Génesis 8:21 - Qullan Arunaka DC

²¹ Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

Aymar Bibliia 1986

²¹ Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

Qullan Arunaca

²¹ Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

Génesis 8:21 Jak'a apnaqawi uñst'ayäwi

Génesis 3:17

Chacharusti sarakïnwa: —Warmimar ist'atam layku, ukhamarak “Janiw manq'ätati” sisksma uka quqan achupat manq'atamatxa, jichhax jucham laykuw uraqix ñanqhachatäni; taqi jakawimanxa, wali ch'am tukusaw manq'añam achuyasïta.

Génesis 4:12

Wal yapuchkäta ukasa, janiw achunakax achurapkätamti. Aka uraqi muyusarakiw jan samart'añ jikxatas sarnaqäta.

Génesis 5:29

uka wawaparusti Noé sasaw sutichäna, sarakïnwa: “Tatit Diosaw aka uraqirux ñanqhachi, yapuchañasatakisti wali ch'ama tukuñasawa; ukampis aka wawaw uka ch'ama tukutasatxa samarayxistani” sasa.

Génesis 6:13

Noé chacharux sänwa: “Taqi jaqinak tukjañ amtta. Jupanakan jucha luratanakap laykusti aka uraqin jan walt'añanakaw utjxi, ukhamasti jupanakarusa, akapacharusa q'al tukjä.

Génesis 6:17

Nayasti mä jach'a jallu apayanï, uka jallun umapaw taqpach uraqi chhaqtayani, aka uraqin taqi kunatix jakki uksa q'al tukjani. Aka uraqin jakirinakas taqiniw jiwarapxani.

Génesis 6:5

Tatitux jaqinakan sinti jan walinak lurapxatap uñjäna, jaqin ñanqha lurañakpuni amtaskatapa,

Génesis 6:7

ukat säna: “Nayan lurat jaqirux aka uraqit q'al chhaqtayä, ukhamarak uywañ uywanakaru, uraqin qatatnaqtir animalanakaru, jamach'inakarusa. ¡Walpun ukanak lurataxat amtta!” sasa.

Job 14:4

Janiw khitis q'añu kankañatxa, q'uma kankañ apskaspati,

Salmos 51:5

5 (7) Nayax yuritaxatpach juchanïtwa; taykaxan purakapatpach juchanïtwa.

Salmos 58:3

3 (4) Ñanqha luririnakax taykapan purakapatpach ukham ñanqha lurirïpxi; k'arinakasti janïr yurkasaw k'arinak arsxapxi.

Salmos 58:4

4 (5) Katarinakjam jiwayir mich'inïpxiwa, jiwayir mich'in katarir uñtataw jinchunakapsa llupantasipxi, uqaraw tukupxi,

Éxodo 29:18

Ukat altar patxar oveja nakt'ayasin Tatitur jach'añchas luqtäta, uka nakt'at waxt'an suma q'apkirïñapataki.

Éxodo 29:25

Ukatsti amparanakapat apaqasin altarxar uk nakt'ayäta, suma q'apkir nakt'ayat luqtäwimp chika. Ukasti Tatitur jach'añchañatak nakt'ayat waxt'awa.

Proverbios 20:9

¿Khitirak saspa: “Chuymaxax q'umawa, juchatsa q'umachatätwa” sasati?

Eclesiastés 7:20

Ukatsipana, akapachan janiw khitis jan juch luras aski jaqix utjkiti.

Isaías 47:12

Uka layqasiñanakam luraskakim, jumax tawaqutpach ukanak lurtaxa, inach uka layqasitanakamax kunatakis walïskani, inach uka luratanakamampix jaqix axsarätam.

Isaías 47:15

Ukaruw jichhax juman layqanakamax puriwayapxi, khitinakarutix wiñayatak alkataskäyäta ukanakaxa. Sapa mayniw kipka pantata thakhipanjam saranukuwayapxi, janirakiw jichhax khitis jumar qhispiyirix utjkiti.

Isaías 48:8

Jumax janiw kunapachas ukanakat ist'käyätati, yatkarakïyätasa, uqarapuniw ukanakatakix tuküyätaxa. Nayax juman jan chiqa chuymanïtam yatïyätwa, yurïwimatpach jan ist'asirit uñt'atätamsa.

Isaías 53:6

Taqi jiwasanakaw ovejanakar uñtat chhaqtan, sapa maynis pachpa amtataparjam lurasa, ukampis Diosax jupxaruw jiwasan mutuyatäñanakas apxaruyi.

Isaías 65:6

Taqi ukanakasti naya nayraqatan qillqatawa, janirakiw ukhamak qhiparkäti; jan ukasti, mutuyapunïwa.

