Génesis 7:9 - Qullan Arunaka DC

⁹ Noé chachamp chikax arcar mantapxäna, payat payata, urquni qachuni, kunjämtix Diosax siskatayna ukhamarjama.

Aymar Bibliia 1986

⁹ Noempi chicajj arcaru mantapjjäna payat payata orkoni kachuni, cunjämtejj Diosajj siscatayna uqhamarjama.

Qullan Arunaca

⁹ Noempi chicajj arcaru mantapjjäna payat payata orkoni kachuni, cunjämtejj Diosajj siscatayna uqhamarjama.

Génesis 7:9 Jak'a apnaqawi uñst'ayäwi

Génesis 2:19

Diosasti, taqi pampankir animalanaka, jamach'inaksa laq'at luräna; ukatsti jaqin ukaruw sutichañapatak apäna. Jaqisti sutinakap usküna taqi uywanakaru, taqi jamach'inakaru, pampan utjir uywanakarusa, uka sutimpi uñt'atarakiwa. Ukampisa uka uywanakatxa janiw kawkïrisa jaqir yanapt'irjamax utjkänti.

Génesis 6:22

Noé chachasti kunjämtix Diosax siskatayna ukhamarjamaw taqi kunsa luräna.

Génesis 7:10

Paqallq uru phuqhasxipansti, jallux walipuniw purintäna, uraqsa chhaqtayxarakïnwa.

Génesis 7:15

Taqi animalanakaw Noé chachamp chikax payat payata arcarux mantapxäna.

Génesis 7:16

Taqi animalanakatsti mä urqumpi, mä qachumpiw mantapxäna, kunjämtix Diosax Noé chachar siskatayna ukhamarjama, ukat Tatitux arcan punkup jist'antxäna.

Génesis 7:8

Q'uma animalanaka, jan q'uma animalanaka, thuqnaqir animalanaka, uraqinjam qatatnaqtir animalanaka, taqi ukanakaw

Isaías 65:25

Qamaqimpi, ovejampisti mayakiw manq'asipxani, leonasti vacar uñtataw chhuxlla manq'ani, kataristi laq'a manq'arakini. Nayan qullan qulluxansti janiw khiti ñanqha luriris utjkaniti.” Tatituw ukham arsu.

Jeremías 8:7

Cigüeña sat jamach'is kunapachatix kuttaniñapäki uk yatiwa. Qhurukutunakasa, jisk'a jamach'inakasa, kunapachatix yaqha chiqar sarxapxañapäki uk yatipxarakiwa. Ukampis jumax nayan markaxay, janiw kamachinakaxar jaysañ munktati.

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Colosenses 3:11

Jichhax janiw wakiskirïkxiti judío jaqïñasa, griego jaqïñasa, circuncisión katuqat jaqïñasa, janirakiw wakiskirïkxiti jaya jaqïñasa, jan amuyt'anïñasa, uywat jaqïñasa, jan uywat jaqïñasa; jan ukasti Cristow taqi kunaxa, jupaw taqi kunankaraki.