Génesis 4:7 - Qullan Arunaka DC

⁷ Jumatix askïki uk lurasmaxa, jach'ar aptatäsmawa; ukampisa juman jan aski luratamatxa, juchax jumar apnaqañatakix jak'amankaskiwa, ukampis jumax atipjañamawa” sasa.

Aymar Bibliia 1986

⁷ Jumatejj cunatajj asquïqui uc lurasma ucqhajja ¿Janit jach'ar aptatäcaraquismajja? Ucampisa juman jan asqui luratam laycojja juchajj jac'amancascaraquiwa, jumar apnakañ munaractam, ucampis jumajj atipjañamawa” sasa.

Qullan Arunaca

⁷ Jumatejj cunatajj asquïqui uc lurasma ucqhajja ¿Janit jach'ar aptatäcaraquismajja? Ucampisa juman jan asqui luratam laycojja juchajj jac'amancascaraquiwa, jumar apnakañ munaractam, ucampis jumajj atipjañamawa” sasa.

Génesis 4:7 Jak'a apnaqawi uñst'ayäwi

Génesis 19:21

Ukatsti uka angelanakat maynïrix sänwa: —Walikiwa, mayitamarux jaysämawa. Kawkïr markattix parlkista uksti janiw t'unjkäti,

Génesis 3:16

Warmirusti sarakïnwa: —Wawachaskäta ukkhasti wali t'aqhisiñampiw ususïta. Ukampis chachamampix wawanïñ munaskakïtawa, jupasti jumaruw apnaqätam —sasa.

2 Samuel 24:23

Nayax taqi ukanak jumar churxsma, juman waxt'äwimasti Tatitu Diosan chuymapar purt'kirïpan! —sasa.

2 Reyes 8:28

Ocozías reyix Ahab chachan Joram yuqapampiw mayacht'asïna, Galaadankir Ramot chiqan Siria markankir Hazael sat reyir nuwantañataki. Ukampis sirio jaqinakaw Joram reyirux usuchjapxäna,

Job 11:14

Jumatix juchamp phuqhantatäsksta ukkhasti, uka jucham apanukum; utamansti ñanqha lurañax jan utjkpati.

Job 11:15

Ukapachaw jan khitinsa kun sata sayt'asïta, janiw kuna axsarañamas utjkxarakiniti;

Job 29:4

nayax waynaskäyätwa, ch'amanïskarakïyätwa, Diosasti utaxarux munasiñapampiw uñjäna;

Job 42:8

Jichhasti paqallqu urqu vacampi, paqallqu urqu ovejampi katupxam, ukatsti Job luqtirixan ukaru sarapxam, ukatsti nakt'ata wilañcha jumanakataki luqtapxarakim. Job luqtirixaw jumanakatak mayini, nayasti jupan mayitapxa ist'arakïwa, janiw kuna ñanqhsa jumanakarux lurapkämati, jumanakar mutuyañas wakiskchi ukasa, nayxat jan chiqapar qhanañchapxatam layku, kunjämtix Job luqtirixax qhanañchki ukhama” sasa.

Proverbios 18:5

Taripirinakan juchan jaqit arxatañapax janiw askïkiti; jan juchan jaqin arsusitanakapar janiw sañas janirakiw askïkiti.

Proverbios 21:27

Tatitux ñanqha jaqinakan waxt'äwinakap uñisi, jan wali amtäwinakamp luqtapxatap layku.

Jeremías 3:12

Jichhax saram, ukatsti aka arunak yatiyanim amsta tuqinkir markaru: “ ‘Tatitux siwa: ¡Nayatak sayt'asir Israel, nayan ukar kuttanxam! Janiw nayax jumarux phiñasit chuymampi katuqkämati, janirakiw wiñayatakis q'apisitäkäti, nayax khuyapayasir Tatitütwa. Naya, Tatituw uk arsta.

