw uk arsta.

Jeremías 25:11

Taqi aka markasti, laqayanakar tukuyat t'unjatäniwa. Paqallqu tunka mararakiw aka markanakax Babiloniankir reyin apnaqat uñjasipxani.

Jeremías 3:2

“Q'ara qullunak uñtam, ¿kawkhansa janix juchxa lurktaxa? Wasarankir árabe jaqir uñtataw quntaxa, thakhi thiyanakan waynanakamarux suyäyätaxa. Yaqhanakampi sarnaqatamampisa, ñanqha luratanakamampis markxa q'añuchtawa.

Jeremías 3:21

“Arunakaw wasar qullu tuqinakan ist'asi: ¡ukanakasti israelitanakan jachatanakapawa, khuyapayasiñ mayitanakapawa! Jupanakax chiqa thakhit saranukuwayapxi, naya, Tatitu Diosapatsti armasipxituwa.

Jeremías 30:5

Tatitux akham siwa: “¡Axsarañat warariñanakaw ist'asi, axsarañat mayjt'asiñanakampi!

Jeremías 34:17

Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.

Jeremías 4:27

Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 46:10

Aka urusti taqi ch'aman Tatitun urupawa, uñisirinakapat phuqsusiñ uruwa. Espadasti sist'asiñkamaw chhuxriñchjani, wilampis machjaskaspa ukhama. Tatitusti amsta tuqina, Éufrates jawira jak'an jaqinak jiwarayani.

Jeremías 47:6

¡Ay, Tatitun espadapa! ¿Kunapacharak nanakar chhuxriñchañ suyt'xätasti? Imañamar kutintxam, llamp'uchasxam, pachparuk suyt'xam.

Jeremías 48:2

Moab markan jach'a kankañapasti tukusxiwa. uñisirinakapax Hesbón chiqan amtasipki Moab markan markpach chhaqtxañapataki. Madmén marka, jumas tukjatarakiw uñjasïta, nuwasiñasti jumxarux jutapuniniwa.

Jeremías 8:15

Taqi kunansa jiltañ munäyätan, ukampis jan walt'añanakakiw purinistu. K'umar sarnaqasiñ munäyätan, ukampis axsarañakiw utji.

Lamentaciones 3:17

Sumankañas nayat jayarst'xiwa, janiw yatkxti kunäskchix kusisiñasa.

Ezequiel 14:17

“Nayatix aka markxar nuwasiñanak apayanirista, ukatsti uywanakana, jaqinakan jiwarayatäpxañapatak arsurista,

Ezequiel 21:28

28 (33) “Jumasti Ezequiel, nayan sutixar Israel markar jisk'achiri amonita jaqinakar sarakim: ‘Espadax jumanakar jiwarayañatakix niya wakicht'atawa, lliju llijunak sarayañatak suma llijkir qaqsutawa, taqi kun t'unjañatak wakicht'atawa.

Ezequiel 21:4

4 (9) Jïsa, nayax espadax apsusisin taqinirus jiwarayä, juchanirusa jan juchanirusa, amstat qalltasa, aynach tuqir tukuyasa.

Ezequiel 21:8

8 (13) Tatitusti sarakituwa:

Ezequiel 21:9

9 (14) “Jumasti Ezequiel, nayan sutixar parlam, naya Tatitun jumar uk parlañamatak mayitax yatiyarakim akham sasa: “ ‘¡Espada, espada! Suma ariptayatawa, llijkirirakiwa.

Ezequiel 5:2

Jerusalén markax katuntat uñjaskani ukkhasti, uka kimsar jaljat ñik'utxa, mayïrxa marka taypir sarasin ukan nakhantayam; mayïrsti, mä espadampi khuchhunuqas marka muytpachar willtanim, ukat jilt'äki uksti thayarurak willxaruyam. Nayasti markankir jaqinakan qhipap sarä, mä espadas ayt'ata.

Levítico 26:33

Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.

Amós 9:4

uñisirinakapas yaqha markar katuntat apasipkpan, ukansa espadampi jiwarayatäpxañapatakiw mayirakïxa. ¡Jupanakarux uñch'ukiskakïwa, nayranakaxax jan walitakiw jupanak uñch'ukini, janiw askitak uñch'ukkaniti!”

Sofonías 2:12

¡Etiopía markan jakir jaqinaka, jumanakax Tatitun espadapampi chhuxriñchjataw uñjasipxarakïta!

Deuteronomio 32:42

Mich'inakaxsa katuntat jaqinakan wilaparuw juricht'arakï. ¡Taqpach jilïr jaqinakaparuw p'iqinakap khuchhuqä!’

Apocalipsis 6:4

Ukatsti mä wila caballow mistunïna. Uka caballor lat'xatiristi munañanïñ kankañ katuqäna, akapachan suman sarnaqasiñ chhaqtayañataki, jaqinakas jupanak pura jiwarayasiñapataki; juparusti mä jach'a espada churapxarakïna.