Jeremías 10:10 - Qullan Arunaka DC

¹⁰ Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Aymar Bibliia 1986

¹⁰ Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Qullan Arunaca

¹⁰ Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Jeremías 10:10 Jak'a apnaqawi uñst'ayäwi

Génesis 21:33

Beerseba chiqansti Abrahamax mä tamarisco quqa ayruntäna, ukatsti wiñay jakir Tatit Diosaruw art'asirakïna.

1 Reyes 18:39

Ukham uñjasinsti, jaqinakax taqpachaniw p'iqip uraqir puriyañkam alt'asipxäna, akham sasa: —¡Israelan Tatitupaw chiqpach Diosaxa! ¡Jupaw chiqpach Diosaxa! —sasa.

1 Reyes 8:60

ukhamat aka uraqinkir taqi markanakax, Tatitun Diosätapa, yaqhax jan utjatapa yatipxañapataki.

1 Crónicas 29:11

¡Tatay, jach'a kankañasa, ch'amanïñasa, jach'ar aptatäñasa, apnaqañasa, munañanïñasa jumankiwa! Kunatix alaxpachana, akapachansa utjki ukax jumankiwa. Ukhamarak aka markas jumankiwa, ukampis Tatitu, jumaw taqi ukanakat jilïrïtaxa.

2 Crónicas 15:3

Israel markax jaya maranakaw jan chiqpach Diosani sarnaqxäna, janiw jupanakar yatichiri sacerdotenakas utjkxänti, janirakiw Diosan kamachi arunakapas yatichatäkxänti.

Job 9:6

Jupaw uraqsa unxtayi, uraqin utt'äwinakapsa khathatiyaraki.

Salmos 10:16

Tatitux wiñayapuniw reyit qunt'asi, ¡Tatitur jan uñt'irinakasti uraqipat jaqunukutäniwa!

Salmos 100:3

Tatitun Diosätap uñt'apxam; jupaw irnuqistu, jiwasanakax jupankapxtanwa; jupan markapäpxtanwa, ovej tamapäpxaraktanwa.

Salmos 100:5

Tatitux khuyapayasiriwa, munasiñapax wiñayatakiwa, chiqa kankañapasti jan tukuskiriwa.

Salmos 104:32

Diosax uñtanki ukapachax uraqix khathatiwa; ¡qullunakar llamkt'ki ukapachasti, jiwq'i mistuyapxi!

Salmos 114:7

¡Uraqi, Tatitun nayraqatapan khathatim, Jacobun Diosap nayraqatan axsartam!

Salmos 145:13

Qhapaq markamax wiñay qhapaq markawa, qhapaq apnaqäwimax wiñay apnaqäwirakiwa, Tatitux arsutanakap phuqhiriwa, taqi luräwinakapan munasiñaniwa.

Salmos 146:6

Jupaw alaxpacha, akapach luri, lamar qutarusa, taqi ukan utjirinakarusa. Jupax arsutap phuqhapuniwa.

Salmos 18:7

7 (8) Ukapachaw uraq khathatix utjäna, qullunakasti saphitpach unxtäna; Tatitun q'apisiñapampi khathatiyatäpxänwa.

Salmos 29:10

Tatituw jallurux apnaqi; ¡jupaw wiñay reyjamax qunt'asi!

Salmos 31:5

5 (6) Amparamaruw ajayux katuyassma; ¡Tatay, chiqpach Diosay, qhispiyasikitaya!

Salmos 42:2

2 (3) Nayax jakkir Diosat pharjatätwa: ¿Kunapacharak Diosan nayraqatapar uñstir sarästi?

Salmos 68:11

11 (12) Tatituw mä yatiyäw arsu; walja warminakaw ukxat yatiyapxäna:

Salmos 68:8

8 (9) uraqix khathatïnwa, jallux alaxpachat purintäna, Sinaí qullux Diosan nayraqatapan khathatïna; Israelan Diosap nayraqatan axsaräna.

Salmos 74:12

Diosaxay, jumaw nayratpach reyixätaxa, jumaw aka uraqin walja kuti atipjtaxa.

Salmos 76:7

7 (8) ¡Jumax axsarkayapunïtawa! ¿Khitirak nayraqataman sayt'aspasti, q'apisiñaman ninjam aqtatap laykusti?

Salmos 76:8

8 (9) Diosay, alaxpachatpach arsutam yatiytaxa; uraqix axsariwa, amukt'arakiwa,

Salmos 77:18

18 (19) Q'ixu q'ixunakamax jach'a thayampi chikaw ist'asïna, lliju llijunakamax taqi akapach qhant'ayäna, uraqisti khathatirakïnwa.

