Jeremías 10:5 - Qullan Arunaka DC

⁵ Uka idolonakax melonanak yapuchat taypin, jamach'inakar sustjañatak jaqi t'ixitar uñtatäpxiwa; ukanakax janiw parlapkiti, janirakiw sarnaqapkisa, ukat ukanakarux q'ipnaqañax wakisi. Ukanakar jan axsarapxamti, janiw khitirus kuna ñanqhsa, asksa lurkiti.”

Aymar Bibliia 1986

⁵ Uca c'ari diosanacajj jamach'inacar sustjañataqui jake t'ejjetar uñtatäpjjewa, melonanac yapuchat yapunjama; janiw parlapcaspati, ucanacarusti k'epjjaruwayañaraquiwa, jan sarnakerïpjjatap laycu. Uca c'ari diosanacarojj jan ajjsarapjjamti, janiw qhitirus ñankhsa ni ascsa lurquiti.”

Qullan Arunaca

⁵ Uca c'ari diosanacajj jamach'inacar sustjañataqui jake t'ejjetar uñtatäpjjewa, melonanac yapuchat yapunjama; janiw parlapcaspati, ucanacarusti k'epjjaruwayañaraquiwa, jan sarnakerïpjjatap laycu. Uca c'ari diosanacarojj jan ajjsarapjjamti, janiw qhitirus ñankhsa ni ascsa lurquiti.”

Jeremías 10:5 Jak'a apnaqawi uñst'ayäwi

1 Reyes 18:26

Baal diosan profetanakapasti, jupanakar churat vaca qallu katusin wakt'ayapxäna, ukatsti willjtata chika urukamaw Baal diosapar jach'at arnaqasipxäna: “¡Baal ist'apxita!” sasa. Jupanakasti lurapkatayna uka altar thiyan, thuqtas thuqtasaw muyupxäna, ukampis janiw kuna arus ist'askänti.

2 Crónicas 25:15

Tatitusti Amasías reyitakix q'apisïnwa, ukatsti mä profetaruw khithanïna jupar akham sañapataki: —¿Kunatarak uka markankir diosanakapar yupaychtasti?, uka diosanakax janiw markapar amparamat qhispiykiti —sasa.

Isaías 16:12

Moab markax qullunakarus saraskpan, qarjtañkamas arnaqasiskpan, diosanakapar mayisiris sarasipkpan, janiw kuna yanapsa jikxatapkaniti.

Isaías 45:20

“Tantacht'asipxam, jutapxarakim, markanakat jilt'iri taqi jakirinaka, taqini jak'achasinipxam. Jan yatiñan jaqinakaw utji, uka diosanakapsti uksar aksar muyuyasaw apnaqapxi, uka jan qhispiyir diosaruw mayisipxi.

Isaías 46:1

Bel diosax aynacht'iwa, Nebo diosasti uraqiruw liwnuqti. Uka diosanakax uywanakxar khumutawa, qarjat uywanakatakisti mä jathi khumuwa.

Isaías 46:7

Kallachinakapxaruw uka dios apapxi, mä chiqawjaruw uskupxi, ukasti janirakiw kawksarus unxtkiti. Yanapa mayiñatakis arnaqasisipkpan, ukampis uka diosax janipuniw ist'kiti, janirakiw llakinakatsa qhispiykiti.

Jeremías 10:14

Taqi jaqinakas pisi chuymäpxiwa, jan amuyt'asirïpxiwa. Uka diosanakasti luririnakapatakix mä p'inqawa: sallqjañatak diosanakakiwa, janirakiw jakañanïpkisa;

Habacuc 2:19

¡Ay kunakïkan juma Babiloniatxa, mä lawat lurat diosar p'arxtam satamaxa, mä amutu qalar sayt'am satamasa! ¿Jupanakasti mä kuna yatiyäwinaksa yatiyapxaspati? Janiwa. Jupanakax janiw jakañanïpkiti, qawqhasay qurimpis qullqimpis jawikipatäsipkpan.

1 Corintios 12:2

Jumanakax yatipxtawa, kunapachatix Cristor jan iyawsapkäyät ukkhaxa, jumanakax juykhur uñtataw jan parlir yaqha diosanak arkasipkäyätaxa.

1 Corintios 8:4

Yaqha diosanakar luqtat manq'anak manq'añxatxa, niy yattanwa, jaqin lurat diosax akapachan janiw kunäkisa, mä sapa Diosakiw utji.

Deuteronomio 4:28

Uka markanakansti jaqin lurat diosanakaruw luqtapxäta qalata, lawata lurat idolonakaru, ukanakasti janiw uñjapkiti janirakiw ist'apkisa, manq'apkisa, samsupkisa.