Jeremías 6:20

¿Kunatakis jumanakax Sabá uraqit incienso apanirapipxista? ¿Kunatakirak jaya markanakat q'apkir alinak apanirapipxistasti? Janiw nayatakix uka luqtasitanakamax kuna askïkisa, janiw yaqha waxt'äwinakamas askïkarakiti.”

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Malaquías 1:10

Taqi ch'aman Tatitux siwa: “¡Walïspaw jumanakat kawkïrisa utaxan punkunakap jist'antaspa ukaxa, ukhamat jan inamayataki altaraxan ninapa aqtayasipkañamataki. Janiw jumanakatak chuymaxax utjkituti, janiw waxt'äwinakam katuqkarakïti.

Malaquías 1:13

Jumanakax sapxtawa: ‘¡Taqi akanak lurkäwix qaritäxapxtwa!’ sasa. Ukatsti jisk'achapxistawa. Nayax uka lunthatata, usuta, kayu p'akit uywanak luqtanipkista ukanakxa kusisiñampis katuqapkirisma ukham amuyapxaraktaxa.

Malaquías 1:8

nayax janis kuna yäqañäkiristsa ukham nayar luqtañatak apanipxtaxa: juykhu uywanaka, kayu p'akit uywanaka, usut uywanaka; ukax ¿jumanakatak walikïskiti? ¡Sarapxam, mark apnaqirinakaman jilïrinakapar ukanak churanipxam, inach jupanakax ‘Walikiw’ sas katuqapxätam!” sasa.

Números 32:23

Ukampis janitix ukham lurapkätaxa, Diosatakiw juchachasipxäta, uka jucha luratat mä uruw mutuñax jumanakatak purinini.

Hechos 10:35

Jupasti kawki markansa katuqakiwa, jupar axsarir jaqinakampiru, aski luririnakampiruxa.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

Romanos 14:18

Cristor ukham luqtirixa, Diosaruw kusisiyi, jaqinakansa askit uñt'atarakiwa.

Romanos 15:16

Jesucristor luqtas jan judiöpkis ukanakan askipataki. Sacerdote luräwixax Diosan suma yatiyäwip yatiyañawa, ukhamat jan judiöpkis ukanakar jupa nayraqatar uñstayañataki, jupar kusisiykir waxt'äwjama, Qullan Ajayun q'umachata.

Romanos 6:12

Ukhamasti juchax janiy jumanakan jiwir janchimar apnaqkpanti, janchin munañanakapar jaysasa.

Romanos 6:16

Jumanakax askiw yatipxta, jumanakatix mä uywirir jaysañatak t'aqhisiyat jaqjam katuyasipxstaxa, ukhamasti jaysapxatam laykux uka uywirin t'aqhisiyat jaqinakapäpxtawa. Akasti akhamawa, juchar jaysapxät ukasti, uka juchax jiwañaruw puriyi, Diosar jaysapxät ukasti, chiqa kankañan jakapxäta.

Efesios 1:6

Diosan muspharkañ khuyapayasiñapat jach'añchañasataki, uka pachpa khuyapayasiñapampiw munat Wawap tuqi askinak waxt'istu.

1 Timoteo 5:4

Ukampis mä ijma warmitix wawanïskchi, jan ukax, allchhinïskchi ukaxa, jupanakaw nayraqatax suman uñjas yanapañ yatiqapxañapa, kunja munasiñampitix awkinakapax munaskän uka pachpa munasiñampi, ukham lurañasti Diosarux wal kusisiyi.

Hebreos 11:4

Abel chachax iyawsäwi laykuw Caín jilapat sipan Diosarux suma waxt'äwi luqtäna, ukat Diosax juparux askit uñt'äna, waxt'äwinakapsti katuqarakïnwa. Ukhamasti Abel chachax jiwatäkchisa, iyawsañap tuqix parlaskakiwa.

Santiago 1:15

Uka ñanqha amtäwinakat juchax sarti, jucha luratatsti tukuyarux jiwañ utjayi.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.