Génesis 42:2 - Qullan Arunaka DC

² Egipton trigox utjaski sapxituwa. Ukar trigo alir sarapxam, manq'atjam jan jiwaraskañasataki —sasa.

Aymar Bibliia 1986

² Egipton trigojj utjasqui sapjjetuwa. Ucar sarapjjam, trigo alt'anipjjam jan mank'atjama jiwarañasataqui” sasa.

Qullan Arunaca

² Egipton trigojj utjasqui sapjjetuwa. Ucar sarapjjam, trigo alt'anipjjam jan mank'atjama jiwarañasataqui” sasa.

Génesis 42:2 Jak'a apnaqawi uñst'ayäwi

Génesis 42:3

Ukatsti Josean jilanakapax tunkaniw Egipto markar trigo alir sarapxäna;

Génesis 43:2

Ukhamasti kunapachatix Jacobumpi, wawanakapampix Egiptot apapkatayna uka trigo tukuntxapxän ukkhasti, Jacobux yuqanakaparuw säna: —Egiptor wasitat sarapxakimaya, trigo alanipxam —sasa.

Génesis 43:4

Jumatix Benjamín irpayapxität ukkhakiw nanakax trigo alirix sarapxirista;

Génesis 43:8

Judá yuqapasti Israel awkiparux sänwa: —Jakañ munaskakstan ukaxa, Benjaminax nanakamp chika sarpan, nayaw jupar uñjaskä, anchhitpachaw sarapxarakï, ukhamat jumasa, nanakasa, wawanakaxas jan jiwkañäniti.

Génesis 45:9

Jichhax jank'aki awkixan ukar sarapxam, ukatsti sapxarakim: “José wawamax akham siwa: ‘Diosaw nayarux aka Egipto markan mä jach'a jilïrit utt'ayitu, jichhax jank'akiy nayamp jikisiri jutam.

Salmos 118:17

¡Janiw jiwkäti, Tatitun luratanakap yatiyañatakix jakaskakïwa!

Salmos 33:18

Tatitusti iyawsirinakaparux sum uñjaski, munasiñapar katuyasirinakarus imaskiwa,

Salmos 33:19

jiwan amparapat jupanakar qhispiyañataki, mach'a pachanakan chuymachañataki.

Isaías 38:1

Uka urunakansti Ezequías reyix walpun usuntäna, ukat Amós chachan yuqapa Isaías profetax uñjir saräna, juparusti sarakïnwa: —Tatitux akham siwa: ‘Kuna iwxanaksa wila masinakamarux iwxt'asiwayxam, janiw qullaskätati, jan ukasti, jiwxätawa’ —sasa.

Mateo 4:4

Jesusasti juparux sänwa: —Diosan qillqatapax siwa: ‘Janiw jaqix t'ant'a sapampikit jakkani, jan ukasti taqi kuntix Diosax siski uka arunakampiw jakarakini’ —sasa.

Hechos 7:12

Jacob awkisax Egipton trigo utjatap yatisinxa, wawanakaparuw khithäna, jiwasan nayra awkinakasaru. Jupanakasti jan uñjkasaw Egipto markar sarapxäna.