Génesis 22:8 - Qullan Arunaka DC

⁸ Awkipasti sarakïnwa: —Wawa, Diosaw wilañchatakix mä oveja uskuskani —sasa. Jupanakasti panpachan sarasipkakïnwa.

Aymar Bibliia 1986

⁸ Awquipasti saraquïnwa: —Diosaw mä oveja uscuscani sacrificiotaquejj, wawa —sasa. Panpachanisti sarasipcaquiraquïnwa.

Qullan Arunaca

⁸ Awquipasti saraquïnwa: —Diosaw mä oveja uscuscani sacrificiotaquejj, wawa —sasa. Panpachanisti sarasipcaquiraquïnwa.

Génesis 22:8 Jak'a apnaqawi uñst'ayäwi

Génesis 18:14

¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.

Génesis 22:14

Uka chiqarusti Abrahamax akham sutichäna: “Tatitux kunatix wakiski ukxa churasiriwa” sasa. Ukat jichhakamaw ukawjax sutichatäski: “Tatitux qullupan kunatix wakiski ukxa churasiriwa” sasa.

Génesis 22:7

Ukampis Isaacax Abrahamar sänwa: —Tatay, lawasa, ninasa utjistuwa, wilañcha luqtañatakisti ¿kawkinkarak ovejasti? —sasa.

Génesis 22:9

Kawkharutix Diosax uñacht'aykatayna uka chiqar purisinsti, Abrahamax mä altar luräna, ukxaruw phäña lawanak sum wakicht'arakïna; ukatsti Isaac wawapar ñach'antasaw phäñan wakicht'at altar patxar wayxatäna;

2 Reyes 2:6

Ukatsti Eliasax Eliseor sarakïnwa: —Akawjaruy jumax qhiparam, Tatitux Jordán jawiraruw khithaskitu —sasa. Eliseosti sänwa: —Nayax Tatit layku, juma laykuw juramento lurta, janiw nayax jumar sapaki saraykämati —sasa. Ukat panpachaniw sarapxäna,

2 Crónicas 25:9

Amasías reyisti Diosankir jaqirux jiskt'änwa: —Jichhasti, ¿Israelan ejercitopar kimsa waranqa kimsa patak kilo qullqi churkta ukax kunänisa? —sasa. Diosankir chachasti sänwa: —Tatitux ukatsa juk'amp jila jumar churätam —sasa.

Mateo 19:26

Jesusasti jupanakar uñtasin säna: —Jaqinakatakix taqi kunas wali ch'amawa, ukampis Diosatakix janiw ch'amäkiti —sasa.

Juan 1:29

Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Juan 1:36

Ukatsti Jesusar uka chiqa saraskir uñjasinxa, Juanax sänwa: —¡Uñtapxam, jupaw Diosan Corderopaxa! —sasa.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Apocalipsis 5:12

Wali jach'at art'apxarakïna: “¡Kharinukut Corderox askiwa, munañanïñ kankaña, qamir kankaña, yatiñ kankaña, ch'aman kankaña, aytat kankañ katuqañataki, jach'añchatäña, yupaychatäñas askirakiwa!” sasa.

Apocalipsis 5:6

Ukatsti qhapaq qunuñ jak'an mä Cordero uñjta. Uka Corderosti, kharinukutäkaspa ukhamaw sayt'atäskäna, uka pusi jakaskirinakampi, pä tunka pusin jilïrinakampi muyuntata. Paqallqu waxranïnwa, nayranakapas paqallqurakïnwa. Uka paqallqu nayranakasti Diosan paqallqu ajayuparakïnwa, uraqpachar khithanitäki ukanaka.

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.