Génesis 10:9 - Qullan Arunaka DC

⁹ Tatitun munañapatxa, Nimrod chachax pampankir animalanak jiwayirïnwa. Ukatpï aka arsüwix jutixa: “Nimrod chachjam Tatitun munañapat pampankir animalanak jiwayiri” sasa.

Aymar Bibliia 1986

⁹ Nimrodasti pampanquir animalanac jiwayirïnwa Tatitun munañapatjja. Ucatpï aca säwejj jutejja: “Tatitun munañapatjja, Nimrodjam pampanquir animalanac jiwayiri” sasa.

Qullan Arunaca

⁹ Nimrodasti pampanquir animalanac jiwayirïnwa Tatitun munañapatjja. Ucatpï aca säwejj jutejja: “Tatitun munañapatjja, Nimrodjam pampanquir animalanac jiwayiri” sasa.

Génesis 10:9 Jak'a apnaqawi uñst'ayäwi

Génesis 10:10

Jupan apnaqat jach'a markanakasti akanakänwa: Babel, Erec, Acad, Calné ukanaka, uka markanakasti Sinar tuqin jikxatasïna.

Génesis 10:8

Cus jaqisti Nimrod chachan awkipänwa, jupasti aka uraqinxa munañani nayrïr jaqirakïnwa.

Génesis 13:13

kawkhantix jaqinakax jan walïpkäna, Tatit nayraqatansti sinti jach'a juchanak lurapkarakïna ukaru.

Génesis 25:27

Wawanakax jiltxänwa. Esausti pampan sarnaqir jaqïnwa, animalanak jiwayañsti sum yatirakïna; ukampisa Jacobux llamp'u chuyman jaqïnwa, jupax chhujllan qamasiskirïna.

Génesis 27:30

Isaacax Jacobur aski waxt'äwinak churañ tukuyxataynawa, Jacobusti awkipan ukat mistuskän ukapachaw Esaux pampat purinirakïna.

Génesis 6:11

Diosatakix aka uraqix ñanqhana, kunayman jan wali lurañanakan phuqhantatänwa,

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

2 Crónicas 28:22

Jan walin uñjaskasasa, Ahaz reyix, Tatit nayraqatan jucha luraskakïnwa. ¡Ahaz reyix ukhamänwa!

Salmos 52:7

7 (9) “Uñtapxam, jan axsarir jaqiru, Diosar jan iyawsañ munir jaqiru, qamir yänakapar alkatasir jaqiru, ñanqha luras sarnaqir jaqiru” sasa.

Isaías 18:2

khithanakapsa Nilo jawiranjam khithanki uka markatakixa, junco sat alinakat lurat botenakat jutapki ukanakatakixa! Khithanaka, jalakamak jalapxam, uka jach'a tansa, janq'ull jaqinakan markaru, taqi chiqan wali axsarat markaru, wali ch'amani jach'a jach'a tukur markaru, jawiranakan muyuntat markaru.

Jeremías 16:16

Tatitusti sarakiwa: “Nayax walja uñisirinak khithanï, jupanakaw israelitanakar katurapxani. Ukatsti israelitanakar katurapxañapatakix jiwarayirinak waljani khithanirakï, jupanakaw taqi israelitanakarux qullunak tuqita, qarqa p'iyanakat wayuranipxani.

Ezequiel 13:18

ukatsti sarakim: ‘Tatitux akham siwa: ¡Ay kunakïkan jumanakatxa, jaqinakar sallqjañatakix kunayman layqasiñ ch'uqañanak ch'ukupxtaxa, ukanakampi amparanakapar ch'uqt'asipxañapataki, velonak lurapxtaxa, ukanakampi p'iqinakap ch'uqt'asipxañapataki! ¿Jumanakasti markaxan jakañanakapax jumanakankkaspas ukhamti amuyapxta?

Miqueas 7:2

Aka uraqinxa janiw maynis Diosatakjam chiqap sarnaqirix utjkxiti; taqinis nuwasiñampi jiwarayasiñampik suyt'asipki; maynit maynikamarakiw aynacht'ayasisipki.