Jeremías 17:9

“Jaqin chuymapjam ñanqha, sallqjirix janiw utjkiti. ¿Khitis ukan ukhamätap amuyt'aspa?

Jeremías 18:12

Jupanakasti sapxarakïtamwa: ‘¡Jan inamay parlkamti! Nanakax kunjämarutix munapkta ukhamaruw sarnaqasipkä, chuymanakaxan jan wali amtatanakaparuw arkasipkarakï’ ” sasa.

Jeremías 8:6

Taqi chuymaw ist'askarakïyäta, ukampis janiw maynis chiqpach arsurix utjkiti, janirakiw khitis ñanqha luratapat chuymay sirix utjkiti. ¡Janiw khitis nayaw ñanqha lurtxa sirix utjkiti! Taqinis kuntix munapki uk lurapxaraki, antutt'at caballonakar uñtataw uksa aksa jalanaqapxi.

Ezequiel 20:41

Kunapachatix nayax uka yaqha markanakata, kawkhanakantix ananukut uñjasisipkta ukanakat tantachthapipkäma, taqi markanak nayraqatan nayan q'uma kankañaxsa uñacht'ayapkäma, ukapachaw nayax jumanakan suma q'apkir luqtäwinakam katuqapxäma.

Levítico 1:13

Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki.

Levítico 1:17

Ukxarusti uka palomxa chhiqhanakat katt'asaw ch'iyjañapa, jan payar jaljtayasa, ukatsti sacerdotew altarxan ninax aqaski ukxar uka paloma nakhantayani, Tatitutak mä suma q'apkir luqtäñapataki.

Levítico 1:9

Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki.

Levítico 26:31

jumanakan markanakama, yaqha diosanakar yupaychañ utanakamsa t'unjarakïwa; kuntix jumanakax nayar luqtanipkitäta ukanakan q'aphinakapsa janiw katuqapkämati.

Levítico 4:31

Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti altarxaruw nakt'ayxani Tatitutak suma q'apkiri waxt'ata, ukhamat sacerdotex uka jaqitakix juchapat pampachatäñ jikxatani, uka jaqin juchapasti pampachatäxarakiniwa.

Levítico 8:28

Uka luqtäwi tukuyatatsti, Moisesax taqi ukanakxa jupanakan amparanakapat apaqxarakïna, ukatsti altarxaruw kawkïr uywatix luqtañatak churatäkän uka uywampi chika nakt'ayxarakïna, ukasti Tatitutakix mä suma q'apkir waxt'äwïnwa.

Números 15:3

ukatsti nayar jach'añchas mä urqu vaca, jan ukax, mä ovejsa luqtapxitäta suma q'apkir wilañcha nakt'ayañataki, kuntix arsupkta ukanak phuqhasa, jan ukax, chuymanakamatjam waxt'a churasa, jan ukax, mä uruyäwi uruyasasa ukapachaxa,

Mateo 15:19

Chuyma manqhat mistu: jan wali amtañanaka, jaqi jiwayañanaka, wachuqa jucha lurañanaka, lunthatasiñanaka, k'arisiñanaka, jaqxat jan wali parlañanaka.

Juan 3:6

Janchit yuritaxa, janchikiwa; Ajayut yuritasti, ajayuwa.

Romanos 1:21

Diosar ukham uñt'kasasa, janiw Diosarjam yupaychapkiti, janirakiw yuspagarapkisa. Jan ukasti, juk'ampi jan wali lurañanakak lup'ipxi, amuyunakapas q'ala ch'amakt'atawa.

Romanos 3:23

taqiniw juch lurapxi, ukat Diosan qhapaq kankañapat jayan uñjasipxi.

2 Corintios 2:15

Jiwasax Cristox Diosar luqtki uka suma incienson q'aphipjamätanwa. Ukasti qhispiyatanak taypiru, jan qhispiyatanak taypiruw puri.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Filipenses 4:18

Epafrodito jilatampi apayanipkista uk taqpach katuqxta, jichhasti jilarkiriw utjitu. Kuntix apayanipkista ukax mä suma q'apkir inciensökaspas ukhamawa, uksti Diosax kusisiñampiw katuqi.

1 Juan 5:19

Jiwasax Diosankatas yattan, taqi akapachankirix supayan apnaqatawa.

1 Samuel 26:19

Jach'a munañan rey, aka luqtirimar ist'añamatakiw achikt'assma: Tatitutix juma reyir nayar jan walt'ayañatak utt'aychi ukaxa, inach mä waxt'äwi katuqitaspa; ukampis jaqin amtäwipakïchi ukasti, Tatitux uka jaqinakar ñanqhachpan. Jichhasti Tatitun uraqipat jaqunukupxitu, ukham lurasax yaqha diosanakar luqtañaxatakiw nukt'apxitu.