Génesis 14:10 - Qullan Arunaka DC

¹⁰ Taqi uka Sidim qhirwa tuqinsti walja asfalto phuch'unakaw utjäna, kunapachatix Sodoma, Gomorra markan reyinakapax nuwasïwit jaltapkäna ukkhaxa, uka asfalto phuch'unakaruw jalantapxäna. Mayni reyinakasti qullunakaruw jaltxapxäna.

Aymar Bibliia 1986

¹⁰ Take uca Sidim valle tokensti walja asfalto phuch'unacaw utjäna, cunapachatejj Sodoma, Gomorra marcan reyinacapajj nuwasïwit jaltjjañ munapjjän ucapachasti uca asfalto phuch'unacaruw jalantapjjäna. Mayni reyinacasti kollunacaruw jaltjjapjjaraquïna.

Qullan Arunaca

¹⁰ Take uca Sidim valle tokensti walja asfalto phuch'unacaw utjäna, cunapachatejj Sodoma, Gomorra marcan reyinacapajj nuwasïwit jaltjjañ munapjjän ucapachasti uca asfalto phuch'unacaruw jalantapjjäna. Mayni reyinacasti kollunacaruw jaltjjapjjaraquïna.

Génesis 14:10 Jak'a apnaqawi uñst'ayäwi

Génesis 11:3

Mä urusti jupanakkamaw aruskipasipxäna akham sasa: “Ladrillonak lurañäni, ukatsti ninaruw phichsuñäni” sasa. Ukhamat ladrillonakxa qalanak lanti apnaqapxäna, mezcla lantsti asfalto apnaqapxarakïna.

Génesis 14:11

Ukatsti uka pusi reyix, Sodoma markatxa, Gomorra markatsa taqi manq'añanaka, qamir yänakapsa q'al lunthatsuwayapxäna, ukat sarxapxäna.

Génesis 14:17

Kunapachatix Abram chachax Quedorlaómer, ukhamarak jupampïpkän uka reyinakar atipjasin kuttankän ukkhaxa, Sodoma markankir reyiw katuqir mistunïna, Savé reyin qhirwaparu.

Génesis 14:21

Ukatsti Sodoma markankir reyix Abram chacharux sarakïnwa: —Jaqinakax churxita, jumasti yänakampi qhiparaskam —sasa.

Génesis 14:3

Aka phisqa reyisti Sidim qhirwan ejercitonakap tantachapxäna, kawkhankkitix jichhax Mar Muerto sat qutax ukkhana.

Génesis 19:17

Kunapachatix marka anqäxankxapxän ukkhasti, maynïr angelaw säna: —¡Jiwañ jan munapksta ukax jaltapxam! Janipun qhiparux uñtanipxamti, janirak qhirwa chiqa sarkasas sayt'apxamti. Qhispitäñ munapxsta ukaxa, qullunakar jaltxapxam —sasa.

Génesis 19:30

Uka qhipatsti Lot chachax Sóar markan qhiparañ axsarayasxänwa, ukatsti pä phuchhap irpxarusiwayasin qullu tuqir sarxäna, ukan kimsanpacha mä putun jakapxäna.

Salmos 83:10

10 (11) kamisatix jupanakax Endor chiqawjan t'unjat uñjasipkäna, uraqitakis wanur tukupkän ukhama.

Isaías 24:18

Jiwayirinakat jaltirixa, p'iyaruw jalantani, uka p'iyat misturisti sipitaruw jalt'ani. Alaxpachatsti jallux walipuniw purxatanini, aka uraqin qalltanakapas khathatirakiniwa.

Jeremías 48:44

Jiwayirinakat jaltirixa p'iyaruw jalantani, uka p'iyat misturisti sipitaruw jalt'ani, nayaw Moab markxarux mutuyäwipan urup apanirakï. Naya, Tatituw uk arsta.”

Josué 8:24

Ukxarusti kawkïri jaqinakatix jupanakar qhipat arkanipkatayna ukanakarux taqiniruw espadampkam jiwarayapxäna, israelitanakax Ai markaruw kutintanipxäna kawkïrinakatix markar qhiparapkatayna ukanakar jiwarayañataki.