Génesis 49:3 - Qullan Arunaka DC

³ “Rubén, jumax jilïri yuqall wawaxätawa, jumaw nayrïr wawaxätaxa, jumätaw ch'amaxasa, ch'amaxan nayrïr achupasa. Jumaw taqi kunansa nayrankäta, jumarakiw taqi kunxarus ch'amanïyäta.

Aymar Bibliia 1986

³ “Jumasti Rubén, jilïri yokall wawajjätawa, jumätawa ch'amajjasa, ch'amajjan nayrïr achupasa. Jumaw take cunansa nayrancäta, ch'amaniraquïyätawa.

Qullan Arunaca

³ “Jumasti Rubén, jilïri yokall wawajjätawa, jumätawa ch'amajjasa, ch'amajjan nayrïr achupasa. Jumaw take cunansa nayrancäta, ch'amaniraquïyätawa.

Génesis 49:3 Jak'a apnaqawi uñst'ayäwi

Génesis 29:32

Liasti usur jaqiptasin mä yuqall wawa wawachasïna, juparusti Rubén sutimpiw uchäna, sarakïnwa: “Tatitux llakisitax uñjitu. Jichhasti chachaxax munasxitaniwa” sasa.

Génesis 35:22

Uka chiqan Jacobux jakaskipanwa, Rubén yuqapax Bilhá sat warmimpi ikintatayna, uka warmisti Jacobun uñt'atapänwa. Jacobusti uk yatisin walpun q'apisïna. Jacobux tunka payan wawanakanïnwa.

Génesis 35:23

Liampi wawanïkäna ukanakasti: Rubén, jilïr yuqapa; Simeón, Leví, Judá, Isacar, Zabulón jupanakänwa.

Génesis 46:8

Jacobun utapankirinakan sutinakapax akanakawa, Egipto markar jupampi chika sarxirinakaxa: Rubén, Jacobun jilïri yuqapa.

Génesis 48:18

sarakïnwa: —¡Tata, janiw ukhamäkiti! Manasesaw jilïri wawaxaxa. Kupi amparam jupan p'iqipxar luqxatam —sasa.

1 Crónicas 2:1

Israel chachan wawanakapa: Rubén, Simeón, Leví, Judá, Isacar, Zabulón,

1 Crónicas 5:1

Israel chachan Rubén sat jilïr yuqapan wawanakapa: Hanoc, Falú, Hesrón, Carmí. Chiqpachansa Rubén chachaw jilïr yuqapänxa, ukampis awkipan warmipamp sarnaqasaw jilïr kankañap apt'asïna, jupan jilïr kankañapax Josean wawanakapar churatäxänwa, Joseasti Israel chachan maynïr wawaparakïnwa. Ukatsipana, Judá chachax jilanakapat sipan juk'amp munañaniw tukxäna, jupatarak mä jilïris mistüna; ukampis jilïr kankañapax Josear churatänwa.

Salmos 105:36

Pachpa Egiptoruw jiwampi mutuyäna, sapa utankir tayna yuqall wawaruw jiwayäna.

Salmos 78:51

¡pachpa Egipto markan jiwarayäna, sapaqat utankir tayna yuqall wawanakaru!

Números 1:20

Kunapachatix jaqinakax ayllutkama, tunu awkit saraqiritkama, wila masitkam jakthapitäxäna, sapa maynin sutinakapas qillqantatäxäna, pä tunka maranit amstaru chachanakas qillqantatäxarakïna ukapachax, taqpachani jakthapitasti akkhanïpxänwa: Rubén ayllunkirita, Israelan tayna yuqapa: pusi tunka suxtan waranqa phisqa patakan chachanakänwa, nuwasïwir sarañatak wakicht'atanakaxa.

Números 26:5

Rubén chachan wawanakapa, Jacobun tayna yuqapana, Henoc, Falú,

Deuteronomio 21:17

Uka uñisita warmin wawaparuw tayna yuqall wawapat uñt'asiñapa, ukatsti taqi yänakapat mä ukkhamp churañapa; uka wawaw nayrïr wawapaxa, juparurakiw tayna wawa kankañax wakt'i.

Deuteronomio 27:13

Ukatsti Rubén, Gad, Aser, Zabulón, Dan, Neftalí, uka ayllunkirinakax Ebal qullu pataruw sayt'asipxarakini jan ist'asirinakar ñanqhachañataki.

Deuteronomio 33:6

Ukatsti, Moisesax Rubén aylluruw sarakïna: “Jumanakax juk'anikïpxtawa, ukampis wiñayaw jakapxäta!” sasa.

Apocalipsis 3:14

“Laodicea iglesiankir angelar qillqasin apayam: ‘Khititix chiqapäki, kunsa chiqapapun arski, khititix Diosan luratanakapat nayrïrïki ukax akham siwa: