Génesis 22:9 - Qullan Arunaka DC

⁹ Kawkharutix Diosax uñacht'aykatayna uka chiqar purisinsti, Abrahamax mä altar luräna, ukxaruw phäña lawanak sum wakicht'arakïna; ukatsti Isaac wawapar ñach'antasaw phäñan wakicht'at altar patxar wayxatäna;

Aymar Bibliia 1986

⁹ Cawqharutejj Diosajj uñacht'aycatayna uca chekar purisinsti Abrahamajj mä altar luräna, uqhamarac lawanacsa suma waquicht'i altar patjjaru, ucatsti Isaac wawaparuw catuntasin ñach'anti, altarjjaruw wayjjataraqui, lawa patjjaru.

Qullan Arunaca

⁹ Cawqharutejj Diosajj uñacht'aycatayna uca chekar purisinsti Abrahamajj mä altar luräna, uqhamarac lawanacsa suma waquicht'i altar patjjaru, ucatsti Isaac wawaparuw catuntasin ñach'anti, altarjjaruw wayjjataraqui, lawa patjjaru.

Génesis 22:9 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 12:8

Ukatsti Betel markat inti jalsu tuqiruw sarxäna, kawksantix qullunakax utjkän uksaru, uka chiqan chhujllanakap sayt'ayäna. Betel markat inti jalanta tuqiru, Ai markat inti jalsu tuqiru. Uka chiqansti Abram chachax yaqha altar lurt'äna, ukansti Tatituruw art'asirakïna.

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 22:10

ukampis kunapachatix wawapar kharinukuñatak cuchillo aytkäna ukkhaxa,

Génesis 22:8

Awkipasti sarakïnwa: —Wawa, Diosaw wilañchatakix mä oveja uskuskani —sasa. Jupanakasti panpachan sarasipkakïnwa.

Génesis 8:20

Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

1 Reyes 18:33

lawanak wakt'ayasinsti, vaca qallu kharinuqäna, uksti uka lawanak patxaruw uchäna.

Salmos 118:27

Tatituw Diosaxa; jupaw qhant'anistu. Kusisiñ qalltapxam, altar thiyakam layminakamp k'achachapxam.

Mateo 27:2

Juparusti ñach'antat irpapxäna, ukatsti Pilatoruw katuyapxäna.

Marcos 15:1

Willjtanipansti, jilïr sacerdotenakampi, jilïr jaqinakampi, kamachi yatichirinakampi, jach'a Jilïr Tantachasïwimppachaw niya parlthapipxäna. Ukatsti Jesusar ñach'antat irpapxäna, Pilatoruw katuyapxäna.

Hechos 8:32

Qillqatan ullarkän ukasti akänwa: “Jiwayañatak apat ovejar uñtatänwa; t'awra yawirinakan nayraqatapan jan wararir ovejar uñtataw jan kuns arskänti, janirakiw jupax lakapsa jist'arkänti.

Gálatas 3:13

Cristow kamachin ñanqhachäwipat qhispiyistu, jupax juchanakas laykuw ñanqhachäwi katuqi, Qillqatan akham siwa: “Taqi khititix mä lawaru warkkatat jiwki ukax, ñanqhachatäpan” sasa.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Hebreos 9:28

Ukhamarakiw Cristox mä kutik taqinin juchap pampachañatak t'aqhisis luqtasïna. Uka qhipatsti wasitat uñstanini, janiw juchanak pampachiriti, jan ukasti, jupar suyt'irinakar qhispiyiriw uñstanini.

Santiago 2:21

Abraham nayra awkisarux Diosax askit uñt'äna, Isaac wawapar wilañcha luqtatap layku.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.