Génesis 4:2 - Qullan Arunaka DC

² Ukxarusti Evax Abel sat wawaparuw wawachasïna, jupasti Cainan jilapänwa. Abelax ovejanak uywirïnwa, Cainasti yapu yapuchiriraki.

Aymar Bibliia 1986

² Ucjjarusti Evajj wawachasiraquïnwa Abel sat wawaparu, jupasti Cainan jilapänwa. Abelasti ovej uywirïnwa, Cainasti yapu yapuchiriraqui.

Qullan Arunaca

² Ucjjarusti Evajj wawachasiraquïnwa Abel sat wawaparu, jupasti Cainan jilapänwa. Abelasti ovej uywirïnwa, Cainasti yapu yapuchiriraqui.

Génesis 4:2 Jak'a apnaqawi uñst'ayäwi

Génesis 3:23

Ukat Tatit Diosax Edén chiqat jaqirux jaqunuküna, ukatsti kuna laq'at luratäkäntix uka uraqi irnaqañapatakiw usküna.

Génesis 37:13

Ukat Jacobux Josear säna: —Jilanakamax Siquem tuqin ovejanak awatisipki. Jupanakar uñjt'ir sarasma —sasa. —Saräxaya, kun janixa —sasaw Joseax säna.

Génesis 4:1

Ukatsti chachax Eva warmipampiw mayachasxäna. Warmisti usur jaqiptxänwa, ukat Caín sat wawap wawachasxäna, ukatsti sarakïnwa: “Jichhax mä yuqall wawanïxtwa. Tatituw churitu” sasa.

Génesis 4:3

Mä qawqha pachatsti, mä urux Caín chachax Tatitur waxt'a chuririw yapupat achunak apäna.

Génesis 47:3

Ukatsti faraonax Josean jilanakaparux akham jiskt'äna: —¿Kun lurañsa yatipxta? —sasa. Jupanakasti ukxaruw sapxäna: —Nanaka, juman luqtirinakamax nayra awkinakaxatpachsa oveja awatirïpxtwa.

Génesis 9:20

Noé chachax yapuchir jaqïnwa, juparakiw uva yapuchañ uñstayäna.

Salmos 127:3

Yurirapkistu uka wawanakax, Tatitun aski churäwinakapawa.

Éxodo 3:1

Moisesax Jetró awkch'ipan ovejanakap awatïna, uka awkch'ipasti Madián chiqan sacerdotënwa. Mä urusti, Moisesax wasaranjam ovejanak anakïna, ukatsti Diosan Horeb sat qullupkamaw purïna.

Amós 7:15

ukampis Tatituw ovej awatiskirit nayar jawsitu, ukat sarakitu: ‘Saram, Israel markar nayan sutixampi parlanim’ sasa.

Lucas 11:50

Ukhamax jumanakaw juchañchjasipxta aka uraq qalltatpach profetanakar jiwarayapxatamata,

Lucas 11:51

Abel chachan jiwatapat Zacariasan jiwatapkama. Zacariasarusti templompi, altarampi jaljki ukkhan jiwayapxtaxa. Ukhamax sapxsmawa, Diosax jumanakaruw uka profetanakan jiwaratapat wayt'apxätam.

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

1 Juan 3:10

Ukhamat yatisi khitinakas Diosan wawanakapaxa, khitinakarakis supayan wawanakapaxa. Kawkïritix jan aski lurki, janiraki jilaparus munaski ukaxa, janiw Diosankkiti.

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.

1 Juan 3:15

Taqi khititix jilapar uñiski ukax jaqi jiwayiriwa. Jumanakax niyaw yatxapxta, jaqi jiwayirix janiw wiñay jakañanïkiti.