Génesis 49:4 - Qullan Arunaka DC

⁴ Ukampisa jumax jan walpun ñanqhachistaxa, uñt'atanakaxat maynïrimpiw ikintastaxa. Jichhasti janiw nayrankirïkxätati, jumasti jan jark'kay jach'a qutar uñtatätawa.

Aymar Bibliia 1986

⁴ Ucampisa jichhajj janiw nayrïrïcjjätati, jumasti ch'amampi jalir umar uñtasitätam laycu. Jumasti iquiñajjwa k'añuchayätajja uñt'atajjampi iquintasajja.

Qullan Arunaca

⁴ Ucampisa jichhajj janiw nayrïrïcjjätati, jumasti ch'amampi jalir umar uñtasitätam laycu. Jumasti iquiñajjwa k'añuchayätajja uñt'atajjampi iquintasajja.

Génesis 49:4 Jak'a apnaqawi uñst'ayäwi

Génesis 35:22

Uka chiqan Jacobux jakaskipanwa, Rubén yuqapax Bilhá sat warmimpi ikintatayna, uka warmisti Jacobun uñt'atapänwa. Jacobusti uk yatisin walpun q'apisïna. Jacobux tunka payan wawanakanïnwa.

Génesis 46:8

Jacobun utapankirinakan sutinakapax akanakawa, Egipto markar jupampi chika sarxirinakaxa: Rubén, Jacobun jilïri yuqapa.

1 Crónicas 5:1

Israel chachan Rubén sat jilïr yuqapan wawanakapa: Hanoc, Falú, Hesrón, Carmí. Chiqpachansa Rubén chachaw jilïr yuqapänxa, ukampis awkipan warmipamp sarnaqasaw jilïr kankañap apt'asïna, jupan jilïr kankañapax Josean wawanakapar churatäxänwa, Joseasti Israel chachan maynïr wawaparakïnwa. Ukatsipana, Judá chachax jilanakapat sipan juk'amp munañaniw tukxäna, jupatarak mä jilïris mistüna; ukampis jilïr kankañapax Josear churatänwa.

1 Corintios 5:1

Jumanakat maynix awkipan qhipa warmipampi sarnaqatapaw yatisi. Ukham sarnaqañax janipuniw akch'as walïkiti, janiw Diosar jan uñt'ir jaqinak taypinsa ukham sarnaqirix utjkiti.

Deuteronomio 27:20

“ ‘Ñanqhachatäpan awkipan warmipampi ikintirixa, ukham luratapampix awkiparuw p'inqachayi.’ Uka arsutarusti taqpach markaw sani: ‘Ukhamäpan’ sasa.

Deuteronomio 33:6

Ukatsti, Moisesax Rubén aylluruw sarakïna: “Jumanakax juk'anikïpxtawa, ukampis wiñayaw jakapxäta!” sasa.

Deuteronomio 5:21

“ ‘Janiw jaqi masiman warmip munapayätati. Janirakiw jaqi masiman utapsa, uraqinakapsa, uywatapsa, uywanakapsa, asnopsa, kunatix jupankki ukanaksa munapayätati.’

2 Pedro 2:14

Mä warmirus janiw aliqak uñtapkiti, janirakiw jucha lurañampis sist'asipkiti. Pisi amuyt'aninakarusti jucharuw puriyapxi; wali mich'äpxiwa; ñanqha jaqinakäpxapuniwa.

2 Pedro 3:16

Jupasti taqi qillqatanakapan akanakxat yatiyapxtam, yaqhip arunakas jan amuyt'añjamäkchi ukasa, jan amuyt'ir jaqinakampi, pisi iyawsañan jaqinakampix uka arunak amuyunakaparjamaw maysar uñtayapxi, kamisatix jupanak pachpa juchañchayasiñatak yaqhawja Qillqatanak maysar uñtayapki ukhama.