Génesis 7:1 - Qullan Arunaka DC

¹ Uka qhipatsti Tatitux Noé chacharuw sarakïna: “Taqi jaqinak taypin juma sapakiw aka pachan nayan munañaxarjam sarnaqtaxa. Uka layku, jichhax wila masinakamamp arcar mantam.

Aymar Bibliia 1986

¹ Uca khepatsti Diosajj Noerojj saraquïnwa: “Take jakenac taypinsti juma sapaquiw nayan munañajjarjamajj sarnaktajja. Uca laycu jichhajj familiamampi arcar mantjjam.

Qullan Arunaca

¹ Uca khepatsti Diosajj Noerojj saraquïnwa: “Take jakenac taypinsti juma sapaquiw nayan munañajjarjamajj sarnaktajja. Uca laycu jichhajj familiamampi arcar mantjjam.

Génesis 7:1 Jak'a apnaqawi uñst'ayäwi

Génesis 6:18

Ukampis jumampix mä suma arust'äwi lurä, uka arcarusti yuqanakamampi, warmimampi, yuxch'anakamampi, jumampi ukanakaw mantapxäta.

Génesis 6:9

Noé chachan sarnaqäwipax akhamänwa. Noé chachax aski jaqïnwa, Diosar jaysasapuniw sarnaqirïna. Jaqinak taypinsti, jupa sapakiw Diosan munañaparjam sarnaqäna.

Génesis 7:13

Uka pachpa uruw Noé chachax arcar mantxäna: Sem, Cam, Jafet yuqanakapampi, warmipampi, kimsa yuxch'apamp kuna.

Génesis 7:7

Uma taripäwit qhispiñatakisti, Noé chachax arcaruw mantxäna yuqanakapampi, warmipampi, yuxch'anakapamp kuna.

2 Samuel 22:24

Jan kamskayaw nayraqatapan sum sarnaqta, ñanqha lurañat jithiqtasta.

Proverbios 10:9

Jan kuna manunïki uka jaqixa, janiw kunarus axsarkiti; jan wal sarnaqir jaqisti, jan waliw tukusiraki.

Proverbios 14:26

Tatitur axsartañax taqi chuyma jupar alkatañawa, wawanakapas Tatitun imatäniwa.

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Ezequiel 14:14

Uka markantix Noé, Daniel, Job chachanakax jakapxaspaxa, uka kimsanikiw aski jaqïpxatapat qhispipxaspa. Naya, Tatituw uk arsta.

Sofonías 2:3

Jumanakax Tatituruy thaqtapxam, aka uraqin llamp'u chuyman jaqinaka, arunakapar phuqhas sarnaqirinaka. Ukatsti chiqa kankañampi llamp'u chuymampirak sarnaqapxam, inas ukhamat Tatitun jach'a q'apisiñ urupan jumanakax imantasiñ jikxatapxchisma.

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Lucas 17:26

Kamisatix Noé chachan urunakapan luraskänxa, ukhamarakiw Jaqin Yuqapan urunakapan lurasini.

Hechos 2:39

Aka arsutax jumanakatakiwa, wawanakamatakiwa, jayankirinakampitakiwa; qawqhanirutix Dios Tatitusax jawskani jupanakampitakirakiwa.

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.

1 Pedro 3:20

Uka ajayunakasti nayrax jan ist'asir tukupkäna ukanakänwa, kunapachatix Noé chachax arca lurkän ukkhaxa, Diosax jupanakaruw suyt'askäna jupar jaysapxañapataki. Uka arcansti kimsaqallqunikiw umamp mutuyatäñat qhispipxäna.