Génesis 32:6 - Qullan Arunaka DC

⁶ 6 (7) Khithanakax kuttxapxän ukkhasti, Jacoburux sapxänwa: —Esaú jilamar uñjirix sarapxtwa, jichhasti jupa kipkaw jumar katuqir pusi patak jaqinakampi chikt'at jutaski —sasa.

Aymar Bibliia 1986

⁶ Cunapachatejj qhitanacajj cuttjjapjjäna ucqhasti Jacoborojj sapjjänwa: —Esaú jilamar uñjirejj sarapjjtwa, jichhasti jupa quipcaw juti jumar catokañataqui, pusi pataca jakenacampi compañt'ata cuna —sasa.

Qullan Arunaca

⁶ Cunapachatejj qhitanacajj cuttjjapjjäna ucqhasti Jacoborojj sapjjänwa: —Esaú jilamar uñjirejj sarapjjtwa, jichhasti jupa quipcaw juti jumar catokañataqui, pusi pataca jakenacampi compañt'ata cuna —sasa.

Génesis 32:6 Jak'a apnaqawi uñst'ayäwi

Génesis 32:11

11 (12) ¡Jumay Esaú jilaxan amparapat qhispiyita! Axsarayastwa, jupax nayar jalxatir jutakispawa, ukatsti warminakaxaru, wawanakaxaruw jiwarayaspa.

Génesis 32:7

7 (8) Uk ist'asinsti, Jacobux wal axsaräna, wali mayjt'atarakiw suyt'äna. Ukatsti jupampïpkäna uka jaqinaksa, ovejanaksa, vacanaksa, camellonaksa pä tamaruw jaljtayäna,

Génesis 32:8

8 (9) chuymapansti sarakïnwa: “Esautix mä tama jaqinakaxar jalxatir jutanixa, maynïr tamasti jaltxapxaspawa” sasa.

Génesis 33:1

Kunapachatix Jacobux Esaú jilaparu pusi pataka jaqinakampi jutaskir uñjkäna ukkhaxa, wawanakxa Liampiru, Raquelampiru, pani uywatanakapampiruw lakiräna.

Génesis 33:15

Esaú jilapasti sänwa: —Walikiwa, jaqinakaxat mä qawqhani jaytawayäma —sasa. Ukampis Jacobux ukxaruw sarakïna: —Janikuchaki. Jumax jan ukat llakiskamti, walikïskaniwa —sasa.

Génesis 33:8

Esausti akatjamat jiskt'äna: —¿Kun munasarak thakhin jutkasin jikxatkta uka uywa tamanak apayanistasti? —sasa. Jacobusti sarakïnwa: —Ukax juman nayat khuyapt'ayasiñamatakiwa —sasa.

Génesis 34:11

Ukxarusti Siquem waynax Dinan awkipampiru, jilanakapampiruw sarakïna: —Iyawsapxakitaya, janikiy “Janiw” sapxamti. Kuntix mayipkitäta uk churapxäma.

Génesis 47:25

Jupanakasti ukxaruw sapxarakïna: —Tata, jumax nanakatakix wali suma jaqïtawa, jakañanakaxatsa khuyapt'ayasiraktawa. ¡Jichhasti taqi chuymaw faraonan luqtiripäpxä! —sasa.

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Rut 2:13

Rut warmisti Booz chacharux sarakïnwa: —Tata, jumax wali suma jaqipunïtawa, arunakamasti chuymachituwa. Jan uywatamäkta ukasa, nayarux munasiñ arumpiw parlxt'ayista —sasa.

Rut 2:2

Mä urusti, Rut warmix Noemí taykch'iparuw säna: —Pampar sarä, inach khitis “cebada puyanak apthapis qhipax arkanita” sitani —sasa. Ukatsti taykch'ipax: —Saramay wawa —sarakïnwa.

1 Samuel 1:18

Anasti sänwa: —Walikiw tatay, yuspagarsmawa —sasa. Ukham sasinsti, Anax kawkhattix jutkän ukkharuw kuttawayxäna, manq'asiriw sarxäna, janirakiw llakitäkxänti.