Salmos 84:2

2 (3) ¡Taqpach ajayuxampiw qullan utaman uyupankañ munta! ¡Taqpach chuymaxampiw jakkir Diosar kusisit q'uchta!

Salmos 9:8

8 (9) aski kankañampiw akapacharux taripani, markanakarusti chiqaparuw uñjani.

Salmos 90:11

¿Khitirak phiñasiñamampi lurjatanak yatisti? ¿Khitirak q'apisiñam uñt'isti?

Salmos 90:2

Qullunak janïr utjkipana, akapachas janïr utjkipana, wiñayan wiñayapatakiw jumax Diosätaxa.

Salmos 93:2

Tatay, qunuñamax qalltatpach jan unxtkiriwa. ¡Jumasti wiñay jakirïtawa!

Salmos 97:4

Lliju llijunakapax akapach qhantayi; ¡uk uñjasinsti uraqix axsarañat khathati!

Isaías 37:17

Tatay, jichhax ist'apxitaya, uñtanipxitaya. Kuntix Senaquerib reyix siski uka arunak ist'am, ukampix jakkiri juma Tatituruw jisk'acharaktamxa.

Isaías 37:4

Añchakit Tatitu Diosax ist'ki kuna jan wali arunaktix uka asirio oficialax siski Dios tuqitxa, ukham jan wali arunak parlatapat Tatitun jupar mutuyañapax walïspawa. Jichhax khitinakatix qhiparasipki ukanakatakix Tatitu Diosatay jupanakar yanapt'añapatak mayim” sasa.

Isaías 40:15

Jupatakix taqi markanakax mä uma ch'aqar uñtatakiwa, balanzar apxatata mä juk'a laq'ar uñtatakiwa, qutankir markanakasti mä sapa ch'allampi sasikiwa.

Isaías 40:28

¿Janit yatipktasti, janit ist'kta? Tatituw, wiñay Diosaxa, aka uraqpacha luririxa, janiw jupax ch'amtaykiti, janirakiw qarjaskisa, yatiñ kankañapasti jan tukuskiriwa.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 65:16

Khititix aka markan askinak katuqañ munanixa, chiqa aski Tatituruw mayini; aka markan mä juramento luriristi, chiqa aski Diosan sutipxaruw lurani. Nayra t'aqhisïwinakasti armatäxiwa, nayraqataxatsa chhaqtxarakiwa.

Jeremías 23:36

Ukampis jani mayampsa ‘Tatitun iwxapawa’ sasax parlapxamti, ukampis khititix ukham parlkani ukaruxa, nayaw pachpa arunakap kutintasiyä. Jumanakax jakkir Diosana, taqi ch'aman Tatitun arunakap jan waliruw tukuyapxtaxa, maysaruw q'iwipxtaxa.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

Jeremías 4:24

Jach'a qullunak uñtta, ukanakasti khathatipxänwa; jisk'a qullunakas chhijthaptapxänwa.

Jeremías 50:46

Babilonia markan t'unasitapasti wali jach'at ist'asini, uraqis uk ist'asax khathatiniwa, arnaqasitapasti yaqha markanakkamaw ist'asini.

Jeremías 51:29

Aka uraqix khathatiwa, axsarthapirakiwa, Tatitun amtatanakapaw phuqhasiski, Babiloniarux mä axtaskañ wasararuw tukuyaraki.

Daniel (hebreo) 4:3

3 (31) ¡Kunja jach'as luräwinakapaxa, muspharkañ luratanakapasa! Jupan marka apnaqäwipasti wiñayatakïniwa, munañanïñapas wawanakapansa wawanakapatakïniwa.

Daniel (hebreo) 4:34

34 (31) “Kunapachatix uka juchañchäwi urunakax phuqhasxäna ukapachasti, naya Nabucodonosor reyix alaxpacha uñtta, ukatsti luqhi kankañaxat qullatätaxa amuyasirakta, ukat nayax alaxpachankir Diosar jach'añchta, aka arunakampiw wiñayatak jakiriru yupaycharakta: “ ‘Ch'amapax wiñayatakipunïniwa; jupan marka apnaqañapax wawanakansa wawanakapatakïniwa.

Daniel (hebreo) 6:26

26 (27) Nayaw arsta: taqpach markanakaxan Danielan Diosapax yupaychatäpan, yäqatarakïpan. “Jupaw wiñayatak jakkiri Diosaxa. Jupan markapax janipuniw t'unjatäkaniti, ch'amapas janirakiw tukuskaniti.

Daniel (hebreo) 6:27

27 (28) Jupaw qhispiyirixa, arxatirisa; alaxpachansa, akapachansa, luratanakapax muspharkañawa. Leonanakan lakapatsa, jupaw Daniel arkiriparux qhispiyaraki” sasa.

