Génesis 9:3 - Qullan Arunaka DC

³ Taqi animalanakampi, ch'uxña alinakampix jumanakan manq'añamatakïniwa. Nayaw ukanak churapxsma.

Aymar Bibliia 1986

³ Take animalanaca, uqhamarac cawquïri mank'añ ch'ojjñanactejj churapcsma ucanacjja mank'asipcaquïtawa, nayaw ucanacjja churapjjsma.

Qullan Arunaca

³ Take animalanaca, uqhamarac cawquïri mank'añ ch'ojjñanactejj churapcsma ucanacjja mank'asipcaquïtawa, nayaw ucanacjja churapjjsma.

Génesis 9:3 Jak'a apnaqawi uñst'ayäwi

Génesis 9:2

Aka uraqinkir taqi animalanakasti jumanakatakix axsarañat khathatipxaniwa. Thuqnaqir animalanakasa, wañankir animalanakasa, qutankir animalanakas jumanakan apnaqatäniwa.

Levítico 22:8

Jupa pachpa jiwata mä uywan aychapsa, jan ukax monte animalan jiwayat uywan aychapsa janipuniw manq'kaniti, ukhamat jan q'añuchasiskañapataki. Nayätwa Tatituxa.

Romanos 14:14

Cristor arkirjamax taqi ukanak sum nayax amuyta: Janiw kuna manq'asa ñanqhäkaspati; ukampis maynitix mä kunan ñanqhätap amuychixa, jupatakix ñanqhäskapuniwa.

Romanos 14:17

Diosan qhapaq markapanxa, kun manq'añasa, kun umañasa, janiw wakiskirïkiti, jan ukasti, Qullan Ajay tuqi chiqa kankañan sarnaqaña, sumankaña, kusisiña ukaw wakiskirixa.

Romanos 14:20

Janiy manq'a laykux Diosan luräwip ina ch'usar tukuyamti. Chiqpachansa, taqi manq'ax q'umawa; mä kun manq'asa maynin iyawsäwip mayjt'ayañaw jan walïkiti.

Romanos 14:3

Ukampis taqi kun manq'irix janiw jan taqi kun manq'irirux jisk'achañapäkiti; taqi kun jan manq'iris janirakiw taqi kun manq'irirux jisk'achañapäkiti; Diosasti juparux katuqxiwa.

1 Corintios 10:23

Jumanakat yaqhipanakax sapxiwa: “Maynix kuntix munki uk lurakispawa” sasa. Ukax chiqawa, ukampis janiw taqpachapun askïkiti. Jïsa, maynix kuntix munki uk luraspawa, ukampis janiw ukax taqinir ch'amañchkiti.

1 Corintios 10:31

Ukhamasti manq'apxamsa, umapxamsa, jan ukax kunsay lurapxam, Diosar jach'achañatak lurapxam.

Deuteronomio 12:15

“Ukampisa, munapxät ukapachaxa, markanakaman uywanak jiwayasin aycha manq'asipkasmawa, Tatit Diosamax aski waxt'äwinak churapktam ukhamarjama. Uka aychsti taqi jumanakaw manq'apxäta, gacelana, tarujana aychapäkaspas ukhama, q'umachatäpxamsa janis q'umachatäpxam.

Colosenses 2:16

Ukhamasti janiy khitis manq'apxatamata, umapxatamatsa jumanakar jisk'achpati, janirak jisk'achpati jach'a urunak jan yäqatamatsa, machaq phaxsinak jan yäqatamatsa, samarañ urunak jan yäqatamatsa.