Génesis 3:19 - Qullan Arunaka DC

¹⁹ Sapüru manq'añamsti jump'imampiw jikxatäta, ukax jiwañamkamäniwa, laq'ata luratäkta uka laq'ar kuttañamkama, laq'ätawa, laq'arurakiw tukxäta —sasa.

Aymar Bibliia 1986

¹⁹ Sapüru mank'añamsti jump'imampiraquiw jicjjatäta, cuna lak'ata luratäctatejj ucar cutt'añamcama, lak'ätawa, lak'aruraquiw cuttäta —sasa.

Qullan Arunaca

¹⁹ Sapüru mank'añamsti jump'imampiraquiw jicjjatäta, cuna lak'ata luratäctatejj ucar cutt'añamcama, lak'ätawa, lak'aruraquiw cuttäta —sasa.

Génesis 3:19 Jak'a apnaqawi uñst'ayäwi

Génesis 18:27

Ukampis Abrahamax saskakïnwa: —Tatay, nayan ukham jumar arsutaxat pampacht'ita, jumaw Diosätaxa, nayasti juman nayraqataman jan yäqañ jaqikïtwa;

Génesis 2:7

Ukxarusti Diosax laq'at jaqirux luräna, nasapat phust'asin jakañ churäna. Ukhamat jaqix jakxäna.

Génesis 23:4

—Nayax jumanak taypin yaqha markat jutir jaqikïkta ukasa, amay imäwi uraqi aljt'apxita, warmixan jiwat amayap imt'xañataki —sasa.

Génesis 3:18

Uraqisti ch'aphinaka, jan wali quranak achurapïtam, ukatsti pampankir alinakan achunakap manq'äta.

Génesis 5:5

ukhamasti Adán chachax llätunk patak kimsa tunkan maranïkän ukkhaw jiwxäna.

Job 1:21

Ukat säna: —Nayax taykaxan purakapat q'alalakiw yurta, q'alalakirakiw sarxä. Tatit Diosaw taqi kun churitu, Tatituw apaqasxarakitu. ¡Tatitun sutipax jach'añchatäpan! —sasa.

Job 10:9

Amtasimaya, nayarux ñiq'it luristaxa, jichhasti ¿wasitatti laq'ar tukuyxitäta?

Job 19:26

Janchixas jisk'a jisk'a willirtaskpan, nayasti Tatiturux uñkatapunïwa.

Job 21:26

Ukampisa, amay imäwin mayakïxapxiwa; taqinirus laq'unakaw manq'antxi.

Job 4:19

¡ukatsa juk'ampiw jaqir jan alkatkaspati, jaqin t'ukhätap layku, laq'a patxar utachat ñiq'i utar uñtatätap layku, ukanakasti thuthar uñtat pallalljatäspawa!

Salmos 103:14

jupaw yati jiwasanakax kunat luratätansa uka: jupax ask yati laq'at luratätasxa.

Salmos 104:23

Jaqisti luräwiparuw mistu, jayp'ukamaw yapupan irnaqi.

Salmos 104:29

ajanum imantaskta ukapachax mulljasipxiwa; samanap apaqkta ukkhasti jiwt'apxiwa, laq'aruw tukxapxaraki.

Salmos 127:2

Willjtat sarnaqatanakax inamayawa, jayp'ukam irnaqatas inamayawa, jump'i apsutampi t'ant'a manq'atas inamayawa, Diosax munat wawanakapan ikiñanakapkam t'ant'a churki ukapachaxa.

Salmos 22:15

15 (16) mallq'axax q'ala wañkatatawa, laxraxas laka manqhan lip'katatawa, ¡jiwañ laq'ar puriyañkamaw jumax jaquntista!

Salmos 22:29

29 (30) Nayraqatapan alt'apxam, juparuk yupaychapxam, jilarkir utjirin jaqinaka, laq'ar tukur jaqinaka, jumanak pachpax janiw jakañanïpktati.

Salmos 90:3

Jumaw jaqirux laq'ar tukuytaxa, “Jaqinaka, laq'ar kuttxapxam” sasa.

Proverbios 21:16

Ch'ikhi kankañamp jan sarnaqir jaqixa, jiwatanak taypiruw purini.

Eclesiastés 1:13

ukatsti nayax yatxatañaruw uchasta, kunatix aka uraqin luraski ukanak ch'ikhi kankañamp yatxatasa. ¡Tatitux ch'ama tukuyañampiw jaqinakarux jisk'ar tukuyi!

Eclesiastés 1:3

¿Jaqisti kuna askirak jikxati, akapachan sapür irnaqasasti?

Eclesiastés 12:7

Uka qhipatsti laq'ax uraq laq'aruw kuttxani, kunjämäkäntix nayrax ukhama, ajayusti khititix churkän uka Diosaruw kutkatxani.

Eclesiastés 3:20

taqinis mä chiqarukiw puripxani; laq'at luratäpxiwa, pachpa laq'aruw taqinis tukupxani.

Eclesiastés 5:15

15 (14) Kunjämatix taykapan purakapat q'alalak yuri, ukhamakiw sarxani, irnaqatapatsti janiw kuns apaskaniti.

Daniel (hebreo) 12:2

Amay imäwin ikiskirinakat, waljaniw sartapxani: mayninakax wiñay jakañataki, mayninakasti wiñay p'inqachatäñataki, t'aqhisiyatäñatakiraki.

1 Corintios 15:47

Nayrïr chachax laq'at luratänwa; payïr chachasti alaxpachat jutiriwa.

Efesios 4:28

Lunthatasirix jan juk'ampi lunthataspati, jan ukasti amparapampi irnaqañar uchaspan, ukhamat jan kunaninakar yanapt'añatakis utjarapini.

1 Tesalonicenses 2:9

Jilatanaka, janchin jakañatakix jan inakt'as irnaqapxatanakax yatisipktawa. Nanakax uruy arumaw irnaqapxta, ukhamat Diosan suma yatiyäwip parlañanakaxanxa jan khititakis llakïskañataki.

2 Tesalonicenses 3:10

Kunapachatix jumanakampïpkäyät ukkhaxa, aka yatichäw churapxsma: “Khititix jan irnaqañ munki ukax janirak manq'kpati” sasa.

Hebreos 9:27

Taqi jiwasanakax mä kutikiw jiwañäni, uka qhipatsti taripäwi uruw jutani.