Génesis 3:8 - Qullan Arunaka DC

⁸ Chachampi warmimpisti, achu churir quqanakan chika taypin jayp'u thayamp chik Tatit Diosar sarnaqaskir ist'apxäna, ukatsti Tatitumpi jan uñjayasiñatakix quqanak taypiruw imantasir jaltxapxäna.

Aymar Bibliia 1986

⁸ Diosan huerto taypin tarde thayan sarnakasquiri ist'asinjja, chachampi warmimpejj huerton kokanac taypiru imantasiriw jaltjjapjjäna, jan uñjayasiñataqui.

Qullan Arunaca

⁸ Diosan huerto taypin tarde thayan sarnakasquiri ist'asinjja, chachampi warmimpejj huerton kokanac taypiru imantasiriw jaltjjapjjäna, jan uñjayasiñataqui.

Génesis 3:8 Jak'a apnaqawi uñst'ayäwi

Génesis 18:33

Kunapachatix Tatitux Abraham chachampi parlañ tukuyxän ukkhaxa, uka chiqat sarawayxänwa; Abrahamasti utjasïwiparuw kutt'xäna.

Génesis 3:10

Chachasti sänwa: —Aka chiqan sarnaqatam ist'ta, ukat axsarayasta, q'alala uñjasitax laykuw imantasxarakta —sasa.

Job 31:33

Janipuniw mayninakjamax jucha luratanakax imantkäyätti, janirakiw chuymaxarus imt'askäyätti,

Job 38:1

Tatitusti Job chacharux mä jach'a thaya taypitpach parlanïna:

Proverbios 15:3

Tatitux taqi chiqankiwa; aski jaqinakampiru, ñanqha jaqinakampiruw uñch'ukiski.

Jeremías 23:24

¿Khitis naya nayräxat imantasispa? Alaxpachansa, akapachansa nayax taqi chiqanktwa. Naya, Tatituw uk sista.

Oseas 10:8

Yaqha diosanakar yupaychañ utanakapas t'unjatawa, Israel markasti uka chiqanakan jucha luränxa. Altaranakapansti ch'aphinakakiw jilantxani, jaqinakasti qullunakarux: “¡Imantapxita!” sapxaniwa, jisk'a qullunakarusti: “¡Nanakxar allxattapxita!” sapxarakiniwa.

Levítico 26:12

jumanak taypinpun sarnaqasï, nayax jumanakan Diosamäyäwa, jumanakasti nayan markaxäpxätawa.

Jonás 1:3

Jonás chachasti Tatitur ist'kpachaxa, nayraqatapat jayar jaltañ amtäna, ukatsti Jope puertor purisin Tarsis tuqir mistuskir mä barco jikxatäna; pasajep alasisinsti, uka barcoruw sarxatawayxäna.

Romanos 2:15

sarnaqatanakapampiw uñacht'ayapxi, chuymanakapan kamachin qillqatätapa. Pachpa chuymapaw qhanañchi, pachpa amuyunakaparakiw juchañchani, jan ukax arxatanisa,

Deuteronomio 23:14

14 (15) Jumanakan Tatit Diosamax jumanak taypin campamenton sarnaqi, jumanakar imañataki, ukhamat uñisirinakamar atipjayañataki, ukhamasti, jumanakan campamentomax qullan chiqäñapawa, ukhamat jan kuna q'añunak Diosan uñjañapataki; janitix ukhamäkaspa ukasti, Diosax janiw jumanakampïkaspati.

Deuteronomio 4:33

¿Utjpachati kuna markasa jumanakjam Diosan nina taypitpach parlanitap ist'irixa?

Deuteronomio 5:25

Ukampisa, ¿kunatarak jiwasasti uka ninan nakhantat jiwañänisti? Wasitattix Tatit Diosasan arup ist'añänixa, jiwañäniwa;

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.

Apocalipsis 6:15

Akapach reyinakasa, munañan jaqinakasa, qamirinakasa, jilïr militaranakas qarqa p'iyanakaruw imantasxapxäna, uywat jaqinakampi, antutat sarnaqasir jaqinakamp chika.