Jeremías 10:8 - Qullan Arunaka DC

⁸ Uka markanakan utjasirinakapax t'axmar jaqikamakïpxiwa, jupanakan yatichirinakapasti, mä k'ullut khitsut diosanakakiwa.

Aymar Bibliia 1986

⁸ Take jupanacasti lokhe jakenacäpjjewa, janiw cuna amuyt'asiñanacapas utjquiti. ¡Mä jisc'a c'ullojj janiw jupanacarojj cunsa yatichcaspati!

Qullan Arunaca

⁸ Take jupanacasti lokhe jakenacäpjjewa, janiw cuna amuyt'asiñanacapas utjquiti. ¡Mä jisc'a c'ullojj janiw jupanacarojj cunsa yatichcaspati!

Jeremías 10:8 Jak'a apnaqawi uñst'ayäwi

Salmos 115:8

Uka diosanakar luririnakax ukanak kipkakïpxiwa, iyawsirinakas pachpakïpxarakiwa.

Salmos 135:18

Uka diosanak luririnakax ukanakjamakïpxiwa, ukanakar alkatirinakas pachpakïpxarakiwa.

Isaías 41:29

¡Taqi jupanakasti janiw kunäpkisa! Janiw kun lurañsa yatipkiti; jan ukasti, ina ch'usa k'ari diosanakakiwa.

Isaías 44:18

Uka jaqinakax janiw kuns yatipkiti, nayranakapas juykhuwa, janirakiw kuns uñjapkiti, amuyunakapas q'ala ch'amakt'atawa, janiw kuns amuyt'apkiti.

Isaías 44:19

Sum amuyt'asiñatakix yatiñ kankañapas janiw utjkiti, ukat sapxañapataki: “Chikat lawampix nina naktayapxta, ukampiw t'ant'a lurasipxta, aychsa kankasipxarakta ukhamat manq'atäpxañaxataki; ukat jilt'ki uka lawatsti mä axtaskañ dios lurapxarakta, ¡jichhax kunarutix yupaychasipkta ukax mä jisk'a lawakiwa!” sasa.

Jeremías 10:14

Taqi jaqinakas pisi chuymäpxiwa, jan amuyt'asirïpxiwa. Uka diosanakasti luririnakapatakix mä p'inqawa: sallqjañatak diosanakakiwa, janirakiw jakañanïpkisa;

Jeremías 2:27

Jumanakasti mä quqarukiwa: ‘Awkixätawa’ sapxtaxa. Mä qalarukiw: ‘Taykaxätawa’ sapxaraktaxa, nayatakisti maysa uñtapxtaxa, janiw qhan uñkatapkistati; jan walt'añan jikxatasxapxta ukkhakiw ‘¡jutam qhispiyapxita!’ sapxistaxa.

Jeremías 3:9

Jan axsartasaw yaqha diosanakar yupaychi, ukham sarnaqatapampisti aka uraqirux ñanqhachiwa. Nayar apanukusinsti qalanakaru, quqanakaruw killisiraki.

Jeremías 4:22

Tatitux siwa: “Markaxax q'ala luqhiratawa, janiw uñt'kxarakituti. Jan amuyt'asiri wawanakäpxiwa, janiw kun satas amuythapisipkiti. Ñanqhanak lurañatakisti, ch'amanakapax jilarkiriwa, ukampis janiw kunatix askïki uk lurañ yatipkiti.”

Jeremías 5:4

Nayasti amuyayätwa: T'aqhin jakasir jaqinakakiw pisi chuyman jaqjam sarnaqapxi, jupanakax janiw amuyt'apkiti kuntix Tatitux munki ukxa, janirakiw kuntix Diosapax arski uksa amuyt'apkiti.

Oseas 4:12

Markaxax k'ullut khitsut diosanakaparuw jiskt'asi, thujrunak tuqirakiw yatiñanaksa thaqhi. Wachuqa juchampi apnaqataxa, markaxax pantjat thakhinakan sarnaqaski; Diosap apanukusaw yaqhanakampi juchanakan sarnaqi.

Jonás 2:8

8 (9) Yaqha diosanakar arkir jaqinakax janiw jumatakjamäkxapxiti;

Habacuc 2:18

¿Kunatakis askix mä diosaxa sum lurt'asin tukuyatäkchi ukaxa? ¿Kunatakis askix jaqin lurt'at mä diosaxa yatichäwinakapas k'arikamakïchi ukaxa? uka yaqha diosanakax janiw parlapkiti; ¿kunjämaraki uka yaqha diosanak lurir jaqisti uka diosanakar atint'asispasti?

Zacarías 10:2

Yaqha diosanakan arupax k'ariwa, yatirinakax k'ari uñjäwinak katuqapxi. Arsutanakapax inamay samkanakakiwa, chuymachasiñ arunakapasti ina ch'usakiwa. Ukat markax uywa tamar uñtat inak aywinaqxi, awatirin jan utjatapat t'aqhisiskaraki.