Génesis 8:20 - Qullan Arunaka DC

²⁰ Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

Aymar Bibliia 1986

²⁰ Ucatsti janc'aquiraquiw Noejj Tatitutaqui mä altar luräna, ucatsti k'oma animalanacata, uqhamaraqui jamach'inacatsa mayacamwa catüna, ucatsti Tatituruw sacrificiot loktäna.

Qullan Arunaca

²⁰ Ucatsti janc'aquiraquiw Noejj Tatitutaqui mä altar luräna, ucatsti k'oma animalanacata, uqhamaraqui jamach'inacatsa mayacamwa catüna, ucatsti Tatituruw sacrificiot loktäna.

Génesis 8:20 Jak'a apnaqawi uñst'ayäwi

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 13:4

Uka chiqan nayrax Tatitur yupaychañatak mä altar luratayna, ukan Tatitur yupaycharakïna.

Génesis 22:2

Tatitusti sarakïnwa: —Isaac sapa yuqall wawamar irpxarum, sinti munat wawamaru, ukatsti Moria uraqir saram. Uka chiqar purisinsti, kawkïri qulltix nayax uñacht'aykäma uka qullun nayar wawam mä nakt'ayat wilañcha luqtäta —sasa.

Génesis 22:9

Kawkharutix Diosax uñacht'aykatayna uka chiqar purisinsti, Abrahamax mä altar luräna, ukxaruw phäña lawanak sum wakicht'arakïna; ukatsti Isaac wawapar ñach'antasaw phäñan wakicht'at altar patxar wayxatäna;

Génesis 26:25

Ukhamasti Isaacax uka chiqan mä altar luräna, ukatsti Tatituruw art'asïna. Uka chiqarurakiw chhujllap sayt'ayäna, uywatanakapasti yaqha phuch'u allsupxarakïna.

Génesis 33:20

Ukatsti Jacobux mä altar luräna, ukarusti “Israelan Diosapa” sasaw sutichäna.

Génesis 35:1

Tatitux Jacoburux sänwa: “Kunapachatix jumax Esaú jilamat jaltkäyäta ukkhaw nayax Betel chiqan uñstayäsma. Ukhamasti jichhax Betel markar jakasir kuttxam, ukan mä altar lurarapitäta” sasa.

Génesis 35:7

Uka chiqan Jacobux mä altar sayt'ayäna, uka chiqarusti “Tatitun Utapa” sasaw sutichäna, kunapachatix jupax jilapat jaltkäna ukapacha, uka chiqan Tatitux jupar uñstatapata.

Génesis 4:4

Abelasti ovejanakapat suma lik'ïkis uk aparakïna, ukatsti Tatituruw luqtäna. Diosasti Abelan waxt'aparux sum katuqäna;

Génesis 7:2

Q'uma uywanakatsti, paqallq qachumpi, paqallq urqumpi irpantam, jan q'uma uywanakatsti mä qachumpi mä urqumpi irpantarakim.

Génesis 7:3

Taqi jamach'inakatsti paqallqu urqumpi, paqallqu qachump irpantam, ukhamat taqi uka kunayman jamach'inakax aka uraqin utjaskañapataki,

Génesis 8:19

Ukhamaraki, uywañ animalanakasa, pampankir animalanakasa, uraqinjam qatatnaqtir animalanakasa, thuqnaqir animalanakasa, taqiw mistxapxäna.

Job 1:5

Uka manq'äwi qhipatsti, Job chachax wawanakap jawsayasinxa, wali willjtat sartasin nakt'at wilañchanak luqtirïna, ukhamat sapa mayni jupanakan juchanakapat q'umachatäñapataki, jupax chuymapan sänwa: “inampisa wawanakaxax jucha lurapxchi chuymanakapan Tatitur ñanqhachasina” sasa.

Éxodo 10:25

Moisesasti sarakïnwa: —Juma pachpaw uywanak churawayapxitäta nanakan Tatit Diosaxar wilañcha nakt'ayasin luqtapxañaxataki.

Éxodo 29:18

Ukat altar patxar oveja nakt'ayasin Tatitur jach'añchas luqtäta, uka nakt'at waxt'an suma q'apkirïñapataki.

Éxodo 29:25

Ukatsti amparanakapat apaqasin altarxar uk nakt'ayäta, suma q'apkir nakt'ayat luqtäwimp chika. Ukasti Tatitur jach'añchañatak nakt'ayat waxt'awa.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

Hebreos 13:10

Jiwasanakan mä altaraw utjistu, uka altaratsti nayra qullan chiqankir sacerdotenakan manq'añapax janiw wakiskiti.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.