Génesis 9:16 - Qullan Arunaka DC

¹⁶ Kunapachatix kürmix qinay taypin uñstkani ukapachaxa, uka kürmi uñjasin kuna arust'äwtix taqi jaqinakampi, taqi aka uraqin utjir animalanakampi lurkta ukat amtasï.

Aymar Bibliia 1986

¹⁶ Cunapachatejj cürmejj kenay taypin uñstani ucapachajj nayajj amtasïwa cuna amtäwtejj take jakenacampi, uqhamarac take aca oraken utjir animalanacampi lurcta ucata.

Qullan Arunaca

¹⁶ Cunapachatejj cürmejj kenay taypin uñstani ucapachajj nayajj amtasïwa cuna amtäwtejj take jakenacampi, uqhamarac take aca oraken utjir animalanacampi lurcta ucata.

Génesis 9:16 Jak'a apnaqawi uñst'ayäwi

Génesis 17:13

Taqi yuqall wawapuniw circuncisión katuqañapa. Ukhamaw nayan arust'äwixax jumanakan janchiman chimpuntatäni, wiñayataki mä arust'äwjama.

Génesis 17:19

Tatitusti sarakïnwa: —Sara warmimax mä wawa wawacharapïtam, jumasti Isaac sutimpiw uchäta. Jupampiw arust'äwix sum sayt'ayä, wawanakapampisti wiñayatakiw arust'äwix utjayarakï.

Génesis 17:7

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

Génesis 9:17

Ukaw jaqinakampi, animalanakampi lurkta uka arust'äwin unañchapaxa” sasa. Ukhamwa Diosax Noé chachamp parläna.

2 Samuel 23:5

Tatitux nayampi mä arust'äwi luri; suma khuskhachata, chiqapar lurat arust'äwi ukasti wiñayatakïniwa. Wila masinakaxax suma utt'ayatäniwa, Tatitusti nayan amtatanakax phuqhaniwa.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Jeremías 32:40

Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Ezequiel 34:26

“Nayaw ovejanakaxar qullan qulluxar muytata uchä, askinakampiw phuqt'arakï; wakisit ururuw aski jallunak apayanirakï.

Ezequiel 37:26

Jupanakan jan kun axsaras jakasipxañapatakisti mä arust'äwi lurä. Ukasti wiñay arust'äwïniwa. Nayaw jupanakarux waljaniru tukuyxä, jupanak taypirusti wiñayatakiw nayan qullan utax ucharakï.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,