Daniel (hebreo) 7:14

Jupasti munañan kankañampi, qhapaq kankañampi katuqäna, aka uraqpach apnaqañataki, ukatsti taqi markankir jaqinaka, kunayman arut parlir jaqinakarakiw juparux luqtapxäna. Jupan munañan kankañapax wiñayawa, marka apnaqäwipas janipuniw tukuskaniti.

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Miqueas 1:4

Jupan takt'ataparusti qullunakax pampaw tukuni, kunjämatix lik'ix ninar apxatatax umatatki ukhama, qhirwa aynachanakas jalkir uman kharjatjamaw payar jist'jtani.

Nahúm 1:5

Jupa nayraqatanxa qullunakas khathatiwa; nayräxapansti jisk'a qullunakas chullutatawayxakiwa. Taqi aka uraqpachan jakirinakasa jupar uñjasax wal khathatipxi.

Nahúm 1:6

¿Khitirak q'apisitap nayraqatan sayt'aspasti? ¿Khitirak phiñasitapar qallkataspasti? Q'apisiñapax ninjamaw aqatati, jupa nayraqatansti qarqanakas payaruw ch'iyjtawayi.

Habacuc 3:10

Jumar uñjasax jach'a qullunakas khathatipxiwa, Alay qinayanakatsa jallux walipuniw waraqtani, jach'a qutax wararkaspas ukhamawa, mathapinakapas jach'anakaw sartaraki.

Habacuc 3:6

Kunapachatix jupax sayt'ki ukkhax uraqis khathatiwa; uñtäwipampix markanakarus khathatiyiwa; nayrapach jach'a qullunakas allthaptiwa, jisk'a nayra qullunakas ina ch'usaruw tukupxaraki. Ukampis Tatitun thakhinakapax wiñayatakipuniwa.

Malaquías 3:2

Ukampis, ¿khitirak jutañap urumpi q'iwtasispasti? ¿Khitirak jupa nayraqatan sayt'asispasti? Ninar uñtataw jupax purinini, jiwasar q'umachañataki, jabonar uñtataw q'añunak jiwasan chuymasat apaqani.

Mateo 16:16

Simón Pedrosti sänwa: —Jumax Cristo Tatitütawa, jakkir Diosan Yuqapätawa —sasa:

Mateo 26:63

Jesusasti janiw kuns arskänti. Ukat sacerdotenakan jilïripax jupar säna: —Jakkir Diosan sutipxaruw chiq arsuñamatak maysma. Sapxita: ¿Jumax Diosan Yuqapa Cristötati? —sasa.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!

Deuteronomio 5:26

¿khiti jaqirak jiwasanakjam jakkir Diosan arup nina taypit parlaskir ist'asin, jan jiwkisti?

1 Tesalonicenses 1:9

Jan ukasti jupanak pachpaw nanakan purinitaxat arsusipki, kunjämtix jumanakax yaqha diosanak apanukusax jakkir chiqpach Diosar luqtañatak kutikipstapkta,

1 Timoteo 1:17

¡Jichhasti, wiñay jach'a Reyiru, jan jiwiriru, jan uñjkay sapa Diosar jach'añchas yupaychañäni! Ukhamäpan.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

Hebreos 10:31

¡Jakkir Diosan amparapar jalt'añax axsarkayapuniwa!

Josué 3:10

Jakkir Diosan jumanak taypinkaskatapat chimpux akäniwa, jumanakan saratanakarjamaw Tatitux cananeonakaru, hititanakaru, heveonakaru, ferezeonakaru, gergeseonakaru, amorreonakaru, jebuseo jaqinakar q'al tukjani.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

Apocalipsis 20:11

Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Jueces 5:4

“Tatay, jumax Seír chiqat mistuwaykta ukkhaxa; Edom pampanakat sarawayxta ukkhasti, uraqix khathatïnwa, alaxpachas chhijthaptarakïnwa; qinayanakas jallurak waraqtayanïna.

1 Samuel 17:26

Ukat Davidax jupa jak'ankki uka jaqinakar jiskt'arakïna: —¿Reyix kunsa churaspa aka filisteo jaqiru jiwaykaspa, israelitanakarus jan jisk'achaykaspa uka jaqiruxa? Ukhamasti, ¿khitirak Diosar jan uñt'iri uka filisteo jaqisti, jakkir Diosan ejercitopar arnaqañapatakisti? —sasa.

1 Samuel 17:36

mä leonasa jan ukax mä ososa nayar katjañ munipanxa, jawq'askamaw jiwayirïta. Tatitur jan uñt'ir aka filisteo jaqirusti uka kipkwa lurä, jupan jakkir Diosan soldadonakapar arknaqatap layku.