Jeremías 10:16 - Qullan Arunaka DC

¹⁶ ¡Ukatsipana, kunja jach'as Israelan Diosapaxa, jupaw taqi kunatix utjki ukanaksa utt'ayi! Juparakiw Israelarux jupatak ajllisi; Taqi Ch'aman Tatitu, ukaw sutipaxa.

Aymar Bibliia 1986

¹⁶ ¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Qullan Arunaca

¹⁶ ¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 10:16 Jak'a apnaqawi uñst'ayäwi

Salmos 119:57

Tatay, jumakiw nayatakix utjarapistaxa, arunakam phuqhañatakiw arsta.

Salmos 135:4

Jupaw Israelarux ajllisïna, jupan markapäñapatakiw ajllisïna.

Salmos 142:5

5 (6) Tatay, jumaruw art'asinsma, jumaruw saraksma: “Jumätaw nayan imantasiñaxaxa; jumakiw aka jakañ uraqin taqi kunaxätasa” sasa.

Salmos 33:6

Tatitux arupampiw alaxpach lurt'i; inti, phaxsi, warawara taqi ukanak utjayi.

Salmos 73:26

Chuymaxasa, janchixas tukusiskiwa, ukampis Diosaw wiñay katuqäwixaxa, jupaw chuymaxarux katxäsiski.

Salmos 74:2

Nayra pachatpach jikxatasit markamat amtasim, jumankañapatak qhispiyat markamat khuyapayasim; kawkhantix utjaskäyäta uka Sión qullut amtasirakim.

Éxodo 19:5

Ukhamasti, jumanakatix nayan arunakax sum ist'asin jaysapxitäta, arust'äwi lurataxsa phuqhapxarakïta ukaxa, jumanakax taqi markanak taypin nayan munat markaxäpxätawa, taqi uraqix nayankiwa.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Proverbios 16:4

Tatitux mä amtäwimpiw taqi kuns luri; ñanqha jaqirusa t'aqhisiñ urutakiw irnuqi.

Isaías 19:25

Taqi ch'aman Tatitusti jupanakarux mä aski waxt'äwi churani akham sasa: “Nayaw aski waxt'äwinak Egipto markaxarux churta, Asiria markasti nayan uskutawa, Israelasti nayan ajllit markaxawa, jupanakarus nayaw uka kipka waxt'äwinak churarakta” sasa.

Isaías 45:7

Nayaw qhansa ch'amaksa uskta, sumankañsa, chijinaksa nayaw apayanta. Naya Tatituw taqi ukanak lurta.

Isaías 47:4

Jiwasan qhispiyirisa, Israelan Qullan Diosapa, taqi ch'amani Tatitux siwa:

Isaías 47:6

Markaxampi nayax phiñasitäskayät ukkhaxa, naya kipkaw markaxarux mä p'inqa katuyta, ukatsti juman amparamaruw antutta. Jumasti janiw khuyapt'ayaskäyätati, chuymani jaqinakxarusti uka jathi yukum apxattaxa.

Isaías 51:15

“Nayätwa Tatit Diosamaxa, sutixasti Taqi Ch'amani Tatitu satawa; nayaw jach'a qutxa unxtayta, uka mathapinaksa jach'aruw sartayta,

Isaías 54:5

Jumar jakañ churir Tatituw jichhax warmipat uñt'asxätam; sutipasti taqi ch'amani Tatitu satawa. Qhispiyirimax Israelan Qullan Diosapawa, jupasti taqi aka uraqpachan Diosaparakiwa.

Jeremías 10:12

Tatitux ch'amapampiw aka uraqi lurt'i, amuyt'apampiw aka uraqsa sayt'ayi, ch'ikhi kankañapampiw alaxpachsa uskuraki.

Jeremías 10:6

Tatay, janiw jumjamax khitis utjkiti: Jumax jach'a ch'aman Tatitütawa, sutimas jach'arakiwa.

Jeremías 31:35

Tatituw inti usku urun qhanañapataki, phaxsisa, warawaranakasa aruma qhanañapatakiraki, jupaw jach'a qutsa, mathapi qhuthutinaksa luraraki, jupax “Taqi Ch'amani Tatitu satarakiwa,” jupasti siwa:

Jeremías 32:18

Jumasti jaqinakarux khuyapayasiñam wawanakapan wawanakaparuw uñacht'aytaxa, awkinakapan juchanakapatxa, uka jaqinakarux mutuyaraktawa. ¡Jach'a ch'amani Tatitu, sutimax Taqi Ch'amani Tatitu satawa!

Jeremías 33:2

“Naya, khititix aka uraqi lurki, ukatsti kawkhankañapäkitix ukkhar utt'aykaraki, ukaw sistam:

Jeremías 46:18

Nayaw reyïtxa, taqi ch'aman Tatitu satarakïtwa, sutix laykuw juramentompi arsta: Qullunak taypinkir Tabor qullur uñtata, jach'a quta thiyankir Carmelo qullur uñtata, ukhamaw uñisirimax jutantani.

Jeremías 50:34

Ukampis qhispiyiripax jach'a ch'amaniwa, sutipasti “Taqi Ch'amani Tatitu” satarakiwa. Jupaw taqi kunsa chiqapar uñjani; markarusti sumankañ apanini, ukampis Babiloniankir jaqinakatakix jach'a axsarkañanak apanirakini” sasa.

Jeremías 51:19

¡Ukatsipan kunja jach'as Israelan Diosapaxa, jupaw taqi kunatix utjki ukanaksa luri! Juparakiw Israelarux jupatak ajllisi; Taqi Ch'amani Tatitu satarakiwa.

Lamentaciones 3:24

Naya pachpas sasiraktwa: “¡Nayatakix Tatitukiw taqi kunasa; ukatpï jupar iyawsaraktxa!” sasa.

Amós 4:13

Khititix qullunaksa sayt'ayki, thaysa lurki, jaqirus amtäwinakap yatiyki, qhansa ch'amakt'ayki, jach'a qullunak patanakansa sarnaqkaraki, ukan sutipax Taqi ch'aman Tatituwa.

Zacarías 2:12

12 (16) Tatitux wasitat Judá markarux tumpasxani, suma utt'ayat markaparjam qullan uraqina, Jerusalén markarusti wasitat suma ajllit markapäxañapatak qhanañcharakini.

Deuteronomio 32:9

Diosan katuqäwipasti, jaqinakapawa, Jacobun markapawa.