Génesis 9:15 - Qullan Arunaka DC

¹⁵ Ukapachaw nayax kuna arust'äwtix jumanakampi, taqi animalanakampi lurkta ukat amtasï, janirakiw jumanakar tukjañatakix kuna uma taripäwisa utjkxaniti.

Aymar Bibliia 1986

¹⁵ Ucapachaw nayajj amtasï cuna amtäwtejj jumanacampi, uqhamarac take animalanacampi lurcta ucata, janiraquiw cuna uma juiciosa jupanacar tucjañataquejj utjcjjaniti.

Qullan Arunaca

¹⁵ Ucapachaw nayajj amtasï cuna amtäwtejj jumanacampi, uqhamarac take animalanacampi lurcta ucata, janiraquiw cuna uma juiciosa jupanacar tucjañataquejj utjcjjaniti.

Génesis 9:15 Jak'a apnaqawi uñst'ayäwi

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

Génesis 9:10

ukhamarakiw jumanakamp chika arcat mistunkän taqi uka animalanakampi, jamach'inakampi, uywañ animalanakampi, pampankir animalanakampi, taqi akapachankir animalanakampiw mä arust'äwi lurä.

Génesis 9:11

Nayan jumanakampi arust'äwir mantataxasti janiw mayjt'kaniti; janipuniw jaqinakarusa, animalanakarusa mayampis uma taripäwimpix tukjkäti. Aka uraq tukjañatakix janiw yaqha uma taripäwix utjkxaniti.

Génesis 9:14

Nayax uraqxaru qinay apayankä ukkhaxa, uka kürmiw qinay taypin uñstani.

1 Reyes 8:23

“Israelan Tatit Diosapa, janiw alaxpachansa, aka uraqinsa jumjam yaqha Diosax utjkiti, jumax arust'äwimar phuqtawa, taqi chuymampi jumar jaysirinakarux khuyapayasiñam uñacht'ayaraktaxa;

Nehemías 9:32

“Ukhamasti, nanakan Diosaxay, taqi ch'amani axsarkañ Diosay, sumankäwir mantatamsa, munasiñamsa imtawa, jichhax uñjamaya ukataq jan walt'añanaka jutatapa, reyinakaxarusa, jilïrinakaxarusa, sacerdotenakaxarusa, profetanakaxarusa, nayra awkinakaxarusa, Asiria markan reyinakapan amparapar jalt'apkta ukkhat jichhürkama.

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Éxodo 28:12

ukatsti efod sat isin katuñapxaruw uk uchäta, ukhamat uka qalanak uñjasin Israelan wawanakapan sutinakap amtañataki. Aaronax ukham jupanakan sutinakap Tatitun nayraqatapar kallachipxar sutinak amtañatak apani.

Jeremías 14:21

¡Sutiman jach'ätap laykukisay nanakat khuyapt'ayasipxita; kawkha markankkitix suma k'ajkir qunuñamaxa, uka markarux janikiy jisk'achañampi uñjamti! ¡Kuna arust'äwtix jumax nanakampi lurkta uk amtt'asikimaya, janikiy uka arust'äwir phuqhañ armt'asimti!

Ezequiel 16:60

Ukampis nayax amtasiskakipunïwa tawaqu kankañam urunakaman nayampi lurktan uka arust'äwita, ukat jumampi wiñay arust'äwi lurarakï.

Lucas 1:72

nayra awkinakasat khuyapayasisa, janirakiw qullan arsutanakapat armt'askaniti.

Deuteronomio 7:9

Yatipxam, Tatit Diosax chiqa Diosawa, jupakirakiw arust'äwipsa munasiñampi wawanakapana, wawanakapamp phuqharaki, jupar taqi chuymampi munasirinakaru, kamachi arunakapsa phuqhirinakaru.