Génesis 14:11 - Qullan Arunaka DC

¹¹ Ukatsti uka pusi reyix, Sodoma markatxa, Gomorra markatsa taqi manq'añanaka, qamir yänakapsa q'al lunthatsuwayapxäna, ukat sarxapxäna.

Aymar Bibliia 1986

¹¹ Atipjirinacasti Sodomatsa, Gomorratsa take mank'añanaca, uqhamarac wali valoran yänacwa apasjjapjjäna, ucatsti sarjjapjjaraquïnwa.

Qullan Arunaca

¹¹ Atipjirinacasti Sodomatsa, Gomorratsa take mank'añanaca, uqhamarac wali valoran yänacwa apasjjapjjäna, ucatsti sarjjapjjaraquïnwa.

Génesis 14:11 Jak'a apnaqawi uñst'ayäwi

Génesis 12:5

Jupampi chiksti, Sarai warmiparu, Lot sobrinoparu, qawqha jaqinaktix Harán chiqan jikxatkatayna taqi jupanakaruw irpxäna, yänakapsa taqi apasxäna. Kunapachatix Canaán uraqir puripkän ukkhasti,

Génesis 14:10

Taqi uka Sidim qhirwa tuqinsti walja asfalto phuch'unakaw utjäna, kunapachatix Sodoma, Gomorra markan reyinakapax nuwasïwit jaltapkäna ukkhaxa, uka asfalto phuch'unakaruw jalantapxäna. Mayni reyinakasti qullunakaruw jaltxapxäna.

Génesis 14:12

Abram chachan Lot sobrinopax Sodoma markan jakäna, juparus katuntat apasxapxarakïna, taqi utjir yänakapamp kuna.

Génesis 14:16

ukatsti taqi kuntix apapkatayna ukanak aparanipxäna. Ukhamat Abram chachax Lot sobrinoparux qhispiyanïna, ukatsti taqi kunatix sobrinopankki ukanak kuttayanxäna. Ukhamarak warminakarusa, yaqha jaqinakarus qhispiyanxäna.

Génesis 14:21

Ukatsti Sodoma markankir reyix Abram chacharux sarakïnwa: —Jaqinakax churxita, jumasti yänakampi qhiparaskam —sasa.

Deuteronomio 28:31

Nayraman uñjkataw urqu vacamsa kharirapxani, ukampis janiw aychapxa manq'kätati; asnomsa munkir jan munkir aparapxätam, ukatsti janiw kuttayapkätamti; ovejanakamas uñisiriman amparapankaniwa, janiw khitis uka uñisirinakamat aparañ yanapkätamti.

Deuteronomio 28:35

Tatituw juman qunqurimaru, lankhu charamaru, taqpach janchimar ñanqha llixtinakamp t'aqhisiyätam, janiw kunas k'umarachkätamti.

Deuteronomio 28:51

Jupanakasti uywanakaman qallunakapa, uraqinakaman achunakap manq'antapxani, jan kunan jumar tukuyañkama; janiw jumatakix trigomsa, aceitemsa, vinomsa jilt'aykaniti, vacamana, ovejaman qallunakapsa janirakiw jilt'aykaniti; jumasti manq'atjamaw jiwäta.