Génesis 32:7 - Qullan Arunaka DC

⁷ 7 (8) Uk ist'asinsti, Jacobux wal axsaräna, wali mayjt'atarakiw suyt'äna. Ukatsti jupampïpkäna uka jaqinaksa, ovejanaksa, vacanaksa, camellonaksa pä tamaruw jaljtayäna,

Aymar Bibliia 1986

⁷ Jacobosti uc ist'asinjja, wal ajjsaräna, wali mayjt'ataraquiw suyt'äna. Ucatsti jupampïpcäna uca jakenacsa, ovejanacsa, vacanacsa, camellonacsa payaruw jaljtayäna,

Qullan Arunaca

⁷ Jacobosti uc ist'asinjja, wal ajjsaräna, wali mayjt'ataraquiw suyt'äna. Ucatsti jupampïpcäna uca jakenacsa, ovejanacsa, vacanacsa, camellonacsa payaruw jaljtayäna,

Génesis 32:7 Jak'a apnaqawi uñst'ayäwi

Génesis 32:11

11 (12) ¡Jumay Esaú jilaxan amparapat qhispiyita! Axsarayastwa, jupax nayar jalxatir jutakispawa, ukatsti warminakaxaru, wawanakaxaruw jiwarayaspa.

Génesis 32:3

3 (4) Jacobusti mä khithanak Edom chiqankir Seír uraqir khithäna, Esaú jilapar jutaskatap yatiyañataki,

Génesis 32:8

8 (9) chuymapansti sarakïnwa: “Esautix mä tama jaqinakaxar jalxatir jutanixa, maynïr tamasti jaltxapxaspawa” sasa.

Génesis 33:1

Kunapachatix Jacobux Esaú jilaparu pusi pataka jaqinakampi jutaskir uñjkäna ukkhaxa, wawanakxa Liampiru, Raquelampiru, pani uywatanakapampiruw lakiräna.

Génesis 35:3

Jank'ak Betel uraqir sarxañäni, ukan nayax mä altar sayt'ayä, kawkïr Diosatix nayaru llakisiñaxan jikxataskasin yanapt'kitäna, ukhamarak kawkirutix sarkta ukan nayamp chikäskäna uka Diosar yupaychasa.

Salmos 107:6

Ukampis t'aqhisiñankasin Tatitur art'asipxäna, jupasti uka llakisiñat waysüna.

Salmos 112:5

Aski jaqix khuyapayasiñ chuymamp mayt'iriwa, chiqap chuymampiw yänakap apnaqi;

Salmos 142:4

4 (5) Kupi tuqiruw uñtasta, janiw khitis yanapt'ir jutkituti. ¡Janiw khitis arxatkituti! ¡Janiw khitis nayat llakirix utjkiti!

Salmos 31:13

13 (14) Jaqinakan nayxat parlasitanakap ist'ta: “Taqi chiqas axsarañan phuqhantatawa.” Mayar tukt'asakiw nayar aynacht'ayañatakix amtapxi; ¡nayar jiwayañatakiw amtapxaraki!

Salmos 61:2

2 (3) Chuymaxan aynacht'atap laykux uraq tukuyatpach jumar art'asinsma. Jach'a qarqa patxaruy sayt'ayita,

Éxodo 14:10

Israelitanakax faraonampir egipcionakampir jak'achasinir uñjasax wal axsarayasipxäna, ukat Tatitur art'asipxäna.

Proverbios 2:11

Amuyt'a kankañaw uñjaskätam, ch'ikhi kankañaw imaskätam.

Isaías 28:26

Tatituw juparux yatichi kunjäma lurañapäkitix ukxa.

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Mateo 8:26

Jupasti sarakïnwa: —¡Juk'a iyawsañan jaqinaka! ¿Kunatsa sinti mulljasipxta? —sasa. Uk sasinsti, sartasisin thayampiru qutampiruw tuqinuqäna, arsutaparusti thayasa, qutas t'akurawayxänwa.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

2 Corintios 1:4

Jupaw taqi t'aqhisiñanakasan chuymachistu, ukhamat jiwasanakan t'aqhisirinakar chuymachañasataki, Diosax churkistu uka pachpa chuymachasïwimpi.

2 Timoteo 3:12

Cristo Jesusar katuyat jakañ munapki ukanakax ukham t'aqhisiyatäpxaniwa;